كتبت بواسطة rasha tarek

لولي وستيل هير
ربنا يكرمكو يا رب علي دعائكو ليا وربنا يتقبل ان شاء الله

وان شاء الله نحن السابقون وانتم اللاحقون علي خير ان شاء الله

أمين يا رب العالمين
ربنا يتقبل يا رشا

كتبت بواسطة rasha tarek

انا السحب يوم السبت ان شاء الله

ادعولي يا بنات ان ربنا يكلل عمليتي بالنجاح يا رب

يا حبيبتى يا رشا ربنا معاكى يا رب
انشاء الله حامل باحلى توام

كتبت بواسطة odrarch2000

السلام عليكم
انا الحمد لله قررت زى ما استفدت من المنتدى دة و من كل واحدة كتبت عن تجربتها فيه
انى اكتب تجربتى بالتفصيل علشان الكل يستفيد منها
نبذة عن قصة علاجى قبل قرار الحقن المجهري:


انا متزوجة 30-1- 2007
السن :28 سنة المهنة:مهندسة

-حملت مرة واحدة بعد زواجى بعشرة شهور و لم يستمر الحمل و اجهضت الحمد لله فى الشهر التانى
-بعد كدة ذهبنا لاطباء كتيير و اخدت منشطات و متابعات لمدة سنة دون جدوى
-لما الدكتور طلب مننا ان زوجى يحلل كانت المفاجئة ان فى مشاكل
-رحنا لدكتور اسامة شعير و طلب مننا اشعاعات و تحاليل و النتيجة
ضعف فى الحركة و قلة فى العدد و تشوهات
و ابتدى جوزى ياخد اوىي و علاجات لمدة 3 شهور و نكررها كمان شهرين
و فى الاخر قالنا الدكتور مفيش حل غير الحقن المجهرى
-طبعا كانت صدمة و كنت حاعملها عندو فى المركز بتاعو
بس مش عارفة ليه ماكنتش مرتاحة
-المهم قعدت اقرا فى المواضيع بتاعة البنات على المنتدى و شدتنى اوى قصى الاخت ميرو 2006
اللى بجد ليها فضل كبير عليا حتعرفو من باقى الحكاية

-و بعد عدة دراسات قررت بفضل الله اذهب لمركز جنين د0 حسام زكى
كلمت المركز و حددولى ميعاد يوم الاتنين الساعة 3

اول زيارة بتاريخ 29-6-2009
اول مادخلت المركز طلبو مننا قسيمة الجواز و البطاقات
-دفعت 250 قيمة الكشف
-ادونى فايل املى بياناتى و سالونى فى عن كل كبيرة و صغيرة بصراحة
-بعد كدة انتظرت فى الصالى الواسعة و المكان زحمة جدا بس نظيف اوى بصراحة
-المهم جلسنا مع احدى المنسقات اسمها ميس بسمة و اطلعت على الفايل و اتكلمت معانا فى حاجات كتير و قالتلنا حنقابل الدكتور حسام بعد ساعتين
-دخلنا للدكتور المكتب الساعة 8 و انتظرنا نص ساعة فى مكتب فخم اوى يتوسطو صينية كبيرة مملوئة بتحاليل منزلية بنتايج ايجابية
-اول ماشفتها قلبى وجعنى و الله و اتمنيت يكونلى واحدة هناك(انشاء الله)
-دخل الدكتور حسام و شاف تحليلنا و قالى انتى لسة صغيرة بلاش نستعجل و نحاول بالعلاج اولا
-دخلنى غرفة السونار ووجد عندى اكياس بسيطة على المبيض و طلب منى تحاليل و طلب من زوجى ايضا تحاليل
و بصراحة كان متعاون جدا و سالنا فى كل حاجة و واضح انو دكتور بجد ذو علم
اجمالى:250 جنيه

ثانى ٍ زيارة بتاريخ 2-7-2009
-عملنا التحاليل
تحاليل زوجى:70 جنيه
تحاليلى:560 جنيه
اجمالى:630 جنيه

ثالث ٍ زيارة بتاريخ 7-7-2009
طلعت نتيجة زوجى زى قبل كدة
-و انا كان عندى الانسولين عالى بنسبة 15 و الطبيعى اقل من عشرة
-المنسقة بلغتنا بالعلاج
زوجى علبة دواء MFS لمدة شهر و بعدها يعيد العلاج(500 جنيه)
انا اخد 3 اقراص جلوكوفاج 500 فى اليوم(15 جنيه العلبة)
-و زوجى يعيد التحليل بعد شهر
اجمالى:515 جنيه

رابع ٍ زيارة بتاريخ 9-8-2009
و دى زوجى ذهب بمفرده لعمل تحليل السائل بعد اخذ العلاج لمدة شهر
اجمالى:70 جنيه

