السلام عليكم...
كيفكم يا بنات؟؟
أكيد في كتير مواضيع انطرحت عن الحمل وصيام رمضان. بس انا حبيت أسأل اللي جربت الصيام وهي بتشتغل.
الصراحه اني شوي خايفه من الموضوع... أنا في حملي الأول صمت كل رمضان الحمدلله وأنا بالشهر الثالث بس ما كنت بشتغل.
وفي حملي هاد برضو رح أكون في الشهر الثالث طول رمضان ودوامي رح يكون من 9 الى 3 ومعي بنتي عمرها سنتين!!!
أنا حابه كتير اني أصوم ان شاءالله اني اقدر بس حبيت استفسر اذا في وحده جربت الصيام مع العمل وهل استطاعت عليه ام لا

وشكرا لكم

ماما جربت بس ماكانت بالشهر التالت بتكون باواخر حملها ودوامها من 8 ل3 وجابتنا كلنا انا وخواتي بعد رمضان ولاحد اجى بينا برمضان
اصلا لما تكوني صايمه وتشتغلي مارح تشعري بطول اليوم وراح تمرق الساعات اسرع من لو كنتي بالبيت واسال مجرب ولاتسال خبير
وبعدين الشهر التالت منيح مابكون في ثقل وتعب متل باقي الشهور والله يتمملك على خير ويعينك عالصيام والقيام ويجعلنا من عتقاء الشهر الفضيل امين يارب العالمين

مشكوره اختي رناد الله يسمع منك ان شاء الله أقدر اصوم لاني عن جد حابه اني اصومه كله.

الله يطمنك شجعتيني.

و الله يعينا جميعا على الصيام والقيام امين يا رب.... شكرا

اول شي الله يتمملك حملك على خير يارب
انا عندي 4 وكل حمل كنت مر عليه شهر رمضان
والحمدلله كنت اصوم كل الشهر بعون الله مع العلم اني موظفة
توكلي على الله وربنا بيعطيكي الصحة والقدرة على الصيام

أختي لقاء المحبه شكرا لك
ماشاء الله عليكي الله يخليلك أولادك
ان شاء الله بصوم كل رمضان هيك عن جد طمنتوني الله يسلمك

نفس الشي اول حمل ورمضان وشغل ربنا يعييييييييييين

حبيبتي انا في رمضان السابق كنت حامل بالشهر التاسع واعمل والحمدلله صمت رمضان حبيبتي هو متعب الحمل والعمل في رمضان بس بعد ماتروحي عالبيت تنامي وترتاحي بعدها تجهزي الفطور ونصيحه اختي تسحري كويس وكلي تمره عالسحور واكثري من شرب الماء بعد الافطار حتى مايصير عندك جفاف
وانت اعلم بحالتك الله اعطانا رخص الافطار في رمضان ان مقدرتيش اتصومي افطري وربي بعينك عالقضاء
ربي يقومك سالمه انت والنونو

ayoma ان شاء الله بنقدر نصوم الله يعيينا
وزي ما شايفه من الردود انو الصيام مع الحمل والعمل عادي والكل مجربه الله يقدرنا عليه امين

وانشاء الله تقومي بالسلامه انتي كمان وهينا بنسمع النصائح

ام ايلياء شكرا لك وعلى نصائحك
فعلا انا فكرت في التمر على السحور لانه يرفع مستوى السكر في الدم ويبقر لفتره طويله

مشكورة حبيبتي

الله يقومك بسلامه