السلام عليكم ورحمة الله وبركاته
أنا طبعا تأخرت كثيرا عن كتابة قصه ولادتى فأعذرونى
يعلم الله انى احبكن في الله وانى دعوت لكن جميعا وقت الولاده اتمنى من الله الاجابه
ويعلم الله عز وجل كم قضيت من الوقت الممتع والمفيد معكن في المنتدى
ولم أشعر بطول التسع أشهر مع الأخوات رزقهن الله الذريه الصالحه وبارك لهن في ذرياتهن وأزواجهن
أولا أبدا قصه ولادتى بالحمد لله حمدا يليق بجلال وجهه وعظيم سلطانه
طبعا انا يوم 1_2_2009الاحد كان جالى مغص من الواحده ظهرا وكلمت الطبيب قال اطلعى على المستشفى
وطبعا دخلت وقلتلكم انى رايحه المستشفى ادعولى ورحت على 10 بليل وكشفت عليا الممرضه وقالتلى مش ولاده
انتى بس بتدلعى شويه ورجعت البيت وطول الليل أتقلب وأتلوى من المغص وعينى ما غفلت لحظه وقضيت الليل امشي في البيت
واسبح وادعو الله وعلى الصبح ابتديت ابكى من الوجع وجيت على الساعه 10 صحيت زوجى قلتله قوم ودينى المستشفى
مهو المغص ده لو مش ولاده يبقا انا فيا حاجه من طبيعيه ودينى أطمن أن الجنين كويس
وعلى الساعه 11 كنت في المستشفى وكشفت عليا الممرضه وقالت ولاده الرحم فاتح 4 سم يعنى على العصر كده هولد
طلعتنى الغرفه واتصلت بالطبيب وقال انه هييجي لما يقولوله انى خلاص هولد المهم ابتدت المعناه مع الطلق
وعلى الساعه 2 جت الممرضه وفتحت كيس الميه وطبعا انا طلبت آخد حقنة الظهر قالولى اوك بس طبيب التخدير في عمليه
اول ميخلص هينزلونى اخدها وخلص على الساعه 3 ونزلونى وقبل مآخد الابره جه طبيب كشف علييه ولقيته منع طبيب التخدير وراح يتصل بطبيبي
وطلعونى الغرفه منغير تخدير وكان الطلق وقتها بقا كل 5 دقايق وعلى الساعه 5 لقيت طبيب التوليد تبعي جه وكشف وقال احنا مضطرين نفتح قيصري
الميه حولين الجنين مش نضيفه ونبض الجنين غير منتظم فلازم نولدها حالا ونزلونى واخدت بنج وصحيت لقيت سما منورة السما ونورت الدنيا
وبصراحه انا تقريبا جربت الولاده الطبيبعي والقيصري في ولاده واحده وعن نفسي القيصيري احسن بكتييييييير
ولكل الأخوات اللى ولدو ألف مليون مبروك والباقيين ربنا ييسرلهم ولاتهم
الروابط المفضلة