قرأت في أكثر من موقع عن المشد (الحزام)الاندونيسي و الذي تلبسه المرأة بعد الولادة باسبوع لشد ترهل البطن و لكن لا اعرف احد جربه و اتمنى من اخواتي الغاليات اذا احد جربه او سمع عنه يفيدنا بتجربته علشان نستعد للرشاقة بعد الولادة باذن الله
هذا نص ما قرأته عنه
((المشد الاندونيسي وكما هو معروف يمنع ترهل البطن بعد الولاده ويشد الظهر والجسم ولكل من تعمل ريجيم
المشد طوله 10 امتار وعرضه تقريبا شبر يلبس طول اليوم ما عدا وقت النوم وعلى الاقل لمدة شهر وراح تلقين الجسم ملفوف والكرشة رايحة وحتى ممكن تخسرين وزن لأنش راح تبطلين تاكلين طول ما هو حاكرش طول اليوم >>>
بالنسبة للنفاس يلف المشد حول البطن بعد الولاده بأسبوع
يجب عدم شد المشد بقوة حول البطن في الايام الاولى لما بعد الولادة ولكن يتم التدرج في الشد كل ثلاث أيام
أما اللي بتسوي ريجيم فعادي تلفه بس انها تسوي تمارين ويفضل المشي ولو نص ساعة 5 ايام بالاسبوع ...
ما في شي يجي بسهولة ابد اذا تبين الكرشة تطير اولا لازم يكون عندك صبر وبال طويل والكرشة اللي جات بعد سنين وكم طفل ما تروح بيوم وليلة وفي المقابل الايام تمشي بسرعة ...
المشد باول يومين بيضاقك وهذا شي طبيعي بس بعدها بتتعودين عليه خاصة لو انك في اللحظة اللي بتتضايقين منها بتفكرين انها بتكون السبب في رشاقتك اللي دايم تحلمين فيها وانك راح تلبسين اللي تبين من غير احراج
المشد تسوينه مثل الباندج او الشاش و تدهنين بطنك بالزيت او اي كريم تخسيس و تشفطين بطنك كثر ما تقدرين وتلفينه على بطنك من تحت لفوق وتظلين فيه طول اليوم ... ما عدا وقت النوم ... ...))
و الله أعلم هو مفيد ام لا ،دلونا يا اخواتي الغاليات
خالص دعائي
الروابط المفضلة