اصبت بحكة بسبب دواء فهل هناك حل؟

كيفكم اخواتي والله يسهل لكل وحدة حامل بولادة ميسرة وكل مشتاقة للحمل الذرية الصالحة .. باختصار اخواتي انا طالبة مساعدتكم انا بنت عمري 22 سنة من اسبوع جاتني حكة في اسفل المنطقة الحساسة اول مرة تجيني تروح وقت وبعد شوي احس بحكة واليوم الثاني برضوا نفس الكلام حاولت اني اشوف المنطقة وظهر انه في افرازات بيضاء كذا على اصفر بس الاكثر مائلة للبياض ثقيلة شوي يعني مثل الجبن مو الافرازات العادية الله يكرمكم متراكمة على المنطقة وازلتها بحذر والحمد لله ماعاد خرجت تاني يعني ارتحت بعد ماشلتها لكن المشكلة ان الحكة لسى في يعني ممكن تجيني الحكة مرتين في اليوم بس انا كنت استعمل حبوب لمدة 15 يوم حبوب عشان كان عندي حب شباب وصفتها لي الدكتورة المشكلة بعد ماصرلي هذا الشيء تنبهت اني اشوف اعراض هذا الدواء بالورقة وظهر انه من اعرضه ( حكة الفرج أو الحكة المهبلية ) ماادري هو نفس الشيء اللي عندي او لا انا صراحة ياخواتي وحيدة بين 5 عيال ماعندي اخوات اسالهم واستحي اكلم امي واخاف اروح المستشفى صراحة.. وانا اهتم بالمنطقة والبس ملابس قطنية انا حتى والله عزكم الله ملابسي الداخلية اغسلها في ماء حرارته عالية جدا واهوي المنطقة وفي الليل ماالبس ملابس داخلية عشان تتهوى .. انا قريت بالنت ان الحكة علاجها كريم مضاد وتروح خلاص اذا وحدة صار لها نفس الشيء تقلي او قولولي على اسم كريم اقدر اشتريه يزيل الحكة .. انا حبيت اسالكم واستفسر انتو صحبات الخبرة تكفون لا تبخلو علي انا مقبلة على الزواج ان شاء الله وماابغى هالمشكلة تكون معي ... .. اسفه جدا على الاطالة لكم جزيل الشكر .. في انتظاركم ..
الله يسهلكم ويسخر لكل مشتاقة الذرية الصالحة ......

ياغالية نورت منتدانا

ومبروك لك مسبقا

غلاتي

طالماانه مكتوب انه الدواء بيعمل حكة فخلاص يعني الحكة منه

فيه مرهم اسمه فيسودين فيه منه مرهم وفيه منه كريم

وهو يعتبر مضاد
استعمليه انا بعد الولادة توصفه لي الطبيبة دائما .

ام سهيل ماقصرت

لكن انا لفت نظري الافرازات المائله الى اللون الاصفر

اعتقد انها التهابات اذا استمر معك الامر راجعي دكتوره نساء

حتى تعطيك العلاج المناسب

اختي انا ماعندي خبرة عن الحكة بس اذا ماتقدري تروحي المستشفى اشوفه عادي بس
تشرحي لها من غير ماتسوي كشف
وكمان فية انواع غسولات من الصيدلية حلوة لو تقدري تشتري
واذا ع الافرازات انا اشوف انها عادي كانت تجيني قبل الزواج بس من غير رائحة وانا كمان مااشغل نفسي فيها كثير بالتفكير
ومااعرف قصدك عن ماء الشطف بس اغسلي بيدك الافضل كمان عشان تتاكدي من النظافة لان الماما كانت تقول لاي كذا افضل ..
وذا زواجك قريب لاتفكري في غشاء البكارة لان كان عندي كاتب يقول انك ماتقدري تشوفية واذا تبي فية كتب توضح كل شي بس نصيحة اخت لاختها لاتشغلي راسك كثير لان لو قرب الزواج راح تكوني خايفة كثير ومافية حاجة تستاهل لانك راح تكون مع اطيب واحن انسان ويكون هو اخوف منك بس تمتعي بكل لحظة تمر لانها ماراح تنعاد الايام الحلوة
وانا بعد ما استخدم الا الحلاوة لانها انظف وقبل الزواج كنت اشيل باليزر مرة حلو اذا تقدري تروحي تسوي بس من يوم اتزوجت ما رحت لان المستشفى الاكنت اروح لة عند اهلي وانا مع زوجي كملت بالحلاوة
وذا عندك اي شي انا زي اختك لاني بعيدة عن اختي وكمان عمري 23وادرس ومتزوجة مالي 7 شهورر
وانا شفت موضوعك ماحبيت امر من غير مااساعدك بالي اقدر علية وان شاء الله البنات يساعدونك وادعلي انجح ويتمم حملي يارب ...

