مرحبا خواتي
اخر اسبوع برمضان عرفت اني حامل و تاكدت بتحليل الدم و كان الهرمون عالي و ممتاز رحت علدكتورة و استغربت انه ما في نبض و اعطتني موعد بعد اسبوعين و طلبت اعيد فحص الدم . عدته و كان زايد و كلشي طبيعي وكنت حاسة بكل اعراض الوحام بس لما رحت ما كان في نبض و شكل الجنين مش متميز لراس وجسم كان كبران عشكل كتلة و قالتلي لازم انزله ازا بعد اسبوع لو ما تغير الوضع و بعد اسبوع نزلته بعملية. ممكن يكون السبب اني تعبت كتيير اول اساابيع الحمل؟؟ كان عندي ضرف صعب وما كنت بعرف اني حامل
.خايفة من الي صار يعني مات اول ما نخلق؟ خايفة تتكرر معي
يا الله شو ستنيت الحمل بس ما كملت فرحتي و الحمد لله دايما
بدي منكم دعاء..انا تعبانة نفسيتي كتير
الروابط المفضلة