السلام عليكم ورحمة الله
انا حامل بالشهر التانى والحمل تاعبنى بصورة كبيرة جدا دوخة باستمرار وهبوط ده غير الغثيان الى بيبدأ من اول ماقوم من النوم وبياخد تقريبا طول اليوم مهمها اكلت بجيبه تانى ده الحمل التانى ليا وربنا شاء انه يتم وانا برضع بنتى فى الشهر السابع رغم الوسيلة الى كنت متبعاها
المهم روحت لدكتور وقالى تقدرى ترضعى لحد الشهر الخامس
الى انا طالباه منكم دلوقت تقولولى على دكتور يكون كويس اوى اوى مهما كان سعر الكشف حد ياجماعة يكون كان عنده اعراض حمل زى الى عندى دى او قريبة منها وعلى علاج الدكتور ده استريح ارجوكم
انا مش قادرة اعمل اى حاجة والمشكلة فى بنتى الى مابقتش قادرة اهتم بيها بسبب الخمول المستمر
مش مهم مكان الدكتور ده يعنى لو مصر الجديدة او المعادى او مدينة نصر

اكون شاكرة جدا

السلام عليكم و رحمه الله و بركاته

يصي يا ستي


الاعراض اللي انت بتوصفيها دي عاديه جدا في الحمل

انا لما كنت في الحمل في بنتي ماكنتش بعاني من اي اعراض خااااااااااااااااالص

و دلوقتي حامل و تعبانه جدا

و لما سألت الدكتوره قالتلي ان ده شئ طبيعي ان احمل التاني يكون اصعب من الاول

لان الجسم مابقاش زي الاول بصحته

ما تقلقيش و متغيريش الدكتور لو ده السبب

بس المفروض تبطلي رضاعه علشان صحتك ما تتعبش


مع ان النونو صعبان عليا

ممكن تحاولي تفطميه و تعوديه علي الاكل خلال شهر مع الرضاعه الخفيفه

و بعدين خلال الشهر ده بالتدريج كده افطميه و متقلقيش

يا رب اكون افدتك

السلام عليكم


اولا مبروك على الحمل وربنا يخليلك بنوتك ويعينك

انا مش هقدر افيدك فى اسم الدكتور بس هقولك ان مفيش دكتور هيعالجك من اعراض الحمل..لانها لا مفر منها

ممكن يديكى ادويه تقلل من الغثيان و القىء شويه بس مش اى دوا هينفع تاخديه وانتى بترضعى
انتى اولا اسألى دكتورك عن مضادات القىء والغثيان وخليه يكتبلك حبوب او لبوس او حقن لو الامور صعبه اوى
وكمان استشيرى دكتور تانى فى موضوع الرضاعه دا لان المفروض الرضاعه تقف بمجرد الحمل
ربنا يعينك انا حاسه بيكى وانتى كمان معاكى نونو تانى يعنى حمل مضاعف
يااارب يخفف عنك ياارب ويتم حملك على خير

وفى ملف هنا فى الركن عن افضل دكاترة مصر فى النساء والولاده شوفى فيه ممكن تلاقى طلبك

السلام عليكم ورحمة الله وبركاته انا حملت بتاني وكان عند بنتي ستة اشهر انا مكنتش بدي احمل بس كل من عند الله المهم اني ابقول مفيش حد زيي في الوحم تسعة اشهر وانا برد عزك الله بالاولى كنت بدخل المستشفى لاني لاباكل ولا بشرب وبتاني كان اصهب لان كان عندي بنت عندها ستة اشهر وانا في الغربا كنتي بقوم غزب عني ك رهت الحمل بعدين ودلواتي الحمد لله كبر الكبيرة عمرها خمس سنين ونص وتاني اربعة وشهرين كنت كل مقول لكوزي امل بثالث يقل لاء لحد مرضا لان كان خايف من الوحم ودلوأتي انا حامل في شهر التاني الحمد لله مش حس بحاك لد دلوأتي اصبري وربنا يكملك على ير وتفرحي بالولد انشاء الله مع العلم انا حمل بالاولى في شهر الاول من كوازي ربنى يفرح كل محتاكى امين

من الواضح ان هذا امر عادي جدا لأني انا كمان حامل بالثالث و الحمل تاعبني جدا جدا غثيان و قيء و دوخة

و ابني عمره تسع اشهر و حملت تاني بدو ن تخطيط لذلك و نصحني الكثير ان اوقف الرضاعة و للأسف عملت كده و لما ذهبت للدكتور بتاعي قالي لا توقفي الرضاعة مادام يوجد لبن و اعتقد انه يتوقف تلقائيا من الشهر الخامس و لكني للأسف كنت خلاص وقفت الرضاعة و لكن أول ما وقفتها ابني جاله نزلة معوية (الله يحفظ كل الأطفال)
نصيحتي لا توقفي الرضاعة مادام ربنا مقدرك أما بالنسبة للقيء هناك ادوية تقلل من هذه الاعراض و لكن لا تمنعها تماما و تسبب النعاس الشديد يعني لازم تاخديها قبل النوم مباشرة و هي Navoproxine & Dizitest بس طبعا استشيري الطبيب قبل الاستخدام