خامس ٍ زيارة بتاريخ 12-8-2009
و كان ميعادنا الساعة 4عصرا
و استلمنا نتيجة التحليل و المفاجاة: النتيجة اسوا من قبل اخذ الدواء و الحمد لله
-المنسقة قالتلنا ادخلو لدكتور الذكورة بس انا شاورت زوجى و قلنا لا عايزين نقابل دكتور حسام لاننا ذهبنا قبل كدة لاكبر دكتور ذكورة فى مصر و مفيش داعى لاضاعة الوقت و الفلوس
دخلنا لدكتور حسام الساعة 8مساءا
و انتظرنا المرة دى فى غرفة صغيرة و غير مرتبة
المهم الدكتور دخلنا الساعة 9.30 و طبعا جوزى كان عايز يمشى من بدرى
المهم قابلنا الدكتور و قالنا مفيش داعى ان زوجى يعمل اى تحاليل او ياخد علاجات اخرى
-طلب منى اكمل الجلوكوفاج و اعيد تحليل هرمون الانسولين بعد العيد
------انا كنت قرات قصة ميرو 2006 و سبحان الله و انا بقرا قصتها حسيت انى عندى نفس المشكلة بتاعت جين تجلط الدم
-قلت لدكتور حسام قالى مفيش داعى دة تحليل غالى و اللى عندهم 3% بس من النساء
بس انا اصريت اعملو
اجمالى:.00 جنيه (الحمد لله)

سادس ٍ زيارة بتاريخ 26-9-2009
ذهبت المركز لعمل تحاليل الانسولين و التجلط
اجمالى:1260 جنيه

سابع زيارة بتاريخ 1-10-2009
بناءا على طلبهم منى فى التليفون انى اذهب 3 يوم الدورة لان تحليل الانسولين نزل بفضل الله
-لما رحت قالولى ماكناش متوقعين ان البيريود تجيلك بسرعة كدة
-المهم طلبو منى اعيد تحليل الانسولين لانو كان 11 و المفروض ينزل اقل من عشرة
-و كتبولى على العلاج و قالولى حنكلمك اخر النها علشان لو التحليل كويس تبتدى تاخدى الدواء
-الدواء:
-حبوب جنيرا(منع حمل لمدة 17 يوم من تالت يوم الدورة) حبة كل يوم فى نفس الميعاد(20 جنيه)
-بريجنانت كونسيبشن و دى حبوب لتحسين جودة البويضات حبة كل يوم بعد الغذاء(2 شريط 250 جنيه)
-تحليل الانسولين (90 جنيه)
و قالولى كلمينا فى التليفون لو انشاء الله بداتى العلاج علشان نحددلك يوم عملية المنظار
-كلمونى فى نفس اليوم مساء و بلغونى ان الانسولين انخفض الى 9.5 و طلبو منى ابدا بحبوب منع الحمل
-تم تحديد ميعاد العملية يوم الاربعاء 7-10-2009 و قالولى اروح صايمة من 8 صباحا و امنع دخول الحمام من 11.30 و الحضور للمركز 1.30 مساءا
اجمالى:360 جنيه

ثامن زيارة بتاريخ 7-10-2009
ذهبت المركز عادى جدا و كل شىء تمام و بعدين تذكرت ان محدش حابلى سيرة تحليل تجلط الدم
-دخلت للمنسقة و جابت ملفى و فوجئت ان الدكتو مقررلى علاج لان عندى جين فى مشكلة(زى ميرو 2006) و حدش قالى على العلاج
و المنسقة اعتذرتلى و قالتلى دى غلطة من عندنا J
-العلاج عبارة عن
2 حبة فوليك اسيد 5مل يوميا
حقنة تراى بي كل 3 ايام
و 1 حبة جاسبرين يوميا
-دخلت بعد كدة الغرفة لانتظار العملية من الساعة 2 ظهرا
دخلت غرفة العمليات الساعة 5.3 مساءا J
المهم الموضوع لم ياخذ اكثر من 15 دقيقة و عرفت ان دكتور حسام هو اللى عملى العملية بنفسو
بعد كدة دخلتلى المنسقة
و ادتنى ورقة بخطة الادوية الفترة القادمة
-اوجمانتين مضاد حيوى كل 12 ساعة
-حقن LUCRIN تحت الجلد ابتداءا من 13-10
- و فى دواء حاخدو ابتداء من يوم توقيف حبوب منع الحمل
-دة غير اسمراري عل باقى الادوية اللى قبل كدة(اه يا معدتى)و قائمة ممنوعات طبعا(شيكولاتة-شاى –قهوة-لحوم مصنعة-بيبسى.................الخ)
المنظار: 930
حقن LUCRIN: 800
عملولى تحليل مش عارفة اسمو علشان يحددو جرعة الفوليك اسيد:160
و الباقى تمن الادوية الخري(الفوليك و الجاسبرين و حقن التراى بي)
اجمالى:2000 جنيه

