السلام عليكم ورحمة الله وبركاته
أنا عارفه انى بسأل عن حاجه بدري جدا عليا لانى لسه حامل فى اول شهرين

مين ولدت او هتولد فى مصر عند دكتور اسماعيل أبو الفتوح ؟ عاوزا أعرف بيولد فى أنهى مستشفيات وأسعاره فى الولاده ايه؟؟؟

انا بتابع معاه بس حاسه كده والله أعلم ان الولاده عنده غاليه ولسه مسألتوش لانو متهيألى انه لسه بدري عليا أوي فى السؤال ده بس بمنتهى الصراحه الواحد بيحب يكون مرتب نفسه فى حكاية الفلوس ديه من بدري

ربنا يكرمكو لو حد عنده فكره يجاوبنى

طبعا عندك حق واساليه طبعا ومتقوليش لسه بدري علشان لوحبيتي تتابعي مع حد تاني تروحي من بدري وانا لوكنت اعرف حاجه كنت قلتهالك بس معلش وربنا يكرمك ويتم لك على خير

كتبت بواسطة dr_emy

طبعا عندك حق واساليه طبعا ومتقوليش لسه بدري علشان لوحبيتي تتابعي مع حد تاني تروحي من بدري وانا لوكنت اعرف حاجه كنت قلتهالك بس معلش وربنا يكرمك ويتم لك على خير

شكرا ليكي وربنا يكرمك وأنامتابعه معاه لانى عامله عنده عملية أطفال أنابيب بس بمنتهى الصراحه لو لقيت أسعاره فوق مقدرتى هروح لحد تانى حتى لو فى آخر الحمل ان شاء الله لانو الى عارفاه ان حمل أطفال الانابيب زي الحمل العادى بس فى الاول بآخد مثبتات فأنا كده كده هتابع معاه الفتره ديه ان شاء الله
وأنا بفكر جديا فعلا أسأله وخلاص المره الجايه ان شاء الله, المشكله ان زوجى العزيز بيحرج يستفسر فى الماديات فبضطر انا الى أفتح الموضوع بس مش مشكله

ياحبيبتي ربنا يثبتهولك يااااااااااااااااااااااارب وادعيلي جامد انا مستنياها تيجي ادعي متجيش

يارب متشوفيش وشها الا بعد 9 شهور
اللهم يا ذا الجلال والاكرام يا حنان يامنان يا أرحم الراحمين ياأرحم الراحمين ياأرحم الراحمين ارزق ايمي بالحمل السليم المعافى, اللهم قر عينها فى هذه الايام المباركه وفرح قلبها واجبر بخاطرها وفك كربتها يا مفرج الكروب يا من يقول للشئ كن فيكون نور حياتها بالذريه الصالحه وارزقها من حيث لا تحتسب

ربنا يكرمك يا دقدوقه يارب و يتملك على خير و يقومك بالسلامه ياقمر انت و التوينز يارب
ممكن لو بتتحرجى اسالى المساعده بتاعته اكيد هتكون عارفه

كتبت بواسطة مروه نجيب

ربنا يكرمك يا دقدوقه يارب و يتملك على خير و يقومك بالسلامه ياقمر انت و التوينز يارب
ممكن لو بتتحرجى اسالى المساعده بتاعته اكيد هتكون عارفه

ان شاء الله هسأل بس كان نفسي اعرف بالتقريب حتى عشان متصدمش!!!
ربنا يفرح قلبك يا مارو ويرزقك بالذريه الصالحه قريبا

انا عضوة جديدة معاكم فى المنتدى وكنت عايزة اسألك عن عملية طفل الانابيب مع الدكتور اسماعيل لانى ان شاء الله هنزل مصر 1/10/2010 من فضلك يا دؤدؤة هى العملية بتاخد وقت قد اية والتكاليف تقريبا قد اية و ياترى فى تحضيرات قبل العملية ولو تبعتيلى رقم موبايل الدكتور اكون متشكرة ليكى كتير وهى ماشاء الله عليكى نجحت من اول مرة لانها اول مرة لية وانا كتير قلقانة وخصوصا انى عندى اجازة اكون فى مصر 30 يوم بس. وهو دة نفس الدكتور اللى بيطلع مع دعاء فاروق فى الحياة 2 . شكرا حبيبتى وادعولى .

اختى مرموره باذن الله اخلى الاخت دقدوقه تجاوبك
بس لازم تستنى شويه
لانها ملخبطه مع اولادها
ربي يرزقك مثلها

مرموره ربنا يكرمك ويرزقك ان شاء الله،أيوه دكتور اسماعيل هوا الي بيطلع مع دعاء فاروق،أنا عندي مرض البطانه المهاجره وعملت أطفال الأنابيب عنده وبفضل الله نجحت من أول مره وعندي الحمدلله علي وكرمه ربنا يرزقك زي ان شاء الله وتطلع عينك وتيجي تعيطي معانا في تجمع أمهات التوأم
العمليه اتكلفت 10000بالأدويه،وهديكي نمرة المساعد بتاعه التواصل بيبقى معاه اسمه الدكتور أمير وأي استفسار تاني أنا في الخدمه
0122170424