السلام عليكم دكتورات الاسكندريه

**أم ملك2008** · 25-10-2009, 04:32 PM

يا جماعه جزاكم الله خيرا ياريت تفيدوني بدكتورات نساء وولادة في اسكندريه تكون شاطرة وسعرها معقول يعني لا يعتدي ال40 جنيه وكمان مستشفيات ولاده نظيفه واسعارها معقوله جزاكم الله خيرا

**أم آدم كريم** · 25-10-2009, 04:41 PM

فى دكتورة أعرف انها كويسة فى شارع متفرع من شارع الجواهر اللى فى الحضرة القبلية وسعر الكشف عندها ب 30 جنيه ده بالسونار بس أنا مش فاكرة اسمها دلوقتى هسألك عليها و هبقى اقوله لك انشاء الله و هبقى أسألك كمان أصحابى اللى فى اسكندرية بتابعوا فين
بس قوليلى انتى ساكنة فى منطقة ايه؟ عشان اسألك على حاجة قريبة منك برضه.

**أم ملك2008** · 25-10-2009, 06:35 PM

جزاكي الله خيرا يا أم أدم انا في سيدي بشر والف شكر علي ردك

**ليلى رباح** · 25-10-2009, 06:43 PM

الله ييسر لك الولاده السهله والله لا اعرف اي دكتوره لانني انا في الاردن واسعارها الاردن غاليه جدا جدا يعني بحدود 3000 جنيه مصري ربنا يقويك
ليلي

**gayda** · 25-10-2009, 07:01 PM

السلام عليكم ام ملك فى دكتورة بتابع معاها اسمها دكتورة نبيلة محمد صابر فى جمال عبد الناصر كشفها 32 وسونار 30 لو عاوزة ممكن اديلك نمرة العيادة الحجز عندها قبلها بيوم والاستشارة ب5

**mayooya** · 25-10-2009, 07:48 PM

ربنا معاكي و يكرمك و يتمم لك الحمل علي خير

**ام البراء2000** · 25-10-2009, 08:01 PM

السلام عليكم ام ملك مرحبا بيكى انا عايزه اقولك انى انا كمان من سيدى بشر بحرى وفى دكتوره نساء وتوليد اسمها دكتوره ساميه وهى دكتوره شاطره وكويسه وكشفها بسيط وهى منتقبه وبتراعى ربنا فى شغلها وليست ماديه بالمره انا ولدت عندها ملك بنتى فى مبرة العصافره وكانت قيصرى اما براء ولدته عند دكتورة امنيه عثمان وفى شارع 45 وهى كمان كويسه اما دكتوره ساميه هى العياده بتاعتها فى الشارع المقابل لى وعايزة اقولك كمان ان فى مستشفى المدينه المنوره ومستشفى عقبه بن نافه ومستشفى الزهور دى اسعارهم معقوله خالص ولو عايزة تستفسرى عن اى حاجه احنا فى الخدمه

**أم ملك2008** · 26-10-2009, 06:55 PM

جزاكي الله خيرا يا أم البراء ياريت العنوان وارقام التليفونات وبالنسبة لمستشفي المبرة نظيفه والقيصرية فيها بكام؟؟؟

**أم ملك2008** · 26-10-2009, 08:10 PM

كتبت بواسطة gayda

السلام عليكم ام ملك فى دكتورة بتابع معاها اسمها دكتورة نبيلة محمد صابر فى جمال عبد الناصر كشفها 32 وسونار 30 لو عاوزة ممكن اديلك نمرة العيادة الحجز عندها قبلها بيوم والاستشارة ب5

جزاكي الله خيرا علي ردك بس حابه اسئلك هي كل مرة مش بتكشف بالسونار يعني ولا ايه لانك بتقولي الكشف 32 والسونار 30؟؟؟؟؟؟؟؟؟؟؟

**gayda** · 26-10-2009, 08:37 PM

السلام عليكم اختى ام ملك انا بالنسبة ليا بعمل سونار مرتين فى الشهر لانى حامل فى توام انما معرفش العادى مرة واحدة ولا اية

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: السلام عليكم دكتورات الاسكندريه

أدوات الموضوع

العرض