ينفع اشرب المرامية مع علاج الdopergin اصل زوجى مصمم على العلاج وانا عيزة اشرب المرامية لى اول مرة بس بصراحة خايفة اشرب المرامية مع علاج الدوبرجين -سعدونى ربنا يخليكو يارب-انا مليش غير ربنا وانتو بس

اختى الحبيبه على مااظن ان الدوبرجين بينشف اللبن صح ؟
لو اه اكيد ينفع تستخدمى البردقوش والميراميه لانهم بينظموا هرمونات الجسم
وعموما مالهم اى اثار جانبيه والاخوات يفيدوكى حبيت ادعيلك بالشفاء العاجل

marwa81 متعرفيش انا فرحت اد اه لما حد رد علية-ربنا يخليكى و يكرمك يارب-بس انا خيفه اخد الاتنين مع بعض فا ده المشكلة كلها

ياحبيبه قلبى عمر الاعشاب ماهضرك ان شاء الله انا كان عندى لبن بصدرى واللى نشفه بعد الله سبحانه وتعالى البردقوش والميراميه العلاج ماعملى شىء بالعكس تعبنى كتير
ان شاء الله هتشوفى فرق وطمنينا عليكى
بس ممكن اعرف نسبه البرولاكتين عندك كام ؟

النسبة من 3 شهور كانت 35 و عملت تحليل من شهر بعد علاج الdopergin ب2 شهر دلوقتى بقى 22

طيب الحمدلله كملى بردقوش وميراميه فى اليوم كاسين تغلى الميه لوحدها وتتضعى فى كوب ملعقه كبيره بردقوش واخرى مراميه ان شاء الله هاينزل خالص انا عملته من فتره قريبه لقيته 9 والحمد لله رب العالمين

الميرمية والمردكوش بينظموا الهرمونات في الجسم كويسين
بس لا تكتري منهم لأن كل شيء زاد عن حده انقلب ضده
نسأل الله لك العافية والسلامة

خلي بالك لان المرمريه بتحمي الطلق بالنسبة للحوامل ولو في حمل في الاول تنزله زي القرفه بالضبط وانا حقولك علي علاج بس لازم تسألي الدكتور بتاعك عليه دواء اسمه دستونكس ده عبارة عن قرصين في العلبة بيتاخد علي اسبوعين في كل اسبوع قرص والقرص بيتاخد علي يومين يعني مثلا لو خدتي نصف قرص يوم السبت تاخدي النص التاني يوم الثلاثاء معلش هو غالي شويه لكن والهي بيجيب نتيجة انا جربت الدوبرجين والبارلودل لكن الدستونكس هو اللي جاب نتيجة علي طول وعلي فكرة مش بيدوخ زي الدوبرجين والبارلودل واسئلي الدكتور علي والله الموفق وربنا يعينك .

حبيبتي طالما إنك بتاخدي أدوية مفيش داعي للأعشاب لأنها ممكن تجيب نتيجة عكسية مع الأدوية
و كمان مش كل ما تسمعي عن وصفة تجربيها لن اللي بيفيد معاكي ممكن ميفدش مع غيرك و العكس
و للعلم أنا لما اخدت المرامية صدري إتنفخ جدا و بقى فيه حليب مع أن مكنش فيه قبل كده و على طول بطلتها و رحت عملت تحليل برولاكتين بس الحمد لله طلعت النتيجة كويسة
و كمان نصيحة لو عاوزة تستخدمي اعشاب إما تكون تحت إشراف دكتور أعشاب متخصص أو في مراكز معتمدة زي مركز حراز في مصر
و بالنسبة للبردقوش أنا إستعملته لوحده 3 شهور و كانت الدورة منتظمة جدا بس لما ضفت له المرامية إتلخبطت الدنيا و من ساعتها و أنا قررت ما أستخدمش أعشاب تاني إلا تحت إشراف

ربنا معاكي إن شاء الله و تفرحينا بخبر حملك قريب

شكرا اوى يا جماعة على ردودكم-ربنا ان شاء الله ربنا يكرمكو و يخليكو لية-اصل انا عيشة فى مكة لوحدى و مليش اى حد غير ربنا و جوزى ربنا يحمى و انتم و بس- بس معلش انا عيزة بس اعرف لو انا شربت المرمية اشرب اد اه فى اليوم وكام يوم فى الشهر ولحد امتى من ايام الدورة؟ انا دلوقتى فى تانى يوم من الدورة و هبتدى العلاج من بكرة لحد يوم 22 من الدورة هاخد DOPERGIN-CIDOPHAGE-DIXAMTHAZONE-OPHSTEEN-+ حقن PERGNYL +MERIONAL