ازييكم يا بنات والله وحشتونى وكنتم كلكم فى بالى وانا فى غرفه العمليات ودعيت لكل الحوامل وبألاخص حوامل تجمع محرم وصفر لان كلنا مستنيين الفرج وسبحان الله زى مانتو عارفيين انا كان متحدد لى ميعاد وهوا 1/3 بس فعلا كله من عند الله بميعاد واوان ..
ودى الحكايه يوم الجمعه 20 فبراير كنت قاعده على التجمع اشوف مين ولدت ومين لسه ومافيش اى اعراض لاى شئ نهائى ولا وجع ولا طلق ولا اى حاجه ولما دخلت انام حسيت بخبطه بسيطه اسفل بطنى فقلت عادى اكيد هوا بيخبط وبعد اقل من ثانيه حسيت بخبطه تانيه ... قلت وبعدين والله يا بنات فاجاه حسيت ان بركه مياه وانفجرت منى نفس الاحساس لما تجيبى بلونه وتمليه ميه على الاخر وبعدين تفرقعيها ... المهم صحيت جوزى وقولتله الحقنى الحقنى ... بصراحه سرعته المنظر يا جماعه رهيب السرير بقى كله مياه المهم جرى اتصل بالدكتور قاله لازم تكون قدامى فى خلال نصف ساعه وفعلا كنا بنجرى وانا طبعا المياه عاماله تنزل لدرجه انى لما وصلت المستشفى الدكتور دخلنى فورا غرفه العمليات
فى دقائق ... والحمد لله ولدت وجبت آدم جميل يا جماعه الحمد لله وصغنون خالص والحمد لله هوا بخير والرئه مكتمله... بس انا اللى تعبت اوى الدكتور قاللى وانا خارجه من المستشفى انى لما وصلت كانت المياه كلها خلصت وان كان فى خطوره على البيبى بس الحمد لله وحصلى نزيف واضطر الدكتور يركبلى حاجه كده فى بطنى اسمها (درنقه) عشان النزيف ... مؤلمه شويه بس الحمد لله فكها امبارح وروحت انا والاستاذ آدم واحنا الاتنين بخير .. عقبالكم يا حوامل لما تشوفو النونو فى حضنكم ... بس ان شاء الله تكون ولادتكم اسهل

طولت عليكم ... عموما دودو بيسلم عليكم وبيبعتلكم بوسه ....

ألف مبروك والحمد الله على سلامتك وسلامة آدم
انشالله بتشوفيه عريس ياااااااب والله يحميلك ياه
والبوسة وصلت ...

الف الف الف مبرووووووووووووووووووك يا قمر
والف حمد لله على سلامتك انت والنونو القمر ادم
وربنا يجعله ذريه صالحه يا رب
وعقبال النونو اللي جاي تكون الولاده اسهل يا رب ههههههههههههههههههه

الحمدلله على سلامتكم وألف مبروك ربنا يحفظه ويعطيك أخون له تكون ولادتهم سهله

يالله ياجوجو
الف الف مبروك
والله فرحتلك من كل قلبي
انا تفاجأت لمن اختك قالت لنا انك ولدتي الفجر
قلت يالله كانت معانا في التجمع سبحان الله
الله يخليلك ادم وامن وابوهم ويقر عينك فيهم
وعقبال ان شاء الله نولد كلنا وتجي تباركيلنا يارب

الحمد لله على سلامتك عقبال ماتشوفي دودو عريس

ألف مبروك والحمد الله على سلامتك وسلامة آدم

اهلا يا ام آمن ...........

الف الف الحمدلله على السلامة ....والله انا استغربت لما اختك خبرتنا!!
كنا في الليل نتكلم عن البنج و عن الخوف !!!!!!!! سبحان الله ...كل شي بميعاده !!!

الحمدلله على سلامتك و سلامة آدم .....وربنا يجعله هو و آمن من الذرية الصالحة يارب.

بس قوليلي .........شوفتيه ازاي ؟؟؟ حلو و لا لأ؟؟؟؟؟

الف حمد الله على سلامتك وسلامه ادم
وربنا يكملك نفاسك على خير

الف الف مبررررررررررررروك ياحبيبتي ويتربى بعزكم ادوم الحلو وربي يخليلكو ياه

وادعيلي تكون ولادي ميسره ومسهله