هادا حمل؟؟؟؟ جاوبوني إسا بموت :(

**fatima162** · 20-02-2009, 07:06 PM

مسا الخير ..
أنا سعيدة كتير اني أكون معاكو في هادا المنتدى اللزيز..

انا اختكو فاطمة من فلسطين ..
صرلي 11 شهر متجوزة .. ولإسا ما حملت ..
الظاهر اني كنت أحسب أيام التبويض غلط .. لإنو دورتي 40 يوم ..
المهم ..

كان مفروض تجيني الدورة يوم 10 او 11 شباط (فبراير) ولإسا ما إجت ..
عملت فحص بول .. وما طلع شي ..
وكمان فحص دم .. بس دكتور العيلة حكالي انو ما في حمل بس شاف النتيجة ..

فحص الدم عملتو بـ 18 فبراير .. قبل يومين ..

يعني شو هادا يللي قاعد بيصير معي ..

والله أعصابي تعبانة كتير .. حماتي جننتني ..وصار معي أوجاع بالمعدة من الأعصاب ..وما بعرف أنام ..

شو لازم أعمل .. انصحوني ..
في حد صار معو متلي ؟

يخليلي اياكن يا رب تردو بسرعة

**fatima162** · 20-02-2009, 07:11 PM

نسيت أحكي إنو عمري 21 سنة
وكمان في افرازات بيضا كتيرة .. يعني ايش هادا ؟؟
بضلني أفكر الدورة إجت .. وبفحص بلاقي شي أبيض

هادا الحكي صرلو شي 10 أيام

**zoooba123** · 20-02-2009, 07:17 PM

والله ماعندي فكره بس الله يكتب الي فيه الخير

**ward_84** · 20-02-2009, 07:26 PM

غاليتي الله يرزقك بالذرية الصالحة ان شاء الله

بس اذا انت عايزة تحملي روحي للطبيبة وهي تعطيكي تعملي التحاليل اللازمة واذا ما فيكي شيء هي الي راح تقول لك هذا الكلام

وان شاء الله ما يكون الا الخير يارب

وطمنينا عنك

**fatima162** · 20-02-2009, 07:46 PM

أهلا خيتا زوبا ..
وإلك كمان كل الخير يا رب

**fatima162** · 20-02-2009, 07:48 PM

شكرا لمرورك أختي ورد..
بس يعني ما في كمان طريقة تانية عشان أعرف ايش يللي قاعد بيصير معي ..

لإنو موعدي مع الطبيبة المتخصصة رح يكون خلال اسبوعين

**ام سهيل** · 20-02-2009, 08:10 PM

الف مبروك ياعروسة
على العرس
وربي يطمن قلبك

غلاتي لا توتري اعصابك
انت اهدي
وانتظري اسبوعين مو مشكلة
ان شا ءالله خير
وطمنينا .

**fatima162** · 20-02-2009, 08:15 PM

يا مية هلا فيكي أخت ام سهيل ..
يعني ممكن أطلع حامل ؟

**QuEeN** · 20-02-2009, 08:44 PM

حبيبتي بعدك عروووس ....على شو حرقة الاعصاب ؟؟!!
خلي حماتك تحكي يلي بدها اياه...قوليلها كله بيد رب العالمين ....مش بايدك و لا بايد زوجك.

لعلمك يا غالية ....الحالة النفسية الها دوووووووووووووووووووووور كبير في الحمل و عدمه!!
يعني انت لسة عروس ....ليه عم تحسبي ايام التبويض و غيره ؟؟!! خلي الامور ماشية طبيعي ، وباذن الله بتحملي عن قريب .

واذا حابة تتطمني روحي على طبيبتك ،و شوفي ليه الدورة متأخرة ....
وممكن تعملي فحص الحمل الهرموني ...و نتيجته ما فيها نسبة خطأ.........

وياااااااااااااااااااااااااااااااااااااااارب تكوني حامل و تفرحي زوجك و حماتك وكل يلي بحبوكي