السلام عليكم ورحمة الله وبركاته
أتشرف يا اخواتي الكريمات بأول مشاركة لي في المنتدى واتمنى ان افيدكم مثلما استفدت كثيرا من مشاركتكن

انا متزوجة من حوالي سنة ولكن كانت عندي مشاكل من قبل الزواج بمعنى اخر كنت عارفة اني حملي هايكون صعب وممكن احتاج لعملية طفل انابيب ودة وفر من وقتي وجهدي كتير لاني توجهت بعد الزواج مباشرة للفحص وطبعا طلعت عندي الانابيب مسدودة وبطني كلها مشبكة في بعضها"من اثر العمليات السابقة"

اخدت فترة اجرب فيها حمل طبيعي مع كلوميد بس نظرا لان عندي "اندومتريوزيس" واكياس على المبيض سبب لي الكلوميد الم فظييييييييع في المبيض كانه هاينفجر فوقفته علشان ما يسببش مشاكل اكتر

ان شاء الله هابدأ الدورة الجاية في العلاج ولكن عندي مشاكل تانية، وهي ان الانابيب عندي مش مسدودة بالتصاقات فقط ولكنها مملوءة بسائل ودي حالة اعتقد كتير منكم عارفينها خصوصا اللي لديها البطانة الهاجرة وهي اسمها Hydrosalpinx
ومشكلتها ان الجنين بعد زراعته في الرحم بينزل من الانابيب السائل دة وبيكون فيه مواد سامة بتقتله ودي طبعا بتأثر على نسب نجاح عملية طفل الانابيب
بعض الاطباء ينصح في الحالات دي باستئصال الانابيب لكنها عملية مؤذية نفسيا خصوصا لصغيرات السن "انتي بتفقدي الامل تماما في الحمل بطريقةطبيبعيه رغم انك عارفة انه مستحيل لكنها مسألة نفسية" واقترح الدكتور انه يعمل كي زي اللي بيتعمل بغرض وقف النسل اللي بتسمى عملية ربط
ان شاء الله بعمل العملية واشفط اي كيس تكون وابدء مباشرة في اخذ الحقن لبدء العملية
استفدت كثيرا من مشاركة الاخت "ربي كريم" عن مركز جنين لكن لما شفت الاسعار ذهلت لان الدكتور بيعملها في مركزه فقط بستة آلاف جنية طبعا غير شاملة الادوية انا مش عارفة تكلفة الادوية كام لكن لا اعتقد انها تتعدى خمس او ست آلاف وربنا كريم
الحمد لله اصبحت خبيرة في هذا المرض واي اخت لديها نفس الاحالة وترغب في اي سؤال نتشارك في التجربة ويمكن نفيد بعضنا

[/CENTER]

اولا اختي الله يرزقك بالذرية الصالحة يا رب
وحبيت اضيف تعليق :
انا كنت اعاني من مشكلة البطانة المهاجرة وعملت منظار للبطن عملي الدكتور فيه كي للاكياس التي تسمى تشوكلت حتى لاترحع وحاول تسريح الانابيب واعطاني بعدها ابر توقف الدورة الشهرية لفترة محدودة
ثم عملت حقن مجهري والحمدلله عندي الان توأمي وانشاءالله اشوفهم عنك يا رب
المهم لازم تتخلصي من كل الاكياس حتى لايؤثر على الجنين

أنا متزوجه من سنتين وعندى المرض ده وحاولت فى الاول آخد كلومييد كذا شهر وهوا فعلا كان بيتعبنى جدا وبعد كده توكلت على الله و عملت أطفال أنابيب ودلوقتى الحمدلله حامل بس فى سؤال هيا الاكياس الدمويه الى يتكون على المبيض اذا متشلتش بتأثر على الحمل او الجنين لانى مشلتهاش ولا حاجه قبل العمليه؟؟؟

اختي العزيزة fofome شكرا على المرور الكريم ويارب يبارك لك في اولادك ويكونوا قرة عينك وتشوفيهم احسن ناس
واختي العزيزة do2do2a انا بإذن الله هابدأ هاعمل العملية الشهر دة وعلى فكرة ردك ريحني كتير لاني اكيد عندي كيس دلوقتي بس الدكتور قالي لازم يربط الانابيب زي ما قلت في الاول علشان ما تسببش مشكلة ، واعتقد ان الاكياس دي بتختفي مع الحمل يعني ممكمن لما تروحي تعملي سونار المرة الجاية ما تلاقيش الكيس لان هرمونات الحمل تعتبر علاج لها وممكن بعد الولادة ان شاء الله ما ترجعش تاني لان الدكتور من اول مرة شافني فيها قبل ما اتجوز وهو يقولي اتجوزي واحملي علشان تخلصي من المشاكل دي كلها
انتي عملتي العملية من امتى؟ وعند مين ارجوكي تفيديني لو عارفة مكان كويس وشكرا على مرورك

ربنا يكرمك و يرزقك بالذريه الصالحه ان شاء الله يارب

كتبت بواسطة izadora

اختي العزيزة fofome شكرا على المرور الكريم ويارب يبارك لك في اولادك ويكونوا قرة عينك وتشوفيهم احسن ناس
واختي العزيزة do2do2a انا بإذن الله هابدأ هاعمل العملية الشهر دة وعلى فكرة ردك ريحني كتير لاني اكيد عندي كيس دلوقتي بس الدكتور قالي لازم يربط الانابيب زي ما قلت في الاول علشان ما تسببش مشكلة ، واعتقد ان الاكياس دي بتختفي مع الحمل يعني ممكمن لما تروحي تعملي سونار المرة الجاية ما تلاقيش الكيس لان هرمونات الحمل تعتبر علاج لها وممكن بعد الولادة ان شاء الله ما ترجعش تاني لان الدكتور من اول مرة شافني فيها قبل ما اتجوز وهو يقولي اتجوزي واحملي علشان تخلصي من المشاكل دي كلها
انتي عملتي العملية من امتى؟ وعند مين ارجوكي تفيديني لو عارفة مكان كويس وشكرا على مرورك

