السلام عليكم ورحمه الله و بركاته

اخواتى العزيزات انا محتاجه مساعدتكم و قبل المساعده الدعاء الله يجازيكم كل خير

انا الدوره متاخره 4 ايام و عملت تحليل منزلى و طلع خط واحد و انا دورتى و الحمد لله منتظمه

بس انا على طول دايخه و صدرى بيوجعنى و حاسه انى حامل بس جوزى مش راضى يخلينى اعمل تحليل فى الدم ده انا عملت التحليل المنزلى من وراه

انا خايفه لانى حصلى اجهاض من 5 شهور و علشان كده استشرت دكتور قالى خدى حقنه cidolut depot
لو فيه جنين هتثبت و لو مفيش الدوره هتنزل

انا عايزة اعرف منكم هو التحليل المنزلى يبين الحمل واضح بعد تاخر الدوره بكم يوم
و ممكن يكون حمل و ميظهرش الان

و الحقنه دى لو مفيش جنين تنزل الدوره خلال قد ايه
مع العلم انا اخدتها امبارح و من ساعتها مش حاسه باى حاجه جديده

متنسوش تدعولى

ازيك يا ام رومى ايه يا بنتى الغيبه دى يارب يا حبيبتى تكونى حامل و تطمنينا قريب بس
انا معنديش فكره خالص ربنا معاكى يارب و بوسيلى مريم

ربنا يكرمك يا مروة
والله انا الحمد لله بخير بس تعب تاخير الدوره ده مموتنى و كمان عايزة اطمن و اخلص خصوصا ان بعد بكرة ان شاء الله عيد ميلاد مريم و عازمين العيلتين و طبعا انا خايفه من الهده اللى الواحد هيبقى فيها و فى نفس الوقت مش عارفه الغى العزومه لانى لسه متاكدتش من حاجه
و جوزى مش عايزنى احلل و الواحد محتار

انت اخبارك ايه

انا الحمد لله كويسه يا قمر لسه زى ما انا عموما حاولى تقولى لجوزك تعملى التحليل علشان
خايفه اتعب و يكون فى حمل و ممكن يتفهم الموقف و كل سنه و مريم طيبه و يارب عقبال
مليون سنه بصحه و سعاده يارب و إن شاء الله السنه الجايه يكون معاها اخ او اخت
يارب هى صحيح الاموره مريم عندها كام سنه

و انت طيبه يا حبيبتى
عندها سنتين

انا حاولت مع جوزى و هو بيقولى شيلى الموضوع من دماغك و لو ربنا كاتب حمل ان شاء الله يتم
و انا و الله محتاره و خايفه

ربنا معاكى يا حبيبتى بس حاولى متتعبيش نفسك و بالراحه كده و ربنا يسهل و تطمنى و تكونى حامل يارب إن شاء الله

يا رب يا مروه و تحصلينى انت كمان فى هذا الشهر

اللهم اجب دعاءنا

امين يارب يا رغده انت و انا و كل البنات يارب يا كريم

ياحي يا قيوم يا احد يا صمد ارزق اختي ام رومي الحمل السليم الثابت
وبأذن الله تكوني حامل
انه على كل شي قدير