نداء هام هام هام لبنات الاسكندرية

**moonlighr** · 29-08-2009, 11:39 PM

السلام عليكم و رحمة الله و بركاتة
نداء هام هام لبنات الاسكندرية
عاوزة اعرف لو حد جرب مستشفي لوران في الولادة او مستشفي اليكس سيدني قريب
علشان ان شاء الله داخلة علي الولادة التانية و الدكتورة رشحت لي مستشفي لوران او اليكس سيدني او كنت والده ابني الاول في اليكس سيدني بس الكلام ده من سنتين و نص و بصراحة كانت ممتازة بس كان ليا شوية ملاحظات علي وحدة الاطفال
فا عاوزة اعرف الوضع بقي ايه دلوقتي و لو حد جرب مستشفي لوران الجديدة
يايت تفيدوني بسرعة لاني هاولد بعد العيد ان شاء الله و لازم احدد المستشفي و علي فكرة انا باولد قيصري
مستنية ردودكم

**salmadodo** · 30-08-2009, 03:16 AM

وعليكم السلام ورحمة الله وبركاته
والله مستشفي لوران لسة جديدة فمعرفش عنها حاجة
والدكتورة بتاعتي كانت مخيراني بين الشروق واليكس سيدني والاهلي
اليكس سييدني كويسة وانا شفتها من جوة وكتيير من اصحابي ولدوا فيها وشكروا لي فيها بس الدكتورة قالتلي خلينا في الشروق احسن لان في اليكس بيدخلوا دكتور نسا من عندهم يحضر الولادة مع الدكتورة واصحابي اكدوا لي الموضوع ده وانا منتقبة ومش حينفع
الشروق ممتازة بجد مكنش في ولا راجل حوالين غرفة العمليات ولما خرجت من العمليات كانوا ملبسني النقاب تاني لغاية الاودة بتاعتي والتمريض كمان ممتاز ودكتور الاطفال حازم جودة كويس جدا وسعرها مناسب جدا كان الجناح حوالي 1850 من غير الدكتورة والمضادات طبعا

**nehal24** · 30-08-2009, 05:43 AM

انا بردة محتارة زيك , بس سمعت فعلا من ناس كتير عن اليكس سيدني انها كويسة , عموما اي مستشفي تولدي فيها ربنا يكرمك و تقومي انت و النونو بالسلامة يارب العالمين

**moonlighr** · 30-08-2009, 10:14 PM

salmadodo &nehal24
شكرا لتفاعلكم و ربنا يخليلك النونو يا سلمي و يقومك بالسلامة يا نهال
في انتظار ردد باقي البنات

**hanaa eslam** · 30-08-2009, 10:38 PM

انا الدكتورة بتاعتى قالت لى على اليكس
و انا سامعة عن الشروق
ومحتارة بينهم بس لو موضوع الدكتور الراجل اللى فى اليكس ده بجد يبقى ان شاء الله فى الشروق

**moonlighr** · 04-09-2009, 04:09 AM

اتاكدي الاول يا هناء لاني انا بالرغم من اني ولدت في اليكس قبل كده بس مش متاكده من المعلومة دي
اتأكدي و ابقي قولي لنا
انا علي حسب ما انا فاكرة ما كنش في دكاترة رجالة في اودة العمليات غير دكتور التخدير و ده كان مع الدكتورة اللي ولدتني مش من المستشفي
اتاكدي و في انتظار الرد

**baby hisham** · 23-09-2009, 04:52 AM

السلام عليكم كل سنة وانتم جميعا بالف خير بصراحة انا ولدت بنتى فى السلامة الجديدة وكانت ممتازة بس داه من سنتين بس مش عارفة دلوقتى ايه وفى ناس قالولى على اليكس انها ممتازة ولوران انا معرافش عنها حاجة ويارب تقومى بالسلامةانت والبيبى

**i muslmah** · 01-10-2009, 06:14 AM

بجد مستشفى لوران نظيفة جدا جدا

وانصحك بيها

على فكرة هي عشان لسة فاتحة فهتلاقيها ارخص من اليكس سدني

وبصراحة هي شرحة عن اليكس

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: نداء هام هام هام لبنات الاسكندرية

أدوات الموضوع

العرض