مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 100 123451151 ... الأخيرالأخير
عرض النتائج 1 الى 10 من 998

يومياتى فى مركز جنين(متجدد مع كل خطوة من خطوات الحقن المجهرى)* شعار تجربة متميزة*

(الحمل والولادة و الرضاعة - منتدى لكِ)
السلام عليكم انا الحمد لله قررت زى ما استفدت من المنتدى دة و من كل واحدة كتبت عن تجربتها فيه انى اكتب تجربتى بالتفصيل علشان ...
  1. #1
    كرمة81 غير متواجد عضو نشيط
    تاريخ التسجيل
    Jul 2007
    الموقع
    مصر
    الردود
    494
    الجنس
    أنثى

    المواضيع المتميزة يومياتى فى مركز جنين(متجدد مع كل خطوة من خطوات الحقن المجهرى)* شعار تجربة متميزة*


    السلام عليكم
    انا الحمد لله قررت زى ما استفدت من المنتدى دة و من كل واحدة كتبت عن تجربتها فيه
    انى اكتب تجربتى بالتفصيل علشان الكل يستفيد منها
    نبذة عن قصة علاجى قبل قرار الحقن المجهري:


    انا متزوجة 30-1- 2007
    السن :28 سنة المهنة:مهندسة

    -حملت مرة واحدة بعد زواجى بعشرة شهور و لم يستمر الحمل و اجهضت الحمد لله فى الشهر التانى
    -بعد كدة ذهبنا لاطباء كتيير و اخدت منشطات و متابعات لمدة سنة دون جدوى
    -لما الدكتور طلب مننا ان زوجى يحلل كانت المفاجئة ان فى مشاكل
    -رحنا لدكتور اسامة شعير و طلب مننا اشعاعات و تحاليل و النتيجة
    ضعف فى الحركة و قلة فى العدد و تشوهات
    و ابتدى جوزى ياخد اوىي و علاجات لمدة 3 شهور و نكررها كمان شهرين
    و فى الاخر قالنا الدكتور مفيش حل غير الحقن المجهرى
    -طبعا كانت صدمة و كنت حاعملها عندو فى المركز بتاعو
    بس مش عارفة ليه ماكنتش مرتاحة
    -المهم قعدت اقرا فى المواضيع بتاعة البنات على المنتدى و شدتنى اوى قصى الاخت ميرو 2006
    اللى بجد ليها فضل كبير عليا حتعرفو من باقى الحكاية

    -و بعد عدة دراسات قررت بفضل الله اذهب لمركز جنين د0 حسام زكى
    كلمت المركز و حددولى ميعاد يوم الاتنين الساعة 3

    اول زيارة بتاريخ 29-6-2009
    اول مادخلت المركز طلبو مننا قسيمة الجواز و البطاقات
    -دفعت 250 قيمة الكشف
    -ادونى فايل املى بياناتى و سالونى فى عن كل كبيرة و صغيرة بصراحة
    -بعد كدة انتظرت فى الصالى الواسعة و المكان زحمة جدا بس نظيف اوى بصراحة
    -المهم جلسنا مع احدى المنسقات اسمها ميس بسمة و اطلعت على الفايل و اتكلمت معانا فى حاجات كتير و قالتلنا حنقابل الدكتور حسام بعد ساعتين
    -دخلنا للدكتور المكتب الساعة 8 و انتظرنا نص ساعة فى مكتب فخم اوى يتوسطو صينية كبيرة مملوئة بتحاليل منزلية بنتايج ايجابية
    -اول ماشفتها قلبى وجعنى و الله و اتمنيت يكونلى واحدة هناك(انشاء الله)
    -دخل الدكتور حسام و شاف تحليلنا و قالى انتى لسة صغيرة بلاش نستعجل و نحاول بالعلاج اولا
    -دخلنى غرفة السونار ووجد عندى اكياس بسيطة على المبيض و طلب منى تحاليل و طلب من زوجى ايضا تحاليل
    و بصراحة كان متعاون جدا و سالنا فى كل حاجة و واضح انو دكتور بجد ذو علم
    اجمالى:250 جنيه

