استفسار عن تأخير/ تقديم الدوره

السلام عليكم
ازيكم يا بنات كيف الحال؟ ان شاء الله تكونو بخير

انا الحمدلله تم تحديد معاد زفافي 16_10_2009
وقت تحديد الزفاف كان المعاد مناسب للدوره
بس بعدها الدوره غيرت معادها واصبحت بتيجي يوم 16 يعني هتيجي يوم الفرح
طيب ايه الحل؟
هي دلوقتي عندي .. انا عايزه أأخرها او اقدمها بحثت تبقي خلصت يوم 12 -10مثلا انا عرفت ان في دوار اسمه بريمولوت وفي ستيرونات نور بس انا عايزه اعرف عشان اخلي الدوره تجيلي يوم 5-10 اعمل ايه؟
يعني يا اما أأخرها 20 يوم يا اما اقدمها 11 يوم
بنت عمي صيدلانيه وقالتلي انها ممكن تديني حقنه تنزلها بدري
بس انا بردو بسألكو من تجاربكم كسيدات ايه الحل الافضل واعمل ايه بالظبط و ابدأ من امتي؟

معلش بعتذر لو استفساري مكانه مش صح
ومستنيه ردكم وجزاكم الله كل خير

والله ماأعرف شو الحل

لأنها يمكن تتأخر وحدها أو تقدم

لكن مادام بنت عمك صيدلانيه خلاص إعملي حقنه

بس نصيحه خليها عادي يعني لأنه تأخير أو تقديم الدوره

بي علاج بي يسبب مشاكل بعد الزواج والدوره تتلخبط

بعدبن ماتعرفي وقت التبويض وغيره قصه طويله تصير

وأنا بنصحك عن تجربة وحدة أعرفها صارلها مثلك وأخدت

دواء تلخبطت الدوره عندها .


معليش أنا طولت عليكي

ألف مبروك وربنا يتمم لكي علي خير يارب.

حبيبتي خليها على الله أحسن شيء لا تأخري ولا تقدمي
مافيها شيء ذا كانت عليك يوم الزفاف ماعدا إذا كنت خايفة من الالم
اللي يصاحب الدورة
الله يوفقك و ألف مبروك

بصي يا حبيبتي ممكن تتلخبط معاكي الدوره و انصحك سيبيها على الله وعلى فكره انا اتجوزت شهر 10 اللي فات وعريسك ممكن يعديها علشان ماتعانوش انتم الاتنين بعد كده وعلى فكره كمان انا صيدلانيه ولو عايزه تعملي كده روحي لدكتورة نسا وماتخديش الكلام من صيدلي في حاجه مهمه زي دي مع فائق احترامي لبنت عمك انا عارفه ان هي عايزه تساعدك والمفروض في اوربا وامريكا حقن الهرمونات دي ماتتعطاش لحد من غير مايعمل تحاليل خصوبه اما في بلادنا العزيزه فالدكتور عايز يريح الزبون هيقوللوا اعمل تحليل ويدفعه فلوس تاني يبقى مش هييجيله تاني الا من رحم ربي وده برده هيقولك اعملي التحليل في حاله واحده بس لو عايزه تستخدمي الادويه دي لتاخير الحمل فتره من الزمن وانت ماحصلش حمل قبل كده واعرف واحده صاحبتي صيدلانيه اتجوزت وعليها الدوره وما خدتش حاجه خالص وربنا عداها على خير وجوزها تفهم الموقف وكان اولى بيها تدي لنفسها اي حاجه ولكن خافت ومع ذلك قعدت سنه على ماحملت ودلوقتي معاها نونو زي العسل الحمدلله فكفايه عليكي اللخبطه اللي بتحصل لوحدها بعد الجواز من غير لا حقن ولا غيره وربنا يسعدك ويتمم فرحك على خير وبعدين ماتستعجلوش العمر كله قدامكوا .....لما تزهقوا

جزاكم الله خيرا يا بنات
شكرا علي ردودكم

يا حبيبتى الف مبروك على الفرح اولا ثانيا احسنلك بلاش لعب فى مواعيد الدوره ده كلام الدكاتره
و بعدين القلق ساعات بيخليها تقدم او تأخر لوحدها فمحدش ضامن حاجه و ربنا يباركلك و تتظبط
لوحدها إن شاء الله

اولا الف مبروك ثانيا انا حصلى زيك كده بالظبط وكان من حسباتى ان الدوره هاتجيلى يوم فرحى بس الحمدلله لوحدها اتأخرت بس نصيحه منى اوعى تلعب فى هرمونات جسمك بالحقن