السلام عليكم اخواتى الكرام
وحشتونى جميعا انا رجعلكم وكلى الآم ولكن الحمدلله على كل شىء
اصعب حاجه فى الدنيا كلها عمليه الاجهاض صعبه من جميع النواحى الله لايوريها لاحد يارب العالمين الحمدلله انى خلصت على خير انا اجهضت تؤمى فى اول اسبوع فى الشهر التالت توقف نبضهم فجاءه كانوا فى كيس واحد وطبعا حمل الكيس الواحد دايما مش بيكمل الاصعب انى تعذبت فى نزولهم لان رحمى كان مقفول عليهم واستحاله ينزلوا لوحدهم بدون تتدخل الدكتور عارفين اخدت 4 حقن طلق ومافيش فايده اخدت 7 برشامات مهبليه ولا يوجد اى طلق سبحان الله
وقرر الدكتور اخيرا اداخلى غرفه العمليات واخدت بنج كلى وماحسيت الا وانا على سريرى وجوزى وامى حوليه وحسيت بألم فى بطنى وظهرى لم احتمله اكبر من اى الم فى الدنيا انا ولدت قيصرى من قبل وماتألمت بهذا الشكل
فضلت اخبط على الحيطه من كتر المى والدكتور اعطانى مسكنات ومهدىء
حتى لا اصاب بصدمه والحمدلله هديت ورحت على بيتى وانهردا اليوم التالت على مرور العمليه والله العظيم حسه كأن بطنى بها فتح من الداخل وظهرى لا يهبطه الا المسكنات ادعولى اخواتى بالشفاء وان الله يحفظلى ابنى ويعوضنى عن تؤمى
بحمل سليم كامل والله لايورى احد اجهاض ابدااااااااااا
الروابط المفضلة