بسم الله الرحمن الرحيم
راح اخش في القصة على طول بس يا ليت اللي عندها قصة حلوة عن الولادة تقولها عشان تخفف القلق والخوف من الولادة
اتفقنا؟
بعد ولادتي بطفلي الثاني باربعة اشهر حملت تاني بدون ما تجيني الدورة (يعني زي ما يقولوا ارضع نظيف)
وطبعا كانت كارثة بالنسبة لي
بكييييييت وزعلت ووووو
وطبعا لاني ماني عارفة موعد الولادة بالتحديد صبرت عى نفسي لا رحت مستشفى ولا حاجة (في الطفل لاول والثاني كنت اعدي التاسع باسبوعين واخذ طلق صناعي زي الموت)
وجاني الطلق وانا ما ادري انو دا هو الطلق (لسا مستنية الطلق الحااااار)
وامي شايفة وجهي يتلون لما تجي الطلقة وتقول : والله يا بنتي شكلك حتولدي
وانا اقول :لا والله لسا ما فيني شي دا الم طبيعي كل يوم يجي..المهم
امي لاحظت انو الطلق بدأ ينتظم
قالت :تعالي بس نشوف في المتوصف اللي جنبنا بس نتطمن
ورحنا....
لما كشفت الدكتورة ....
والله ما تصدقوا ...لانو انا ما صدقت
قالت: الآآآآآن تروح لمستشفى انا ما اولد في المستوصف والرحم مفتوح 9 سم لا تدفي تقومي تولدي هنا
وربي يا بنات ما ادري كيف اوصفلكم قد ايش كنت فرحانة وخايفة تطلع الدكتورة غلطانة
خرجنا على طول على المستشفى حتى القابلة اللي بتولد كانت تقول :شوفوا دي ما شا الله داخلة الكشك بعبايتها
دخلت وطلعت على سرير الولادة وكنت خايفة تحطي شي يقوي الطلق ...ما ابغى شي انا كدا مبسوطة
بس والله 3 طلقات مع الدف خرج عبودي وبدون خياطة ولا شي
ما صدقت نفسي
حمدت الله وشكرته
ودحين عبود عمره 10 سنوات وانا حامل في الشهر الخامس اسأل الله العلي اقدير الرحيم ان يسهل ولادتي وولادة كل حبايبي اللي في المنتدى وغير المنتدى..آمين
رد مع الاستدلال
الروابط المفضلة