    ثانى ٍ زيارة بتاريخ 2-7-2009
    -عملنا التحاليل
    تحاليل زوجى:70 جنيه
    تحاليلى:560 جنيه
    اجمالى:630 جنيه

    ثالث ٍ زيارة بتاريخ 7-7-2009
    طلعت نتيجة زوجى زى قبل كدة
    -و انا كان عندى الانسولين عالى بنسبة 15 و الطبيعى اقل من عشرة
    -المنسقة بلغتنا بالعلاج
    زوجى علبة دواء MFS لمدة شهر و بعدها يعيد العلاج(500 جنيه)
    انا اخد 3 اقراص جلوكوفاج 500 فى اليوم(15 جنيه العلبة)
    -و زوجى يعيد التحليل بعد شهر
    اجمالى:515 جنيه

    رابع ٍ زيارة بتاريخ 9-8-2009
    و دى زوجى ذهب بمفرده لعمل تحليل السائل بعد اخذ العلاج لمدة شهر
    اجمالى:70 جنيه

    خامس ٍ زيارة بتاريخ 12-8-2009
    و كان ميعادنا الساعة 4عصرا
    و استلمنا نتيجة التحليل و المفاجاة: النتيجة اسوا من قبل اخذ الدواء و الحمد لله
    -المنسقة قالتلنا ادخلو لدكتور الذكورة بس انا شاورت زوجى و قلنا لا عايزين نقابل دكتور حسام لاننا ذهبنا قبل كدة لاكبر دكتور ذكورة فى مصر و مفيش داعى لاضاعة الوقت و الفلوس
    دخلنا لدكتور حسام الساعة 8مساءا
    و انتظرنا المرة دى فى غرفة صغيرة و غير مرتبة
    المهم الدكتور دخلنا الساعة 9.30 و طبعا جوزى كان عايز يمشى من بدرى
    المهم قابلنا الدكتور و قالنا مفيش داعى ان زوجى يعمل اى تحاليل او ياخد علاجات اخرى
    -طلب منى اكمل الجلوكوفاج و اعيد تحليل هرمون الانسولين بعد العيد
    ------انا كنت قرات قصة ميرو 2006 و سبحان الله و انا بقرا قصتها حسيت انى عندى نفس المشكلة بتاعت جين تجلط الدم
    -قلت لدكتور حسام قالى مفيش داعى دة تحليل غالى و اللى عندهم 3% بس من النساء
    بس انا اصريت اعملو
    اجمالى:.00 جنيه (الحمد لله)

    سادس ٍ زيارة بتاريخ 26-9-2009
    ذهبت المركز لعمل تحاليل الانسولين و التجلط
    اجمالى:1260 جنيه

    سابع زيارة بتاريخ 1-10-2009
    بناءا على طلبهم منى فى التليفون انى اذهب 3 يوم الدورة لان تحليل الانسولين نزل بفضل الله
    -لما رحت قالولى ماكناش متوقعين ان البيريود تجيلك بسرعة كدة
    -المهم طلبو منى اعيد تحليل الانسولين لانو كان 11 و المفروض ينزل اقل من عشرة
    -و كتبولى على العلاج و قالولى حنكلمك اخر النها علشان لو التحليل كويس تبتدى تاخدى الدواء
    -الدواء:
    -حبوب جنيرا(منع حمل لمدة 17 يوم من تالت يوم الدورة) حبة كل يوم فى نفس الميعاد(20 جنيه)
    -بريجنانت كونسيبشن و دى حبوب لتحسين جودة البويضات حبة كل يوم بعد الغذاء(2 شريط 250 جنيه)
    -تحليل الانسولين (90 جنيه)
    و قالولى كلمينا فى التليفون لو انشاء الله بداتى العلاج علشان نحددلك يوم عملية المنظار
    -كلمونى فى نفس اليوم مساء و بلغونى ان الانسولين انخفض الى 9.5 و طلبو منى ابدا بحبوب منع الحمل
    -تم تحديد ميعاد العملية يوم الاربعاء 7-10-2009 و قالولى اروح صايمة من 8 صباحا و امنع دخول الحمام من 11.30 و الحضور للمركز 1.30 مساءا
    اجمالى:360 جنيه

