كتبت بواسطة
sefo2
عزيزتى مشمشة على فكرة أنا كمان مش فمصر ونزلت على الولادة ورفضت أروح لدكتورتى فى الولادة الأولى لأنها تعبتنى جدا فى الولادة أسمها منى الحسينى بصراحة منصحش حد بيها والله أعلم بس أنا تأذيت منها وغيرى كذا حالة برضة وأخواتى وماما كانو عايزينى أروح لدكتور الولادة الخاص بالعيلة الكل بيولد معاة أسمة هشام صالح فى العجوزة وبيولد فى مستشفى سوزان مبارك فى شارع السودان وفى مستشفى معهد ناصر ب4500 تقريبا
بس أنا مش بحب فى النسا أروح لدكتور توكلت على الله وكانت نيتى الستر يعنى مانكشف على راجل وشرعا مادام فى دكتورة تأمنى على نفسك معاها لا يفضل الدكتور والله أعلم
المهم بعد صلاة أستخارة ودعاء عرفت أن فى دكتورة شاطرة أسمها سهير صقر فى برج الأطباء أول فيصل بس غالية رحت لقيت زحمة كتييير ماحجزتش وانا نازلة لقيت يافطة دكتورة عفاف حلمى عبد الفتاح طلعت تانى لقيت مافيش كتير بس عشر دقايق العيادة زحمت بس المهم أنى كنت رقم 4 بس لقيت دكتورة رائعة وأنسانة وأم قبل مهمة الطب أرتحت معاها نفسيا وكدكتورة ممتازة هى كبيرة مش صغيرة وفوقت الولادة كانت أمى معايا فى غرفة العمليات مش دكتورة والله كانت واخدة راسى فحضنها وبتقرا معايا قرأن وقت التخدير ودعتلى أقوم بالسلامة أنا و أبنى والحمد لله ولدت قيصرى وجرحى مش باين خالص تجميل وبعد العملية كانت بطمن على كل ساعتين تقريبا لحد ماخرجت وأتضحلى انها كدة مع كل اللى ولدوا معاها وبتولد فى مستشفى الكاتب فى الدقى ب 4200 قيصرى و2200 طبيعى غالبا دة كلو مش بتدفعى تانى للمستشفى ولا غيرة
وفى دكتورة مها مسعد فى المنيل أسمع عنها وكانت دكتورة أعرفها هى اللى قالتلى عليها وبتولد فى الندى فى المنيل بس ما جربتهاش
معلش طولت عليكى بس حبيت أقولك نصيحة من أخت مجربة وربنا يكتبلك الخير وتقومى بألف سلامة
رد مع الاستدلال
الروابط المفضلة