صبايا انا متزوجه من شهرين تقريبا
صارت عندي التهابات شهر العسل في بداية زواجي
وخلال فترة علاجي منها اكتشفت اني حامل اوقفت الأدوية بس ضلليت احس بالتهابات من الافرازات اللي كانت تنزل مني ومن الحرقان بالبول - الله يعزكم-

اعطتني الدكتورة مضاد حيوي كتير قوي وحكتلي اشرب مي كتير
خفت أكمل كورس المضاد الحيوي شربت 3 حبات منو ووقفتو واستمريت ع شرب المي وبالفعل اتحسنت الحمدلله
بس من امبارح رجعت الافرازات ورجعت اتألم واحس بالحرقان
مش عارفه شو لازم اعمل

كمان شغله من بداية حملي وانا عندي غازات كتير متعباني اشرب كمون واعشاب ولا بدري ع هيك شغلات لانو لسه حملي بالشهر التاني

والله ما عندي فكرة بس ضلي تابعي دكتورتك وربي يتمم لك بالف خير

أكثري من شرب الماي وراجعي الدكتوره أحسن علشان تطمأني على نفسك وعلى البيبي
وربي يرزقنا وإياكي بالولد الصالح والذرية الصالحه
اللهم آمييييييييييييييييييييييييييين

حبيتي الاحسن تكملي مع الدكتورة الانك حامل
ما فيكي تشربي الاعشاب للانها بضر الجنين و انتي لساكي بالشهور الاولى

الاحسن تروحي عالدكتورة الالتهابات مشكلة وما بتخلي الواحد قادر يتحرك كمان انتي ما بتقدري تشربي او تستعملي اي شي لانك حاملل
الله يكون معك ويتمم حملك على خير

بما أنك حامل مفيش مجال للمخاطرة لا بالاعشاب ولا شيء ثاني غير الدكتورة فيه أدوية ومضادات حيوية للحامل مجرد إستعمالها يزول الالم وهي أمنة ربي يسر لك الشفاء والحمل