السلام عليكم
حد يا بنات جرب دكتورة اسمها نجلاء الشبراوى؟؟ انا سمعت واحدة بتشكر فيها وهى رئيسة قسم فى الازهر بس انا عرفت انها بتتعامل مع مستشفيات صغيرة اوى زى مستشفى بدر والرحمة فقلقت هى ليه مش بتتعامل مع مستشفيات كبيرة...لو حد جربها يا ريت يقولى
انا من مصر الجديدة لكن ممكن اروح اى مكان لو دكتورة شاطرة وكويسة, انا نفسى فى دكتورة تكون من النوع الحريص على صحة الام لانى اصلا حتى قبل الحمل ضغطى منخفض جدااا لدرجة سيئة واى مجهود يرهقنى جدا لكن بعض الدكاترة بياخدوا الموضوع هزار و احس مش مهتمين.

موضوع ممتاز بارك الله فيكى

حبيبتي ملك، اشكرك كثيرا على هذا الموضوع الجميل و المهم

أولا انا انصحك بمستشفى كليوباترا لأن ولادتي الأولى كانت فيها، هي غالية شوية و زحمة شوية و أخذو وقت إلى ان تم العثور على غرفة لية بس ده لأني كنت رايحة المستشفى دون طلق ولا حاجة ولا حتى أعراض ولادة وولدت قيصري لأسباب تتعلق بالجنين، المهم الرعاية هناك جميلة جدا و الرعاية أيضا بالطفل إلى ان تخرجي بالسلامة بجد يستحقوا الحصول على شهادة في رعايتهم بالمولود الجديد

أما عن دكتوري فهو رئيس القسم هناك و هو دكتور/ صبحي لوز و عيادته في العمارة الملاصقة للمستشفى هو دكتور شاطر جدا جدا خصوصا في الحلات المستعصية و بجد تشعري بالراحة و الأمان معاه بس هو غالي شوية يعني انا رحتله اليومين دول لمتابعة البيبي التاني لاقيت المتابعة بقت 1500 شاملة السونار

انا ولدت معاه قيصري ب 4000 جنيه غير اجر المستشفى الذي يتراوح من 5000 إلى 6000 في القيصري

بس انا مرتاحة جدا للاتنين سواء المستشفى أو الدكتور بجد كفائتهم عالية جدا

ربنا يقومنا كلنا بالسلامه يارب
د:شريف السويفي في الاسكندريه شارع الفلكي الكشف شال السونار 70 جنيه
الولاده الطبيعي 2000 والقيصري 4000
المستشفيات الشروق واليكس سيدني والالماني
الاسعار من غير المستشفي

ممكن طلب يا بنات الله يكرمكن انا الان اعيش في القاهره في الدقي لكن مش عارفه اتابع مع مين خيلوا رحت لدكتور شريف مره بس انا تعبانه جداجداجدا ومش هعرف اظبطها المره دي في اسكندريه لو حد يقدر يفيدني يارين انا سمعت عن د:محسن خيري هل حد سمع عنه شئ ومستشفي الندي في المنيل
ارجوكم ساعدوني وشكرا مقدما

كتبت بواسطة النداهه

حبيبتى سمسم انا من محافظة الغربيه ااجى ازاى على العموم متشكره جدا لحرصك على المساعده وربنا يكتبها فى ميزان حسناتك

انا كمان من الغربية وده حملي التاني الاول بنتي جني عندها 3 سنين بس لحد الان اعاني من الولاده كانت طبيعيه بس متعسره و خياطه فظيعه عددها كبير جدا
كنت متابعه مع دكتوره في طنطا
وعشان كده قررت ان شاء الله هولد قيصري وباقيلي اقل من شهر علي الولاده ومرعوبة ياريت لو حد من الغربيه وتكون والده قيصري تفيدني وتقولي عن خياطه القيصري وهل باينه وبعد كام يوم بتبقي كويسه وفين ولدت

فين الردود يا غاليات

السلام عليكم اخواتى الكريمات

انا من الغردقه واتابع مع طبيبه فى منتهى الذوق

شاطره وتاخد وتدى معاكى تصبر عليكى
نصحتنى بها جارتى التى كانت تتابع مع طبيب
وكان ناوى يولدها قيصرى لانها ولدت قبل كده قيصرى
ومعظم الاطباء هنا ايدوا رايه ولما راحت للطبيبه الله يكرمها صبرت عليها
وربنا كرمها وولدت طبيعى ومن يومها وهى تتابع معها
المهم انا اتابع معها اسمها
د/ نجات محمد خير
عيادتها جنب كوافير اوشين خلف دهب مول
وياريت تحجزوا قبلها لانها بتكون زحمه شويه
كشفها ب 40 ج شامل السونار والاستشاره مجانا
والجمعه اجازه لكنها تستقبل حالات الطوارئ 24 ساعه
والحالات الحرجه مجانا
واذا كان عندك مشكله تلزم انك تروحى لطبيب فى تخصص اخر بتدلك عليه
ولو طلبتيها للولاده فى اى مستشفى بتروح معاكى انا نفسى اولد
فى مستشفى خاص واطلبها هى اللى تشرف على ولادتى

الله يكرمها بنت بلد وجدعه
واى استفسار انا تحت امركم
جعله الله فى ميزاننا جميعا

أهلا ملوكة وحشاانىربنا يقومك بالسلامة يارب
أنا الحمد لله ولدت يوم 6 أبريل قيصرى وربنا رزقنى ب ياسين حبيبى
وكانت الدكتورة ربنا يبارك لها أسمها عفاف حلمى فى برج الأطباء فى أول فيصل كشفها ب 50 والسونار 40
بصراحة رائعة وهادية وأمينة جدا ومش استغلالية القيصرى ب 4200 بفلوس المستشفى والولادة فى مستشفى الكاتب بالدقى جميلة ونظيفةجدا مش بتدفعى أى زيادة
ولو حد عايز تليفونها يبعت لى
وطمنينى عليكى يا ملوكة

انا تقريبا سبقتوكم كلكم لكن احب اشاركم
اخر ولادة لى كانت من 7سنين ونصف
ابنى الاول كان مع دكتورة الله يسامحها بهدلتنى
انا ولدت بنتى الثانية مع دكتور اكثر من رائع بيتعامل معكى على انة والدك
اسمه على شهوان فى12 ش احمد الصاوى روكسى واستحالة يطلب اتعاب بيقول اللى فى مقدرتك تحطية فى ظرف وتبعتيه بعد ما تروحى بالسلامة وكشفه 20 جنية لحد النهاردة مع انة راجل كبير وبيولد فى النزهة فقط لانة شريك فيها
وثالث ولادة كانت مع طبيبة انا ارتحت معاها لان الدكتور على كان فى العمرة هى تلميذتة واستاذة فى جامعة عين شمس اسمها فكرية احمد سلامة وعيادتها فىشارع هارون الرشيد مصر الجديدة وكشفها 80 جنية وبتولد فى النزهة والقاهرة التخصصى والرحمة ومش عارفة هى بتاخذ كام فى الولادة دلوقتى
وهى منعتنى من الحمل نتيجة قطع فى الرحم نتيجة لثلاث قيصريات متتالية
وانا حاليا نفسى فى طفل رابع ادعولى انها تقولى انة ينفع احمل تانى
وياريت اكون افدتكم وانا فى الخدمة دايما

السلام عليكم ورحمة الله تعالى
موضوع جميل
بارك الله للجميع