طمنونى يا بنات .. وقولولى رأيكم؟

**gogo_nanoo** · 13-02-2009, 06:20 AM

سبحان الله والحمد لله على كل حال انا خلاص بقيلى على الولاده ان شاء الله اسبوعين وكنت كويسه والحمد لله بس من يومين جالى خراج بالضرس واضطريت بعد استشارة الدكتور آخد مضاد حيوى اسمه يوناسين مع انى ماكنتش عايزة آخده بس الحمد لله على كل شئ . وبعد جرعتين منه حسيت بالم شديد وهرش وحكه واحمرار طبعا انتو عارفيين فيين؟؟؟؟ المهم كلمت الدكتور وصفلى لبوس عبارة عن 3 بويضات مهبليه اسمه جيينو ديكتارين كل يوم قبل النوم لبوسه .وبالرغم انى باخد العلاج الا انى قلقانه جدا من الالتهابات دى على النونو . طمنونى يا بنات ربنا يكرمكم هل الموضوع ده حد جربه وهل الالتهابات دى مضرة على البيبى ولا دى كلها مجرد مخاوف ..مع العلم انى جبانه اوى ومش بحب الادويه الا للضرورة ودى والله ضرورة . يارب تطمنونى وعموما انا حبيت افضفض لاخواتى واكيد انا كده احسن...

** الشيماء ** · 13-02-2009, 06:52 AM

السلام عليكم
أنا معنديش علم لكن حبيت أدعيلك
ربنا يشفيكي وتولدي بي السلامه

**gogo_nanoo** · 13-02-2009, 06:52 AM

ايه يا بنات مافيش ردود ...يا وحشيين ماحدش عايز يطمنى

**gogo_nanoo** · 13-02-2009, 06:53 AM

كتبت بواسطة الشيماء2009

السلام عليكم
أنا معنديش علم لكن حبيت أدعيلك
ربنا يشفيكي وتولدي بي السلامه

شكرا يا حبيبتى على مرورك والدعاء ربنا يسمع منك .. امين

**مروة ابراهيم** · 13-02-2009, 06:58 AM

اولا مفيش اى خوف انا طول حملى اللى فات و الالتهابات لا تفارقنى ده عادى و ثانيا فيه كريم اسمه مومينتا هو علبه صفراء و اماراتى بس موجود فى مصر ممتاز حطيه و الحكه هاتروح فى ساعتها و ثالثا ربنا يقومك بالسلامه

**gogo_nanoo** · 13-02-2009, 07:06 AM

كتبت بواسطة مروة ابراهيم

اولا مفيش اى خوف انا طول حملى اللى فات و الالتهابات لا تفارقنى ده عادى و ثانيا فيه كريم اسمه مومينتا هو علبه صفراء و اماراتى بس موجود فى مصر ممتاز حطيه و الحكه هاتروح فى ساعتها و ثالثا ربنا يقومك بالسلامه

ميرسى يا مروة ربنا يطمنك . موجود الكريم ده فى اى صيدليه . اجربه ان شاء الله وشكرا على الدعوه الحلوة.

**مروة ابراهيم** · 13-02-2009, 07:08 AM

موجود فى كل الصيدليات و تمنه يمكن 6 جنيه و الدكتور وصفهولى و انا حامل يعنى عادى و انا قلت لصابتى عليه و نفعها جدا

**gogo_nanoo** · 13-02-2009, 07:12 AM

كتبت بواسطة مروة ابراهيم

موجود فى كل الصيدليات و تمنه يمكن 6 جنيه و الدكتور وصفهولى و انا حامل يعنى عادى و انا قلت لصابتى عليه و نفعها جدا

ان شاء الله اجيبه النهارده وربنا يكرم بس الحمد لله طمنتينى لانى كنت مرعوبه من الالتهابات دى خصوصا ان الولاده خلاص على الابواب .

**أم دندونة** · 13-02-2009, 07:16 AM

حبيبتي ألف سلامة عليكي

بعدين لو في خوف من الالتهابات كان الدكتور قالك

بس ما اتوقع الالتهابات العادية تأثر

ممكن الي عندك مش التهاب حساسية من الدوا

وألف سلامة عليكي

**أم حـــلا** · 13-02-2009, 11:14 AM

حبيبتي جوجو، انا اكثر انسانه تعرضت لالتهابات خلال مرحلة الحمل ههههههههههههههه والحمدلله والشكر، اول الحمل جاني التهاب في الرحم وبعدين جاني التهاب في المهبل وبعدين جاني التهاب في المسالك واخر التهاب جاني في الكلى وانا اتعالج من التهاب الكلى طلع عندي التهاب في المسالك وكلهم تعالجت منهم بمضادات حيويه والحمدلله البنوته ماكو شر عليها

انتي خذي المضاد وتوكلي على الله وانشاء الله ماكو شر عليك ولا على النونو

ولا تخافي انشاء الله ماكو شر

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: طمنونى يا بنات .. وقولولى رأيكم؟

أدوات الموضوع

العرض