اما بالنسبة للدكتوري فهو في مصر الجديدة العمارة اللي جانب مستشفى كليوباترا هو دكتور شاطر جدا و ولدت معاه الولادة الأولى

د/ صبحي ابو لوز المتابعة 1500 شاملة السونار
قيصري 4150 (بدون المستشفى)
طبيعي 3150 (بدون مستشفى)

يمكنك الحصول على اسعار الولادة في كليوباترا من مكتب الاستعلامات هناك هتلاقي ورقة مطبوعة

اتمنى اكون افدتك و ربنا يتملك على خير و يهون عليكي حملك و علينا كلنا

كتبت بواسطة كرومبا2

السلام عليكم و رحمه الله و بركاته

يصي يا ستي


الاعراض اللي انت بتوصفيها دي عاديه جدا في الحمل

انا لما كنت في الحمل في بنتي ماكنتش بعاني من اي اعراض خااااااااااااااااالص

و دلوقتي حامل و تعبانه جدا

و لما سألت الدكتوره قالتلي ان ده شئ طبيعي ان احمل التاني يكون اصعب من الاول

لان الجسم مابقاش زي الاول بصحته

ما تقلقيش و متغيريش الدكتور لو ده السبب

بس المفروض تبطلي رضاعه علشان صحتك ما تتعبش


مع ان النونو صعبان عليا

ممكن تحاولي تفطميه و تعوديه علي الاكل خلال شهر مع الرضاعه الخفيفه

و بعدين خلال الشهر ده بالتدريج كده افطميه و متقلقيش

يا رب اكون افدتك

وعليكم السلام ورحمة الله وبركاتة
اولا اشكرك على اهتمامك وردك
عموما انا روحت فعلا لدكتور النهارده وكتبلى على علاج وربنا يكرم ويكون فيه الشفا ولسه بجد مش عارفة اعمل ايه فى موضوع الرضاعة انا بسمع اراء كتير اوى يوميا وكلها مختلفة صعبان عليا اوقفها علشان بنتى وفى نفس الوقت مش عارفة هل ده غلط على البيبى او على حملى؟؟
على كل حال اشكرك جدا جدا يا كرومبا

كتبت بواسطة نووودى

السلام عليكم

اولا مبروك على الحمل وربنا يخليلك بنوتك ويعينك

انا مش هقدر افيدك فى اسم الدكتور بس هقولك ان مفيش دكتور هيعالجك من اعراض الحمل..لانها لا مفر منها

ممكن يديكى ادويه تقلل من الغثيان و القىء شويه بس مش اى دوا هينفع تاخديه وانتى بترضعى
انتى اولا اسألى دكتورك عن مضادات القىء والغثيان وخليه يكتبلك حبوب او لبوس او حقن لو الامور صعبه اوى
وكمان استشيرى دكتور تانى فى موضوع الرضاعه دا لان المفروض الرضاعه تقف بمجرد الحمل
ربنا يعينك انا حاسه بيكى وانتى كمان معاكى نونو تانى يعنى حمل مضاعف
يااارب يخفف عنك ياارب ويتم حملك على خير

وفى ملف هنا فى الركن عن افضل دكاترة مصر فى النساء والولاده شوفى فيه ممكن تلاقى طلبك

الله يبارك فيكى , انا روحت لدكتور تانى غير الى كنت معاه ناس قالولى عليه و بالفعل كتبلى على حقن وحاجات كتير علشان القئ والدوخة والاعصاب ويارب تجيب معايا نتيجة .
انا فعلا هاستشير دكتور تانى بخصوص الرضاعة لانى بجد محتارة اوى

اشكرك بشدة يانودى على اهتمامك وربنا يتقبل منك دعائك الجميل ويتمم حملى وحمل كل البنات على خير يارب

كتبت بواسطة imane83

السلام عليكم ورحمة الله وبركاته انا حملت بتاني وكان عند بنتي ستة اشهر انا مكنتش بدي احمل بس كل من عند الله المهم اني ابقول مفيش حد زيي في الوحم تسعة اشهر وانا برد عزك الله بالاولى كنت بدخل المستشفى لاني لاباكل ولا بشرب وبتاني كان اصهب لان كان عندي بنت عندها ستة اشهر وانا في الغربا كنتي بقوم غزب عني ك رهت الحمل بعدين ودلواتي الحمد لله كبر الكبيرة عمرها خمس سنين ونص وتاني اربعة وشهرين كنت كل مقول لكوزي امل بثالث يقل لاء لحد مرضا لان كان خايف من الوحم ودلوأتي انا حامل في شهر التاني الحمد لله مش حس بحاك لد دلوأتي اصبري وربنا يكملك على ير وتفرحي بالولد انشاء الله مع العلم انا حمل بالاولى في شهر الاول من كوازي ربنى يفرح كل محتاكى امين