شكرا لكم اخواتي (( ام سهيل - نفسي بطفل - المى )) على مروركم وشرحكم .. وان شاء الله اروح الصيدلية واشتري الكريم .. والله ريحتوني .. بالنسبة للافرازات ماعاد نزلت واول مرة تجيني انا اعتقد انها ايضا من الدواء لانها كانت متراكمة وانا استعملت الدواء لفترة طويلة وكمان مافيها رائحة الحمد لله لاني اللي عرفته انه اذا كان فيها رائحة او تغير لونها عن الابيض فهو التهابات .... اختي ((نفسي بطفل )) الله يسخرلك الذرية الصالحة المعافاة السليمة ولا يحرمك منها ولا يحرم اي احد وتفرحي فيهم ويملولك البيت حياة يارب وقولوا آمين .. أختي (( المى )) ريحتيني بكلامك والله وحسيت انك قريبة مني لانه اهم شيء عند البنت المقبلة على الزواج الراحة النفسية والله يوفقك يارب وينجح مقاصدك ولا يضيعلك تعب وإن شاء الله ربي يتمم حملك على خير وثبات ويفرحك بعافية الطفل ان شاء الله ونجي احنا نباركلك بالنجاح والولادة وقولي آمين .. أختي ((ام سهيل )) الله يجعلك بكل حرف تكتبيه وتساعدي فيه اخواتك أجر ويجزيك خير على جهودك ووقفتك بهالركن مع اخواتك .. تقبلوني .... ان شاء الله عن قريب اكون معاكم بالقسم ادعوا ان الله يتمم زواجي وبعدها اكون مثلكم .. واكون بينكم ... شكرا

خلص ما تستخدمي الدوا بس ازا رجعت الافرازات تنزل بعد ما بطلتي تستخدمي الدوا راجعي دكتوره و احكي لامي ما فيها خجل ازا الهم صالحك

أخواتي أنا عندي مشكلة لأول مرة تحصلي الإفرازات من يومين نزلتلي مثل اللبن لمى يتخثر يعني لا جامدة ولا سائلة نزلت يومين وبس لونها أبيض وإلحين الإفرازات لمى أنظف المنطقة الله يكرمكم كأنها مثل الكريم ولها رائحة وهذي أول مرة تحصل ..وأنا بنت مو متزوجة .. وباقي للدورة كم يوم هل هذا شي عادي أو ممكن يكون في شيء لأني والله ماعندي ذيك الخبرة .. ساعدوني إذا تقدروا ... إذا ممكن أسوي شيء في البيت أو هل يحتاج إني أزور الطبيبة وإذا رحت لها ما أدري والله مستحية أقول يعني ضروري تكشف ولا ممكن أقلها الأعراض وخلاص .. طمنوني ..جزاكم الله خير وسهل لكم ولادتكم والله ييسر للجميع الذرية الصالحة ..

آسفه أختي مجرد إنسانه كنتي إنتي تسألي صرت أنا أسأل .... لا تنسوني

السلام عليكم يا بنوتات (الاخت مجرد انسانة والاخت سماء الابداع) بالنسبة للافرازات البيضاء التى تصفونها هى نتيجة الاصابة بنوع من الفطريات اسمه الكانديدا وهو فطر ضعيف جدا وتكون الاصابة به نتيجة نقص فى المناعة او استعمال ادوية تحتوى على الكورتيكوسترويد(الكورتيزون) او الاصابة لاقدر الله بمرض السكر وعلاجه بسيط ان شاء الله اولا كبسولتين عن طريق الفم يفصل بينهما اسبوع ولا تكرر واسمهflucoral ومطهر للمنطقة الحساسة اسمهfemicare vag. douch ويستعمل مباشرة بغسل المنطقة بنصف مكيال منه ويترك 5 دقائق ويشطف بماء دافئ 3 مرات يوميا وان كانت الحكة شديدة فاستعملى monicort cream بعد المطهر وطبعا اهم شئ الاهتمام بجفاف هذه المنطقة دائما مع غلى وكى الملابس الداخلية القطنية

شكرا لك د/ نسرين على الجواب الشافي واعتذر عن الرد المتأخر ولكن آخر سؤال وآسفه إذا تعبتك يعني هالأدوية اللي أشرتي ليها أقدر أنا أجيبها يعني مايحتاج أروح دكتورة صحيح ...