كيفكم بنات اول شي الحمد لله على كل حال ولدت وجبت بنوتة حلوة زي امهاانا اتأخرت عن موعدي 14 يوم ولا اجاني طلق ولا شي شربت كل الوصفات ومشيت لتكسرت واخر شي ما بولد الا بطلق صناعي متل مشكلتي بحملي الاول ولا عرفت السبب اخر شي يأست من حالي انا الولادة السابقة تغلبت كتير بالطلق الصناعي وقررت المرة اغير المستشفى واخد ابرة الظهر وكنت خايفة كتير ما تتصوروا يابنات خايفة من التجربة نفسها ارجع اعيشها مرة تانية طلعت عالمستشفى بعد ما كتبلي الدكتور تحويلة لانه ما بصير اتأخر اكتر واعطوني تحميلة طلق صناعي بالليل وتركوني انام للصبح اجا الدكتور ولا في توسع ولا طلق وكمان الراس عالي وحولوني عالولادة واعطوني طلق صناعي ابرة واه منه ما بيرحم من الساعة 7للساعة 3 طلق بيموت بدون توسع واتفقت مع القابلة والدكتور اخد الابرة ولما طلبتها حكولي انهم نادوا دكتور التخدير و تخيلوا يا بنات استنيت هالدكتور ساعة وساعتين وتلات وما اجا واخر شي ولدت عالساعة 3ونص والحمد لله والله تغلبت كتير يابنات بس حسيت انهم ضحكوا علي يلا الحمد لله على كل حال المهم انه البيبي بصحة كويسة وانا طلعت منها بس ما بعيدها الا بعد خمس سنين وصايبتني عقدة الولادة وهاي قصة ولادتي
الروابط المفضلة