الحمد لله كانت صدمه كبيره انا مكنتش بعاني من اي تعب فى الحمل و لا نزيف و لا مغص و لا اي حاجة و كنت فى بدايه الشهر الثالث من الحمل و كنت رايحه للدكتوره علشان المتابعة الشهرية و بعد ما عملت السونار قالتلي مفيش نبض خالص و الجنيين لازم ينزل كلامها نزل على كالصاعقة و الحمد لله على كل شيئ قالتلي انتي ارتفعت درجة حرارتك قلتلها لأ قالتلي جالك برد شديد قلتلها لأ قالتلي طيب تعبتي نفسك قلتلها لأ قالتلي ولا عندك مغص قلتلها نهائي
قالتلي هنستني اسبوع و نعمل سونار تاني لو مفيش نبض لازم ينزل خرجت من عندها مش شايفة قدامي لما حكيت لزوجي قالي روحي لدكتور تاني علشان نتأكد تاني يوم روحت لدكتور معروف و شاطر و عنده اجهزه حديثة كان عندي امل ان النبض يكون ضعيف او خطأ فى التشخيص و لما رحتلو وكشف قالي نفس الكلام و قالي النبض توقف من 5 ايام و لله الحمد و الشكر على كل شيئ و تركني 5 ايام علشان ينزل لوحده وقالي لو منزلش هنعمل عمليه و سبحان الله كنت ديما بدعي يارب ثبت حملي و كان الحمل ثابت بالرغم من انه ما فيه روح و ذهبت للدكتور و اعطاني برشام بيساعد على نزول الجنيين اخدتة و عشت يوميين من الطلق المتواصل و ما كان بينزل شيئ الا دم بسيط جدا سبحان الله الي بيهون الطلق ان الام بتبقي عارفة انها ساعات و تشوف ابنها لكن طلق من غير طفل ربنا ما يكتبه على حد ابدا و رجعت للدكتور و اضطر يعمل عمليه علشان ينزله و ينضف الرحم
و الحمد لله على كل شيئ انا مش زعلانة انا بس خايفة يتكرر ده تاني
الدكتور طلب تحاليل و قالي انتي عندك بس شوية انيميا هل الانيميا ممكن تسبب اجهاض
ادعولي ان ربنا يعوضني خير و يرزق كل محرومةو كل مشتاقة للاطفال
معلش طولت عليكم بس حبيت افضفض
الروابط المفضلة