وعليكم السلام ورحمة الله وبركاتة
اشكرك ايمان على اهتمامك وردك
والف مبروك على الحمل والحمد لله انه افضل المرادى ويارب يتم على خير ومايجلكيش اى تعب خالص يارب
ويتمملنا كلنا على خير انشاءالله

كتبت بواسطة tota03

من الواضح ان هذا امر عادي جدا لأني انا كمان حامل بالثالث و الحمل تاعبني جدا جدا غثيان و قيء و دوخة

و ابني عمره تسع اشهر و حملت تاني بدو ن تخطيط لذلك و نصحني الكثير ان اوقف الرضاعة و للأسف عملت كده و لما ذهبت للدكتور بتاعي قالي لا توقفي الرضاعة مادام يوجد لبن و اعتقد انه يتوقف تلقائيا من الشهر الخامس و لكني للأسف كنت خلاص وقفت الرضاعة و لكن أول ما وقفتها ابني جاله نزلة معوية (الله يحفظ كل الأطفال)
نصيحتي لا توقفي الرضاعة مادام ربنا مقدرك أما بالنسبة للقيء هناك ادوية تقلل من هذه الاعراض و لكن لا تمنعها تماما و تسبب النعاس الشديد يعني لازم تاخديها قبل النوم مباشرة و هي Navoproxine & Dizitest بس طبعا استشيري الطبيب قبل الاستخدام

اما بالنسبة للدكتوري فهو في مصر الجديدة العمارة اللي جانب مستشفى كليوباترا هو دكتور شاطر جدا و ولدت معاه الولادة الأولى

د/ صبحي ابو لوز المتابعة 1500 شاملة السونار
قيصري 4150 (بدون المستشفى)
طبيعي 3150 (بدون مستشفى)

يمكنك الحصول على اسعار الولادة في كليوباترا من مكتب الاستعلامات هناك هتلاقي ورقة مطبوعة

اتمنى اكون افدتك و ربنا يتملك على خير و يهون عليكي حملك و علينا كلنا

مرسي جدا توتا على الاهتمام والرد
والف مبروك على الحمل ووربنا يتمملك على خير يارب
والف الف سلامه على ابنك يارب يكون احسن دلوقت

الحقيقة نصيحتك هى الاقرب لرأيي الشخصى لكن ماقدرش اقرر اذا كنت ابطل خالص ولا استمر للخامس زى مادكتورى كمان قالى الا لما استشير دكتور تانى
ورينا ييسر الاحوال ليا ولكل الحوامل يارب

على فكرة انا روحت فعلا لدكتور قبل ماقرا ردك ولو ماستريحتش على علاجة هاروح للدكتور الى قولتيلى عليه ويارب استريح على العلاج لانى تعبت جدا
بس ماقولتليش يا توتا هو الكشف بكام؟؟ انتى قولتى سعر المتابعة والولادة بس
وسؤال تانى مهم جدا هو بيبأى عنده زحمة؟ واقدر احجز بالتليفون ولا لأ؟ وكمان الاهم من ده كله هو فى الدور الكام ولو فى دور عالى يا ترى فيه اسانسير ؟؟
معلش اختك متعقدة من دكاترة قبل كده
مرسي ليكم كلكم على اهتمامكم باستفسارى ويارب يكملنا كلنا على خير يارب

الحمد لله انا ابني اتحسن كتيير عن قبل

بالنسبة للكشف هو 150 جنيه(هو غالي شوية) ة للاسف زحمة معظم الوقت و لكن في بعض الاحيان لو رحتي بدري يعني على الساعة 5 مساء بتستني بس لغاية لما يجي و بعدين تدخلي. انتي بس بتروحي أول مرة تنتظري و بعدين في كل مرة باتصل بنمرة السكرتيرة بتاعته باخد منها موعد و هي بتقلي اجي الساعة كام بالظبط و بخليها تسجلني في الكشف قبل ما اروح، انتي بس خدي نمرة موبايلها بعد الزيارة الأولى
و اخيرا هو في الدور الأول و يوجد اسانسير

بس نصيحتي لو انتي عايزة تروحي لمجرد احساس القء و الغثيان فلا داعي لأنها اعراض و هاتروح باذن الله بمجرد ما تدخلي في الرابع أما إذا كان الغرض هو المتابعة و الاطمئنان على صحة الجنين فهو دكتور يستاهل انك تتكلفي شوية أزيد و المهم شعورك بالراحة و الاطمئنان معاه لأن انا في حملي الأول كان حصلي بعض المشاكل على مدار الحمل و هو كان يتابع باهتمام شديد و مجرد ما تحتاجيه تلاقيه، أما لو ما فيش حاجة و الأمور مستقرة هاتحسي انا دفعتي فلوس كثيرة.

عموما ربنا يوفقك و يتملك على خير و يقومك بالسلامة و لو عايزة اي استفسار ابعتيلي