السلام عليكم
كيفكم يا بنات؟
أنا بالغربه لحالي مع زوجي وبنتي عمرها سنه وثلاث شهور
توني اكتشفت هالشهر اني حامل اول يوم بكيييييت وزعلت وقلت بتأكد بتحليل الدم يمكن التحليل المنزلي يغلط بس طلعت صحيح حامل والحمدلله على كل حال الله يسهل علي يارب وعلى كل الحوامل
بالذات أني بحملي ببنتي كنت التسع شهور ترجيع ولوعه ومغذيات بالبيت او بالمستشفى ونزل وزني اكثر من عشره كليو عن وزني قبل الحمل واضطربت أني اوقف دراستي سيمسترين
لكن الحين لازم اكون اقوى لان بعثتي راح تتأثر لو تأخرت اكثر
وبنتي معتمده علي بالرضاعه الطبيعيه 100٪ أبداً ماتقبلت الصناعي من ولادتها ولو رضعته كانت ترجعه وهي أساساً وزنها قليل وماتاكل بالمره الا ملعقه او ملعقتين مع أني أنوع لها كثير بس هي كذا
المهم الحين ان هي ما تنام من غير رضاعه اصلاً ما اعرف انيمها الا كذا ولا مره نامت عندي من غير ما ارضعها واذا بتنام من غير رضاعه فهي تكون مع البيبي ستر مو معاي
هي بالنهار ماترضع الا نادراً جداً وممكن ماترضع ابد بس بالليل ضروري
وانا ناويه افطمها من بكره لان عندي اجازه اسبوع بس مادري كيف أتصرف معاها أخاف تعور قلبي وارجع ارضعها
لانها ما تنام مواصل أبداً كل ساعتين او اقل تجلس ترضع وتنام ... وهذي مشكلتي الازليه حتى سريرها ما تنام عليه دايم جنبي وهذي مشكله ثانيه ابي اعلمها تنام بسريرها تعبت من وجودها جنبنا
خلينا الحين في المشكله ألرئيسيه شلوووون افطمها ووش اسوي لمن تصيح ؟
ما احس ان عندي الجرأه لهالخطوه بس خلاص لازم افطمها خائفه ع اللي ببطني من غير شي أنا ما احب الحليب ولا أشربه ابد واحس ان ماعندي كالسيوم يكفي ثلاث أشخاص
أنا قبلفكرت بحبوب تنشيف الحليب بس المشكله أني الحين حامل ولا اتوقع الطبيب يرضى يوصفها لي
ساعدوني بتجاربكم كيف أتصرف وشنو بيصير لي ؟
وكم تآخي المده ؟
الله يعطيكم الف عافيه ويرزقكم ما تتمنون
الروابط المفضلة