الدكاتره من أول المشكله بيقولولى حلك يا اما أطفال أنابيب يا اما منظار وبعد كده آخد دوا يوقف التبويض لمدة 6 شهور بس بصراحه أشطر اتنين منهم كانوا بيفضلو أطفال الانابيب لانهم قالولى ان المنظار ممكن يكون استكشافى مش علاجى يعنى ممكن بعد ما يدخلو بالمنظار المنظار ميعرفش يشيل الاكياس بس يحدد حجمها(لان الاكياس الدمويه فى منها أنواع ممكن تتشال بالمنظار وفى أنواع تانيه لأ) وبرضه أرجع لاطفال الانابيب فانا بصراحه كنت تعبت من اللف على الدكاتره وعملت تلقيح صناعى مرتين ومكنش فيه نصيب يحصل حمل وقعدت فتره من غير علاج زهق منى لحد ما استخرت (ودخلنا جمعيه طبعا عشان نقدر نوفر المبلغ)وعملت العمليه
العمليه عملتها عند د/اسماعيل أبو الفتوح فى المركز الدولى لاطفال الانابيب وهو ما شاء الله دكتور شاطر ومريح جدا جدا ومركزه نضيف اوي وعملتها فى شهر 7 الى فات والحمدلله والشكرلله انا حامل فى اول الرابع وفى توأم(عقبالك يااارب) والدكتور فعلا قالى احتمال كبير جدا جدا الاكياس ديه تختفى مع الحمل لان أحسن علاج للاندومتريوسيس فعلا هوا الحمل
توكلى على الله واعملى بس الربط للانابيب عشان متأثرش على الحمل وابدأى فى العمليه وان شاء الله ان شاء الله ربنا يكتبلك فيها النجاح وتحملى
وانتى نويتي تعمليها فيين ان شاء الله؟؟

شكرا يا ميويا وربنا يكرمك
و فكرتيني بنفسي يا do2do2a والله حاسة بيكي فعلا ، تصدقي الدكاترة من قبل ما اتجوز اصلا وهما بيقولولي حلك هايكون اطفال انابيب، وعملت عملية فتح بطن ومنظارين لحد دلوقتي، وبرضو اخدت حقن لوقف الدورة 6 شهور وبعدها حبوب منع الحمل، وان شاء الله هاعمل ربط وابدأ العملية علطول
ان شاء الله هاعملها عند د. عمرو الحسيني في مركز القاهرة لاطفال الانابيب في مصر الجديدة لاني متابعة معاه من قبل الجواز وعارف الحالة من الاول وبرتاح معاه جدا لانه بيسمعني وبيناقشني في كل المعلومات اللي بقراها على النت
من ناحية التكاليف قالي هاتتكلف 6 آلاف غير الادوية ومش عارفة الادوية هاتتكلف كام
بس كويس انك اكدتيلي موضوع عملية الربط دة لاني كنت قلقانه ومش عارفة حد عمله قبل كدة والا اية.
هو قالي هايعمل ربط من غير عملية يعني عن طريق المهبل قالي هايكون كي مش ربط ولو في كيس هايشفطه برضو من غير فتح، وعلى العموم انا نازلة مصر اخر الاسبوع وربنا ييسر الحال
شكرا على مرورك وعلى المعلومات ، وربنا يكملك حملك على خير وتقومي بالسلامة

أنا برضو الدكتور كان هيشفطلى الاكياس عن طريق المهبل وفعلا لما بدأت فى أطفال الانابيب وفى خلال عملية سحب البويضات وانا متخدره حاول يشفطها بس للاسف قالى ان الاكياس عندى عباره عن تكتلات دمويه متجمده مينفعش تتشفط لازم تتشال جراحيا وقالى لما أحمل ان شاء الله هيشلهالى لو كانت لسه موجوده فى خلال عملية الولاده القيصري طبعا بس هوا طمني وقالى معظم الاكياس ديه بتروح مع الحمل تماما
ووبرضه تكلفة العمليه كانت 6500 بس من غير الادويه مع الادويه تقريبا كله 10000
ربنا يكرمك ويكتبلك نجاح العمليه وطمنينا لما تيجي مصر ان شاء الله

ربنا يكرمك و يرزقك بالذريه الصالحه ان شاء الله يارب ويشفيكى ربنا وان شاء الله تحملى قريبا

كتبت بواسطة d2do2a

أنا برضو الدكتور كان هيشفطلى الاكياس عن طريق المهبل وفعلا لما بدأت فى أطفال الانابيب وفى خلال عملية سحب البويضات وانا متخدره حاول يشفطها بس للاسف قالى ان الاكياس عندى عباره عن تكتلات دمويه متجمده مينفعش تتشفط لازم تتشال جراحيا وقالى لما أحمل ان شاء الله هيشلهالى لو كانت لسه موجوده فى خلال عملية الولاده القيصري طبعا بس هوا طمني وقالى معظم الاكياس ديه بتروح مع الحمل تماما
ووبرضه تكلفة العمليه كانت 6500 بس من غير الادويه مع الادويه تقريبا كله 10000
ربنا يكرمك ويكتبلك نجاح العمليه وطمنينا لما تيجي مصر ان شاء الله

ربنا يكملك على خير يا do2do2a كلامك بيطمني جدا وواضح ان الدكتور اللي اتعاملتي معاه محترم وعنده ضمير وربنا يكرمك ان شاء الله