    ثامن زيارة بتاريخ 7-10-2009
    ذهبت المركز عادى جدا و كل شىء تمام و بعدين تذكرت ان محدش حابلى سيرة تحليل تجلط الدم
    -دخلت للمنسقة و جابت ملفى و فوجئت ان الدكتو مقررلى علاج لان عندى جين فى مشكلة(زى ميرو 2006) و حدش قالى على العلاج
    و المنسقة اعتذرتلى و قالتلى دى غلطة من عندنا J
    -العلاج عبارة عن
    2 حبة فوليك اسيد 5مل يوميا
    حقنة تراى بي كل 3 ايام
    و 1 حبة جاسبرين يوميا
    -دخلت بعد كدة الغرفة لانتظار العملية من الساعة 2 ظهرا
    دخلت غرفة العمليات الساعة 5.3 مساءا J
    المهم الموضوع لم ياخذ اكثر من 15 دقيقة و عرفت ان دكتور حسام هو اللى عملى العملية بنفسو
    بعد كدة دخلتلى المنسقة
    و ادتنى ورقة بخطة الادوية الفترة القادمة
    -اوجمانتين مضاد حيوى كل 12 ساعة
    -حقن LUCRIN تحت الجلد ابتداءا من 13-10
    - و فى دواء حاخدو ابتداء من يوم توقيف حبوب منع الحمل
    -دة غير اسمراري عل باقى الادوية اللى قبل كدة(اه يا معدتى)و قائمة ممنوعات طبعا(شيكولاتة-شاى –قهوة-لحوم مصنعة-بيبسى.................الخ)
    المنظار: 930
    حقن LUCRIN: 800
    عملولى تحليل مش عارفة اسمو علشان يحددو جرعة الفوليك اسيد:160
    و الباقى تمن الادوية الخري(الفوليك و الجاسبرين و حقن التراى بي)
    اجمالى:2000 جنيه

    و ميعادى القادم انشاء الله يوم 24-10-2009

    و للحديث بقية
    آخر مرة عدل بواسطة كرمة81 : 12-10-2009 في 02:16 PM


  2. #2
    lollypopy79 غير متواجد النجم الفضي
    تاريخ التسجيل
    Apr 2008
    الموقع
    القاهرة..الرياض..القاهرة
    الردود
    2,525
    الجنس
    امرأة
    ربنا معاكي و يوفقك يا رب و يكلل تعبك بالخير
    أنا رحت تابعت هناك فترة بسيطة لأن عندي تكيسات وبعدين سافرت
    بس سبحان الله رغم الزحمة الفظيعة و الإنتظار الطويل المكان هناك مريح أوي و مكنتش بضايق خالص
    ربنا يديكي و يديني يا رب و يرزقنا و نفرح بحملك قريب
    و على فكرة فكرة كتابة يومياتك هناك حلوة أوي و أكيد ناس هتستفيد منها
    ربنا يجعلها في ميزان حسناتك يا رب
    و يدي ميرو كل خير و يباركلها في أولادها
    هي ساعدتني أنا كمان في إختيار المركز لأني كنت محتارة أروح فين
    و أنا إن شاء الله هفضل متابعةمعاكي اليوميات




  3. #3
    مرات جوزها's صورة
    مرات جوزها غير متواجد محررة في مجلة الامل
    تاريخ التسجيل
    Aug 2009
    الموقع
    القاهره.مصر
    الردود
    6,437
    الجنس
    امرأة
    التكريم
    (أوسمة)
    ما شاء الله ..الله يكتبلك الشفاء والحمل السليم ان شاء الله قريبا يارب ويجازيكى خير عن كل معلومات افدتينا بيها الله يكرمك حبيبتى ....انا شخصيا استفدت منك جدا جدا جدا ....وناويه اسال دكتورى عن الموضوع ده بردو(يارب قر عينها برؤيه اولادها قريبا ان شاء الله)

