السلام عليكم ورحمة الله وبركاته
لوسمحتم يا بنات انا سمعت هناك عمليات حقن مجهرى تقام فى مستشفى الجامعة ويقوم بها دكتور بيظهرعلى قناة الناس ويقوم بعملها بأقل تكلفة ممكنة هل الكلام دا صحيح ولوحد يعرف الموضوع ده ياريت يرد عليا لانى والله محتاجة الردجدا لانى عملت الحقن المجهرى دا مرة قبل كدة ولكن للأسف فشل وانا ما عندى امكانيات أعمل الموضوع ده تانى لذلك أنا بسأل عن الموضوع ده لانى بقالى خمس سنين متزوجة ولم يردالله بحمل اطلاقا ياريت حد يكون عايش فى القاهرة يردعليا ويفيدنى وما يحرم أحد من الذرية الصالحة اللهم أمين 0
ربى لاتذرنى فردا وأنت خيرالوارثين

أن شاء الله البنات يفيدوكي ويكون خير أن شاء الله..بنا يرزقك يارب عن قريب أن شاء الله..

كتبت بواسطة still_here

أن شاء الله البنات يفيدوكي ويكون خير أن شاء الله..بنا يرزقك يارب عن قريب أن شاء الله..

شكرا يا اختى على مرورك وربنا يكرمك يارب

ربنا يرزقك بالحمل السليم والذرية الصالحة إن شاء الله

حبيبتى ربنا يكرمك بالحمل القريب ان شاء الله
ويا رب حد يفيدك من البنات

حبيبتي اولا ربنا يارب يكرمك ويرزقك الذريه الصالحه بدون عمليات يارب

ادعي من قلبك وواظبي على الاستغفار وقيام الليل والصدقه حتى لو جينه واحد


انا اعرف ان في مستشفى الدمرداش بيعملوا عمليات الحقن المجهري بتكاليف رمزيه

بس معرفش بالضبط ايه التكاليف والنظام

ممكن تروحي يوم مستشفى الدمرداش وتسألي عن التفاصييل بنفسك

وكمان اعرف ان مستشفى الجلاء للعائلات
بها برضه قسم مجاني لعمليات الحقن المجهري

ارجو ان اكون افدتك
وربنا يرزقك يارب

ربنا يرزقك بالحمل السليم والذرية الصالحة إن شاء الله

عليكم السلام ورحمة الله وبركاته

لوجي اعتقد ردها كافي .. بس عندي اقتراح .. ايه رايك تتصلوا مثلا بالقناة وتستفسروا ..

ربي يرزقك الذرية الصالحه حبيبتي .. ويقر عينك بها ..

السلام عليكم ورحمة الله وبركاته
انا بشكركم كلكم الاخت هالة وعصفورايه وهنا ولوجىوميسون على اهتمامكم بالرد على موضوعى وجعله الله فى ميزان حسناتكم يارب العالمين ويكرمكم من فضله ان شاء الله انا فعلا هتصل بالقناة لانها ممكن تفيدنى أما مسألة الذهاب الى المستشفى العائلى أو الدمداش صعب على جدا لإن أنا مش من القاهرة فالمشوار صعب بالنسبة لى وان شاء الله هشوف حد يكون قاعد فى القاهرة ويسألى على الموضوع ده وإن شاء الله خير وادعولى ربنا يكرمنى

حبيبتي او ممكن تجيبي رقم المستشفيات من الدليل 140ويمكن ربنا يكرمك بموظف محترم يرد على استفساراتكوربنا معاكي ربنا يرزقك يارب من واسع فضله