السلام عليكم ورحمة الله وبركاته
ارجو من الله ان يجزيك عنا خير الجزاء
رغم الاطالة ولكن حالتى كما ياتى
ابدا الاول قصتى مع الحمل
انا اتجوزت بتاريخ3. 8. 2006
وبعدثلاث شهور حملت اخدت شريط كلوميدفقط
فى الشهر التانى كنت مسافرة واتبهدلت فى السفرالمهم بعد ما روحت لقيت دم المهم اخدت العلاج والتثبيت وانقطع الدم بس اتكررنزوله مرتين تانيين
اخلصت التالت واطمنتعلى الحمل وكنا رايحيين نعمل اشاعة بعد الرابع نطمن
لقيناه ميت اخدت حبوب طلق ونزلناه
بعد حوالى عشر شهور حصل حمل بعدما احترت علشان ضعف التبويض واللبن واتعالج شهريا بس بدون حمل
حصل حمل بعد حوالى 10 شهور
فى الشهر التانى من الحمل نزل دم وحصل اجهاض مباشر
بعد شهر او اتنين تقريبا حملت من غير ادوية وبعد 10 ايام من ميعاد البيريود نزل دم
بقيت فى السرير ايام لحاد ما انقطع وبعدين رحت للدكتورة
قالتلى حجمه صغيرالظاهر الدم اللى نزل اثر عليه وقالت لى استنى وتعاليلى بعد 10 ايام ونشوف رجعت من عندها ما كملش وبعدين نزل
الدكتورة قالت اعمل تحليل cmv
وده اسمه سيتوميجالو فيروس فطلع عندى وقالت انه السبب فى الاجهاض المستمر
واخدت العلاج وحللت تانى لقيت النسبة فظيعة كانت عالية قوى قعدنا نتسائل عن الفيروس هل هو السبب ولا لا يعنى يسبب اجهاض ولا لا الاقولا متضاربة
دكاترة يقولوا لا بيسبب تشوهات بس ودكاترة بيقولو بيسبب اجهاض والعلاج ناس يقولوا انه ليه علاج وناس يقولو مالهوش وناس يقولوا فى حالات بتتعاج وحالات لا
واحنا محتارين فى النصف المهم كنت اخد علاج التبويض والبرجنيل وما يحصلش حمل لحاد من 8 شهوربعد ما رحت للدكتورةواخدت ابر التنشيط وبعدين البرجنيل وقالت لى تعالى قبل البيريود باسبوع رحت قالت انه فيه حمل
انا متعودة من الدكتورةعلى انها بتجيبنى قبل البيريود وبتعرف من خلال الاشاعة ان فيه حمل اولا وكان كلامها بيصدق كل مرة
المرة دى قالت فيه حمل وبعدين جاتالبيريود بعد يومين تاخير وما ظهرش حمل فى الاختبار وجات الدورة فالدكتورة قالت لى ان معنى كده ان فيه حمل بيحصل بس بينزل مع الدورة
وقالت لى ان 90 فى المية البيريود اللى بتنزل حمل يعنى اجهاض
ما تتصوروش لما عرفت كانت حالتى صعبةبس الحمد لله ما كان يصبرنى هوحديث قراته عن النبى فيما معناه
ان السقط يجر امه يوم القيامة الى الجنة جرا
المهم كل الفترة دى اتعالج شهر واقطع شهر كده لحاد مازهقت
سمعت للشيخ محمد حسان الوصفة دى وقال انها اسباب
تلت الكوب لبن + تلت عسل+ تلت ماء مطر
فيجتمع السوغ والخلاص +الشفااااااء +البركة
بقول الله تعالى فى اللبن من بين فرس ودم لبنا خالصا سائغا للشاربين
بقول الله تعالى فى العسل فيه شفاء للناس
بقول الله تعالى فى ماء المطروانزلنا من السماء ماءا مباركا
الوصفة دى انا عملتها اكتر من مرة والحمد لله حصل حمل فى نفس الشهر
بعدها
بقيت مشكلة الاجهاض
من موقع للطب النبوى جئنا بهذه الوصفة
اية 5 من سورة الحج
اية6 من سورة ال عمران
اية34 من سورة القمان
اية67 من سورةالانعام
اية 3 من سورة القمر
الايات الخمسة دى تقريها على ماء وتشربى منه
وتقريها على زيت الزيتون وتدهنى بيها البطن
لمدة 21 يوم
وتستحضرى النية كل يوم
هذا ما فعلته قبل موعد نزول البيريود بتلات ايام
انا الان حامل ببداية الشهر الرابع فالاسئلة كما يلى
ما هى المعلومات الصحيحة عن فيروس cmv المذكور انفا حيث اخر مرة حللته كانت النسبة فوق الثمانين
وهل النسبة خطيرة
وهل قد يكون السبب فى موت الجنين ف بطنى باول الشهر الخامس؟
ام لف الحبل السرى حول رقبة الجنين حيث انه نزل والحبل سرى حول رقبته؟
ام سرعة الترسيب?
وهل هو سبب الاجهاضات الاخرى وهل كلام الدكتورة صحيح ان الفيروس قد يسبب نزول الجنين مع ميعاد البيريود عادى؟
ان كان يسبب تشوهات هل يمكن تفاديها بعلاج معين علما باننى اخذت السيكلوفير لمدة حوالى شهر ونصف وبعدها حللت وجدت النسبة 80
هل احلل الان فى هذا الحمل حيث يرجع تاريخ التحليل لاكثر من سنة؟
هل نزول الجنين فى الشهر الرابع يسبب ولادة مبكرة؟
اخر مرة كنت عند الدكتورة قالت لى ان المشيمة تحت ولابد ان ارتاح.
ويوجد تقلصات بالرحم. وعندى الم اسفل الظهر ومغص بالبطن عند عمل اى مجهود ولو بسيط ,فهل المشيمة وضعها مقلق ويلزم الراحة؟
هل لابد ان اتابع مع خبيرة او اى دكتورة تنفع لان انا بالارياف يلزم سفر بعيد لكى اذهب لدكتورة استاذة فى الجامعة او حت دكتورة قديمة متميزة فاذهب لدكتورة جديدة علشان السفر البعيد خطر عليه واخاف ان الدكتورة الجديدة تلخبط لى الدنيا
اسفة عل الاطالة ولكن عند سؤال اخر لاختى
هى عندها rh سالب والابن الاول موجب وبعد الولادة اخذت الحقنة فهل تلزم الحقنة المرة القادمة بعد الولادة لان زوجها يقول ان احدى اقربائه اخذتها مرة واحدة ثم لم تاخذها بعد البنت الثانية وجائت البنت الثالثة دون تشوه فما قولكم فى هذا
وجزاكم الله خيرا واسفة جدا عل الاطالة
الروابط المفضلة