    (
    ياكريم اللهم ياذا الرحمة الواسعة يا مطلعا على السرائر و الضمائر و الهواجس و الخواطر , لا يعزب عنك شيء , أسئلك فيضة من فيضان فضلك , و قبضة من نور سلطانك , و أنسا ً و فرجاً من بحر كرمك , أنت بيدك الأمر كله و مقاليد كل شيء فهب لنا ما تقر به أعيننا و تغنينا عن سؤال غيرك , فإنك واسع الكرم , كثير الجود , حسن الشيم , فببابك واقفون و لجودك الواسع المعروف منتظرون يا كريم يا رحيم )

  4. #4
    كرمة81 غير متواجد عضو نشيط
    تاريخ التسجيل
    Jul 2007
    الموقع
    مصر
    الردود
    494
    الجنس
    أنثى
    تعقيب كتبت بواسطة lollypopy79 عرض الرد
    ربنا معاكي و يوفقك يا رب و يكلل تعبك بالخير
    أنا رحت تابعت هناك فترة بسيطة لأن عندي تكيسات وبعدين سافرت
    بس سبحان الله رغم الزحمة الفظيعة و الإنتظار الطويل المكان هناك مريح أوي و مكنتش بضايق خالص
    ربنا يديكي و يديني يا رب و يرزقنا و نفرح بحملك قريب
    و على فكرة فكرة كتابة يومياتك هناك حلوة أوي و أكيد ناس هتستفيد منها
    ربنا يجعلها في ميزان حسناتك يا رب
    و يدي ميرو كل خير و يباركلها في أولادها
    هي ساعدتني أنا كمان في إختيار المركز لأني كنت محتارة أروح فين
    و أنا إن شاء الله هفضل متابعةمعاكي اليوميات
    جزاكى الله خير يا حبيبتى
    فعلا ربنا يكرمك يا ميرو و يخليلك اولادك
    و يرزقنا انا و انت و كل بنات المنتدى يا رب


  5. #5
    -بلسم الجروح-'s صورة
    -بلسم الجروح- غير متواجد كبار الشخصيات
    تاريخ التسجيل
    May 2009
    الموقع
    غزة العزة-(إم يزونة سابقا)
    الردود
    13,316
    الجنس
    امرأة
    التدوينات
    9
    التكريم
    • (القاب)
      • معطاءة ركن الصحة والتغذية
      • محررة في مجلة أنا ورحلة الأمومة
      • درة صيفنا إبداع 1432هـ
      • لمسة إبداع
      • نبض وعطاء الشتاء
      • مبدعة ركن الصحة والتغذية
      • مبدعة صيفنا إبداع1431هـ
      • لؤلؤة الإحسان
    (أوسمة)
    حبيبتى ربنا يعوض كل صبرك ويعوض كل تكاليفك باحلى توأم ذكور بالدنيا وربنا ما يضيعلك تعب يا رب

    بالامس كان في احشائي قريباً من نبضات قلبي ،،

    واليوم اصبح في احضاني قريبا من عيني،،

    فقد ابصر النور"زين"

    بحجم كل شئ حمدآ وشكرآ لخالقي

    أسأل الله ان يحقق لكم ما تتمنون



    عصفور فى مقصلة الشواء"هنا حكاية"



    الى مدرآء المدآرس في غزة ؛
    لآ تسجلوآ طلآبكم ؛ غآئبون !
    بل : " أحيآء عند ربهم يرزقون " :')

    لك الله ياغزة وفقط

  6. #6
    ميرو أحمد's صورة
    ميرو أحمد غير متواجد النجم الفضي
    تاريخ التسجيل
    May 2009
    الردود
    2,506
    الجنس
    امرأة
    ربنا معاكى يا رب و يكرمك و يقر عينك برؤيه اولادك يارب







