السلام عليكم

يا بنات عندي استفسار و يارب تفيدوني

انا من يوميين ظهر خراج بضرسي هو خدي وارم و من عند اللثه زي صديد ابيض بس غير مؤلم نهائي

المشكلة اني حامل فى نهاية الشهر التاني و روحت للدكتور قالي لازم نعمل اشعة على الضرس و انا خفت اعملها و كتبلي مضاد حيوي اوجمانتيين بس خايفة اخدة انا عارفة ان الشهور الاولي من اهم شهور الحمل مش عارفة اعمل ايه ياتري استني بعد الولادة و خايفة يكون فى صديد و ابلعة يؤثر على الجنيين
ياريت لو حد مر بتجربة مشابهة يفدني جزاكم الله خيرا

استشيري طبيب امراض النساء تبعك
بلاش تاخدي مشورة حد
و ربنا يستر معاكي

الله يبعد عنك كل شر حبيبتي
ضروري جدا تسألي طبيبة النساء وهي تقولك الأشعة لأن طبعا غلط على الحامل
وكمان مينفعش تتأخري عشان الموضوع ميزيدش عندك
ويارب مايكتبلك أشعات ولا بنج في أول الحمل وعلى العموم التعامل مع الحامل في الأشياء دي بيكون بطريقه خاصه بس أهم شئ طبيبة النساء تسأليها وان شاء الله كلها أمور عاديه
وكل عام وأنتِ بخير حبيبتي

شكرا ياmayooya انا عارفة طبعا ان الدكتورة اكتر واحدة هتفدني بس هى فى اجازة العيد لسه مفتحتش العيادة و تليفونها مقفول ربنا يسترها

زوجة لحسن ربنا يعوضك خير و يكرمك يارب انا كنت اسمع ان الاشعة غلط على الحامل علشان كده لما الدكتور قالي هنعمل اشعة رفضت قالي متقلقيش دي بتبقي بنسبة بسيطة جدا متأثرش على الجنيين بس انا خفت و قلتلو لأ قالي خلاص نكتب مضاد حيوي علشان الصديد و بعد الولادة نبقي نتعامل مع الضرس و برضة خفت ربنا يسترها

يا أختي لا تعملي أشعة و لا تأخذي أدوية لو شفتي ما مر علي أثناء الحمل بسب الضرس و جع و صديد و آنتفاخ لأيام حتى كاد عقلي يخرج من شدة الألم لا أرى النوم حاول زوجي و أمي معي أشرب مضادات أو أروح لدكتور لكني رفضت بشدة رغم العذاب الي شفت و الحمد لله شفيت بدون أخذ دواء و لا أشعة و آبني بخير و الحمد لله ......ربنا يتمم حملك على خيييير و آبتعدي قدر المستطاع عن الأطباء ربنا يكفينا شرهم يا رب

اختي infirmiere جزاك الله خيرا و ربنا يحفظ ابنك من كل سوء و معاكي حق كل الادوية لازم يكون ليها اثار جانبية وانا قررت اتعالج بالدعاء و القرآن الكريم و الله خير حافظ

ربنا يكملك على خير
بصى انا سألك زوجى هو طبيب وقالى ان اوجمنتين لا يؤثر على الحامل
ان شاء الله لا يؤثر على حملك
وتقومى بالسلامه

شكرا يا كتكوتاية على الاهتمام و جزاكي الله خيرا انتي و زوجك

عزيزتي المضادات الحيويه ضروريه ان كنتي مريضه سواء انتي حامل ام لا، عموماً

ممنوع تعملي اشعه لو مهما كان، وبالنسبه للمضاد تليفون سريع لطبيبتك/طيببك النساء والولاده وقولي له اسم الدواء وان كان تمام بيقول لك اوكي خذيه ام ان كان مش تمام راح يوصف لك واحد مشابهه له اقل بالتأثير، وتوكلي على الله

وربي يحفظك من كل شر، ويتمم لك حملك على خير ويهون عليك حمله ووضعه يارب العالمين

مع ذلك اعذريني اخيتي عناوين المواضيع يجب ان تدل على مضمونها لذلك تم تغيير عنوان موضوعك ولك جزيل الشكر