السلام عليكم
يسعد صباحكم خواتي
بنات أتمنى تعطوني حل أو حلول ... اي شي يخطر ببالكم
مثل ما هو واضح من توقيعي انا متزوجة من 8 شهور
أول شهرين استخدمنا العزل .. بعدين بطلنا .. وصار خاطري أحمل
وماصار مع العلم ما عندنا شي يمنع
من شهرين صار حمل كيميائي ونزل بعد تأخر الدورة بأسبوع
والطبيبة ما اعتبرته اجهاض .. خصوصا ان الدورة كانت عاديه مو غزيرة
الحمدلله الطبيبة قالتلي دام صار تلقيح للبويضه هذا أكبر دليل انكم ماعندكم موانع
حتى لو الحمل ما كان طبيعي ..
على فكرة انا بهالشهر اللي صار فيه الحمل الكيميائي كنت أشرب عسل المعجزة
بشكل يومي ..
وخاطري أحمل .... أتمنى تنصحوني ... ايش آكل وايش أشرب ؟؟
وايش اللي لازم أمتنع عنه ؟؟
انا آخذ فوليك أسيد من لما فكرت أحمل .. ولحد اليوم
ومن 10 أيام .. طلع الهيموغلوين عندي 10 .. وعطوني مقويات Neovita
فيها فيتامينات ومعادن وحديد
مع العلم امس نزلت الدورة بعد تأخر 4 أيام
هل فيه شي لازم أمتنع عنه في فترة الدورة او فيه شي لازم أكله ؟؟؟
باختصار ايش المأكولات اللي ممكن تفيدنا انا وزوجي في تسريع الحمل؟؟؟ .. الحمدلله انا مداومة على الإستغفار
وانا وزوجي ملتزمين بالفرائض والسنن .. ونحاول نتصدق على قد ما نقدر
انتظركم يا بنات انتو وتجاربكم لا تبخلوا علي وتقبلوا موضوعي بصدر رحب
الروابط المفضلة