  7. #7
    نووودى's صورة
    نووودى غير متواجد النجم الفضي
    تاريخ التسجيل
    Feb 2008
    الموقع
    مصر
    الردود
    1,995
    الجنس
    أنثى
    ربنا يتمم خطواتك على خير
    ويكللها بحمل ثابت سليم
    وذريه صالحه معافاه

    "بسم الله الذى لا يضر مع اسمه شىء فى الأرض ولا فى السماء وهو السميع العليم"

  8. #8
    still_here's صورة
    still_here غير متواجد النجم الفضي
    تاريخ التسجيل
    Mar 2007
    الموقع
    إنتظااااااار الفرج....عباده
    الردود
    3,765
    الجنس
    أنثى
    ماشاء الله ربنا يكتبلك التوفيق أن شاء الله وتفرحي بحمل سليم معافي أن شاء الله..طمنتيني كتير وأستفدت جدا لان عندي أن شاء الله يوم الأربع ميعاد عنده وأول مره..بس سؤال بعد أذنك هو قررلك المنظار علي أي أساس ؟؟

    قال عليه الصلاة والسلام : " إن العبد إذا سبقت له من الله منـزلة لم يبلغها بعمله ، ابتلاه الله في جسده أو في ماله أو في ولده ، ثم صبّره على ذلك ، حتى يبلغه المنـزلة التي سبقت له من الله تعالى "

    ياااااااااااااااااااااااااااااااااااااارب

    عوضني عنهم برحمتك واجعلهم شفعاء لنا يوم القيامه



  9. #9
    كرمة81 غير متواجد عضو نشيط
    تاريخ التسجيل
    Jul 2007
    الموقع
    مصر
    الردود
    494
    الجنس
    أنثى
    تعقيب كتبت بواسطة still_here عرض الرد
    ماشاء الله ربنا يكتبلك التوفيق أن شاء الله وتفرحي بحمل سليم معافي أن شاء الله..طمنتيني كتير وأستفدت جدا لان عندي أن شاء الله يوم الأربع ميعاد عنده وأول مره..بس سؤال بعد أذنك هو قررلك المنظار علي أي أساس ؟؟
    بصي يا حبيبتى هو بيعمل المنظار اجبارى علشان يختار احسن مكان يحقن فيه الاجنة ربنا يوفقك انشاء الله


  10. #10
    dodorere's صورة
    dodorere غير متواجد النجم الفضي
    تاريخ التسجيل
    Jul 2008
    الموقع
    مصر _فى قلب زوجى
    الردود
    1,273
    الجنس
    امرأة
    ربنا يرزقك بتؤام معافين وتفرحى بيهم ياااااااارب

    [CENTER][CENTER][CENTER]]

    يارب متحرمنيش انا وزوجى من النظر فى عينه وسماع ضحكاته وبكائه
    نفسى اخده فى حضنى واسمع منه كلمة ماما
    رب لاتذرنى فردا وانت خير الوارثين
    بالله عليكى تدعى لى انى ابقى حامل قريب واصوم رمضان هذا العام كامل دون نقصان

مواضيع مشابهه

  1. قصتي في الحقن المجهري..زهرة الخبر ( شعار تجربة متميزة )
    بواسطة زهرة الخبر في الحمل والولادة و الرضاعة
    الردود: 45
    اخر موضوع: 02-01-2013, 01:22 AM
  2. يومياتي في الحقن المجهري خطوه بخطوه
    بواسطة روح العشق حيران في الحمل والولادة و الرضاعة
    الردود: 57
    اخر موضوع: 24-12-2011, 09:00 AM
  3. تجربتى مع مركز جنين للدكتور حسام زكى- شعار تجربة متميزة-
    بواسطة ربى كريم في الحمل والولادة و الرضاعة
    الردود: 61
    اخر موضوع: 11-04-2010, 08:54 AM
  4. الردود: 32
    اخر موضوع: 05-01-2010, 11:40 PM
  5. الردود: 16
    اخر موضوع: 21-12-2009, 08:50 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97