و ميعادى القادم انشاء الله يوم 24-10-2009

و للحديث بقية

ناسع زيارة بتاريخ 24-10-2009
اليوم ذهبت الى المركز فى ميعادى الساعة 8
و دخلت لاول مرة للدكتور هانى
واضح انو دكتور شاطر
-عملى سونار و طلب منى اعمل تحاليل 3 هرمونات علشان يحددولى امتى حبتدى التنشيط النهاردة و لا بكرة
الادوية عبارة عن:
1-اسمر على حقن lucrin
2- حقن gonal يوميا تحت الجلد الساعة 8 مساءا
3- حقن monogon يوميا 8 صباحا
و لمل خرجت المنسقة قالتلى كلمونى الساهة 6ز3 علشان لو التحليل كويس حنبتدى و الزيارة القادمة تكون انشاء الله يوم الخميس
لو فى مشكلة حنستمر على الlucrin بس و نعيد تانى التحليل يوم الاتنين
-الحقن كلفتنى 1610 جنيه
-تحليل هرمونات 180 جنيه
اجمالى:1790 جنيه

odrarch2000
هل جاءتك الدورة بعد وقف حبوب منع الحمل واثناء الابر التحضيرية وبعد كم يوم جاءتك الدورة فانا فى قلق لا يعلمه الا الله

كتبت بواسطة hoba_m

odrarch2000
هل جاءتك الدورة بعد وقف حبوب منع الحمل واثناء الابر التحضيرية وبعد كم يوم جاءتك الدورة فانا فى قلق لا يعلمه الا الله

اهلا حبيبتى
ايوة الدورة جاتلى
انا وقفت الحبوب يوم 17 اكتوبر و جاتلى البيريود يوم 21
انتى قلقانة من ايه بس ممكن افهم؟
يمكن اقدر اساعدك

بصى يا دينا انا كنت اخذت فى الدورة السابقة فى اليوم الخامس حبوب منع الحمل مارفيلون وبعد 14 يوم من اخذ الحبوب ذهبت لعمل السونار فقالت لى ان اقف هذه الحبوب وان ابدا باخذ الابر التحضيرية ديكابتيل 7 ابر كل يوم نصف الابرة وفى اليوم التانى النصف التانى وقالت لى عندما تاتى الدورة لا تتوقفى عن اخذ الابر ولكنى لا اعرف متى ستأتى الدورة مع العلم اننى لى 6 ايام من اخر حبة مارفيلون ومن بداية الابر هل تاخرت الدورة هكذا وهل يوجد ضرر اذا لم تاتى فهل ستلغى العملية

بصى يا ستى
اولا القلق مالوش لازمة خالص
لان كل جسم بيكون له ردود فعل مختلفة
و 6 ايام مش تاخير اصلا
هدى اعصابك علشان الدنيا ماتتلخبطش و انشاء الله خير
و حتنزل ماتقلقيش لنتى بس
و خليكى متابعة مع الدكتورة بتاعتك
هو انتى متابعة فى مركز ايه؟

كتبت بواسطة odrarch2000

بصى يا ستى
اولا القلق مالوش لازمة خالص
لان كل جسم بيكون له ردود فعل مختلفة
و 6 ايام مش تاخير اصلا
هدى اعصابك علشان الدنيا ماتتلخبطش و انشاء الله خير
و حتنزل ماتقلقيش لنتى بس
و خليكى متابعة مع الدكتورة بتاعتك
هو انتى متابعة فى مركز ايه؟

ربنا يكرمك يا دينا انا الحمد لله اتطمنت شوية بعد ما بعت رسالة لاختنا قلوب خضراء وهى كانت متابعة معايا فى نفس المكان وكانت هى دى خطة علاجها والحمد لله نجحت من ول مرة وقالتلى زى ما انتى قلتى برضه مفيش مشكلة وان كدة ما اتاخرتش وهى كانت سالت الدكتور لو الدورة اتاخرت ايه اللى هيحصل قالها مفيش مشكلة معلش يا حبيبة قلبى تعبتك معايا ياااااااااااااااااارب يكلل تعبنا بالذرية الصالحة ان شاء الله وعلى فكرة انا متابعة فى مركز اطفال الانابيب بمستشفى الجلاء

يااااااااااااااااااااااااارب يرزقنا الذريه الصالحه عاجلا غير اجلا

دندون ..جهد موفق يا قمر أن شاء الله وبالتوفيق بأذن الله..أنا ميعادي بكره أن شاء الله ..
محدش يعرف رشا عملت أيه؟