السلام عليم ورحمة الله وبركاته
أنا محتاجة افضفض معاكم شوية لأني والله تعباااااانه اوي
انا متجوزة من سنة و3 شهور وطبعا من أول شهر في جوازي وانا في انتظار الحمل لأني هموووووووووووت وأبقى أم يارب متحرمنيش من هذه النعمه
المهم طبعا لفيت على دكاترة كتير وكانوا اول حتجه بيعملوها يدوني منشطات والحمد لله انا من قراياتي في المنتدى عن اضرار المنشطات والكلوميد كنت برفضه وما أخدتش غير مرة واحدة كلوميد مع أبر مريونال مع برجنيل أبره تفجير وربنا والحمد لله على كل حال لم يكتب ليه الحمل وقررت اني مش هستمر في المنشطات لانها ممكن تسبب لي مشاكل وخصوصا ان التبويض بتاعي نسبيا كويس ولله الحمد
وفعلا يا بنات غيرت الدكتور وربنا هداني لدكتور ربنا يكرمه يارب قالي انا هتابع معاكي التبويض الأول من غير اي حاجه 3 شور وبعدين نقرر نعمل ايه ... وخلال الفترة كان سألني عملتي عمليات قبل كده وحكيتله ان من 15 سنه كان فيه انفجار في الزائدة الدودية والحمد لله لحقوني وانا كويسة واما بعدها رحت لدكتور نسا (ربنا يدي كل واحد على قد ضميرة في الشغل) كشف عليا وقالي انتي مفيش احسن من كده نسائياً واطمنت.... وبعد 15 سنه اما الحمل اتأخر وسألت أبن الدكتور اللي طمني هل العمليه دي ممكن يكون ليها تأثير قالي لا لا لا خالص
المهم يا بنات الدكتور الجديد ربنا يبارك له بعد اما تابع التبويض 3 شهور وكان بيحدد أيام الجماع بيني وبين زوجي ووجد انه ما حصلش حمل خيرني ما بين اختيارين انه يلجأ للمنشطات أو الأسلم انه يعملي عملية منظار استكشافي ويشوف فيه ايه لانه كان شاكك ان عملية الزايدة تكون سببت التصاقات في قناة فالوب
أعصاااااااابي انهاااااااااااارت وكنت هموت من الخوف واستشارت نااااس كتير وكانه خايفين من العمليه واني اكتفي بس بعمل أشعة الصبغة
رجعت استشير الدكتور تاني قالي ان الاشعة ممكن نتائجها غلط
المهم أنا أسفة اني بطول عليكم لكن والله ده من غلبي ومن احتياجي لدعائكم ولنصايكم ليا
عملت العملية الحمد لله الحمد لله على كل حال الدكتور قالي ان في عملية الزايدة من 15 سنة تم استئصال المبيض الأيمن وقناة فالوب اليمني وان الحمد لله الحمد لله يارب احمدك واشكر فضلك ان المبيض الشمال موجود بس الانبوب الايسر كان متني وكانت الصبغة مش بتمر فيه والدكتور عمل تدخل جراحي والحمدلله صلح الانبوب والحمدلله احمدك يارب واشكر فضلك الصبغة مشيت
بعد العملية (أول شهر) رحت للدكتور ومالقاش عندي تبويض خالص وقالي ان ده طبيعي من اثر العملية والأدوية وقالي احنا لازم نلجأ لمنشطات الشهر ده
وفعلا يا بنات كتب لي على منشطات الشهر ده وانا أخدتها
أداني كلوميد قرصين من تاني يوم الدورة و2 حقن فوستيمون لمدة اسبوع وبالرغم من ان المنشطات كتير انا استسلمت المره دي وأخدتهم لأن جوزي الترة اللي جايه هيكون مسافر
والنهاردة تاسع يوم في الدورة وعندي ميعاد مع الدكتور
أستحلفكم بالله أدعولي ان يكون حجم البويضة مناسب
أنصحوني يا بنات أشرب ينسون.... عسل انا محصلش جماع بيني وبين زوجي عشان مش يبقى عندي التهابات وكمان عشان الحيوانات المنوية عنده تبقى قويه هل ده صح؟؟؟؟؟؟أعمل ايه؟؟؟؟؟؟؟؟؟؟؟؟؟؟؟؟؟؟؟
انا متوجهه لله عز وجل هو كريم قادر انه يكرمني
انا عارفة انكم هتقولولي حاولي متفكريش في الموضوع بس انا مش بقولكم ان ده صعب بل ده مستحيييييييييييل
أنا بجد يااااااااااااااا بنات محتاجه لدعواتكم ليا ولاي نصيحة ولمساندتكم ليا نفسيا
الروابط المفضلة