في أحد مواضيع أختي الغالية لؤلؤة الشرقية.. كتبت موضوع بعنوان"هل أنتي مع أو ضد أخبار الأهل بجنس مولودك "..
ونقلت ردي هنا لأجد متسع أكبر لآرائكم واستشارتكم.. يعطيكم العافية مسبقا..



بصراحة الموضوع محير...
وأنا حابة أعرف أكبر رأي ممكن من الأمهات...
بالنسبة لي.. طبعا أمي وأخواتي مستحيــــــــــــــــــل أخبي.. أصلا أقولهم تفاصيل كل زيارة لدكتورتي..بالتفصيل المممممممل...
فهذا شي مفروغ منه..

أما باقي الناس.. ففي طفلتي تولين انا كنت حابة أقول.. وماكان عندي مشكلة اطلاقا.. خاصة انه أهل زوجي من الناس اللحوحين.. وكل ما أحد يشوفني يسألني ها بنت ولا ولد؟!!.. أنا والله ما كنت أتضايق بالمرررة.. وبالعكس كنت أمزح معاهم ونضحك وأصبرهم حتى عرفت جنس البيبي.. وجمعتهم عندي وقلت لهم الخبر... كنت سعيدة جدا وكل ما اشوف احد بدون ما يسألني أقوله حاجيب بنوتة... لأني طولت لما عرفت جنسها.. ماعرفت الا بآخر السابع..
(معليش صبركم علي.. حاكيلكم قصة حياتي )!!!
كانت نصيحة أخواتي لي دااائما.. عودي الناس ما تسألك عن جنس البيبي.. خاصة أهل زوجك والا حيقرفوك.. وأنا بصراحة ما كنت مقتنعة بهذه النصيحة.. وكنا نتجادل على طووول.. وكان ينتهي نقاشنا بأنه في حملي الثاني حاتغير.. وكانوا يقولولي حانفكرك ونقولك شفتي لو سمعتي كلامنا من أول كان الناس عرفت طبعك وما سألوا....ووووووووو كلام كثير.. ترى أنا بحاول اختصر جددددا ..خلاص لاتضربوني..
نسيت اقلكم انه في واحدة من سلفاتي- متأخرة في الانجاب وأحبها مووووووووووت والله من كل قلبي ودائما أدعيلها- مرة قريب في احدى الجلسات وبنتي عمرها 8 شهور عاتبتني وقالتلي انتي خبيتي عني جنس البيبي.. وحاولت أقنعها اني والله أول ماعرفت قلت للكل.. بس حسيتها ما اقتنعت.. الغريب انه بنهاية النقاش قالتلي:انت حرة .. أصلا أنا لما أحمل مارح أقول لأحد..أحسن تكون مفاجأة!!!!!!!!!!!!!!!!
بصراحة وقتها انصدمت.. طيب هي ليها سااااعة بتناقشني وبتتهمني اني خبيت عنها ومقتنعة تماما.. وبكل بساطة تقولي انا كمان حاخبي وماحقول لأحد!!!!!!!!
وقتها أخواتي لاموني وقالولي: شفتي؟ يعني تكلمتي ولا ما تكلمتي الناس حتزعل وفي ناس حتظن فيك ظن سوء.. وهذا علم غيب والواحد أحسن ما يكثر فيه الكلام لأنه مو أكيد..
لأنه بعض أخواتي صارت فيهم مقالب حلوة .. يعني مثلا عندي اخت الى التاسع وهم يقولولها بنت واشترت كل شي على اساس انه بنت وقبل ما تولد بأسبوع بس قالولها ولد.. طبعا بعد ماولدت الناس ما صدقت الحكاية وهي توريهم في الاشياء الزهرية اللي مشترياها وتخيلوا بعضهم ما صدق!!!! -أنا ماادري الناس كيف تفكر!!!- وقريب واحدة من أخواتي قالولها ولد.. واكتشفت في النهاية انه بنوتة..
عموما.. كل القرقرة هذه علشان أوصل لهذه النقطة...
أنا دحين حامل..وأهل زوجي هلكووووووووني.. تخيلوا من وأنا في الثاني بدأت الأسئلة -وهم عارفين انه ما بيبان !!!! ما ادري ليش بيسألوا؟!!!-- على فكرة أهل زوجي مرة طيبين وأنا مرررررة أحبهم والله.. طبعا الا ما تسير بعض التتشات الخفيفة بس بشكل عام هم صراحة رائعين..
اللي مضايقني اني اكتشفت جديد انه هم عادة ما يشيعوا هذا الخبر.. يعني لو واحدة من البنات حامل ما بتقول لأحد تخيلوااا حتى لأخواتها ما تقول.. ماني عارفة ايش السر؟!!!
لا واكتشفت جديد -أنا جديدة في العائلة فما أعرف طباعهم- انه حتى سلفتي ما تقلهم انها حامل الا في السادس أو السابع وكمان بس لما يظهر بطنها...!!!!!!!!!!
أنا تضايقت.. طيب ليييييييييييش تهلكوني أسئلة...

آخر شي فكرت.. قلت هذا الحمل لو طلعت حامل في ولد.. حقولهم علشان ما يحسبوني خايفة من العين... لأنه بصراااااااحة موضوع الولد هذا بيقهرني.. أنقهر من اللي تخبي لو كانت حامل بولد وعادي تقول لو بنت... أحسها عنصررررررررية... ليش يعني الولد احسن من البنت في ايــــــــــــــــــــــــــــش؟!!!!
نرجع.. لو ولد حقول.. وخلاص البيبي الثالث - اذا ربي طول بعمري - حقولهم انا حابة تكون مفاجئة..
اما لو بنوتة فما حقول وأقول حابة تكون مفاجئة...

ايش رأيكم؟!! بناااااء على الحقائق والمستندات الموضحة أعلاااااه

تعرفوا بيني وبينكم.. أنا عارفة اني في كلا الحالتين حقوووووووووووووووووووووووول..
لأني أنكسف أحد يسألني وما اقول.. وحتى لو عرفت وماحد سألني.. أحس اني لئيمة لو خبيت...
سامحوني حبيباتي دوشتكم والله.. بس والله لأنكم أخواتي طلعتلكم كل هذه التهاويل..
ياريت تعطوني رأيكم؟!!!

انا رايي انو ما تغيري برايك و خليكي على طبيعتك
حبيتي تحكي احكي
و حبيتي تخبي خبي
و ما تقلقي لا بلي يلوم و لا بلي ما يصدق
ان شا الله تكملي على خير و تجيبي البيبي بالسلامة

حيّاك الله أمّ تولينا

وتمّم حملك بخير وجعله سليما معافى ،
وجعله لك قرّة عين ومن عباده الصالحين
ينقل إلى ركن الأمومة

تولينا الامورة

ارضاء الناس غاية لا تدرك كما تعرفين

الناس المقربين جدا يحزنون فعلا عندما تخفين عنهم جنس مولودك

لانهم يحبونك بصدق و يفرحون لفرحك

و أخفائك عنهم هذا الامر يشككهم فى حبك لهم و يكون مدخل للشيطان ليقوم بالاعيبة مثل


ارايتم من تحبونها و تفرحون لفرحها و تخشون عليها من اى اذى

انها تخاف منكم و لا تثق فيكم و تخشى ان تحسدوا مولودها

عندما تُسرين لمن تحبين بجنس مولودك

يتأكد لديه معزته عندك و يفرح جدا

فما المانع اذا ان تفرحى من تحبين و تشاركيه فرحتك ؟

فرحك الله دائما حبيبى و حفظ لك اولادك و اسعدك

المشكله عندى ان جوزى هو اللى بيقول ومن غير ماحد يسأله
هيجننى

.
.
.

أم تولينا ..

بالنسبه للسؤال عن نوع المولود ..

قولي للى تحبى انكـ تقوليله .. واللى ماتحبيش انه يعرف بلاش تقوليله ..

مثلاً : قوليلهم انك طلبتى من الدكتور مايقولكيش النوع .. عشان حابه انها تكون مفاجأه ..

او ان الجنين قافل رجله فـ مش باين ..

عادى .. دى خصوصياتكـ وانتى حره فيها ..

.
.
.

مرحبا تولينا ربنا يتمم حملك على خير ويقيمك بالسلامة
انا في حملي الاول ماعرفت ايش نوع جنيني الالمن ولدت وجبت بنت والحمد للة فرحت كتير لاني كنت عاوزة بنوتة ولمن كان احد يقولي ايش نوع جنيني واقول مش عارفة ماحد يصدقني
ويقولو معاكي ولد بس خايفة من العين
ولمن حملت المرة الثانية عملت اشعة في الشهر الخامس وعرفت انة ولد بس خبيت وقلت اخليها مفاجاة احسن لان الناس مابيخلو لاحد حالة

ياغالية

انا ضد نشر الخبر للكل
انت ما تعرفي نفسية اللي قدامك وكيف يفكر
واذا على قولتك فيه ناس نقاقة خلاص قولي اللي من الله حياه الله
وحدة من قريباتي والله ثم والله
ما ترضى تقول ولا حتى لا اهلها
وكل من سالها تقول انا ما ابغى اعرف
يعني كل شي بالعقل يمشي.

شوفي اذا كمان اهل زوجك من الناس اللي ما تنشر ولا تحكي خلاص انت كمان لا تحكي لهم

على ايش ياختي انا حياتي كتاب مفتوح وعلى حدي ما ادري ولا عن ابسط شي.

انا ضد نشر الخبر

أنا ضد إخبار أي أحد طبعا
لأنه كل شيء في علم الغيب مرات يقول بنت وتطلع والد
لا ماتقولي بعيدين إتعلمي من أهل زوجك يعني مايقول خلاص
خليكي نفس طباعهم وربنا يتمم لك علي خير يارب
ولو رحتي الدكتوره قوليلها متقولش أحسن والله أعرف وحده الكل زعل
منها علشان متبي تقول نوع الجنين لما سالتها قالت المهم يكون
كامل الخلقه وماقالت حتي لي أمها والله .