السلام عليكم

انا عندي بنت عندها سنه وتلات اسابيع وامبارح رفضت ترضع مني تماما والكلام ده اتكرر تلات ايام ورا بعض بس اول يومين كان بتاخد مصتين وخلاص ونفسي اعرف ايه السبب مع انها كان بقالها ساعتين من غير اكل ونامت على حجر باباها مش عارفة انتهزها فرصه وافطمها ولا ايه؟ ماما بتقولي ممكن من التسنين بس انا صعب استنى كده لحد ما تطلع السنان عشان اللبن اللي في الصدري وعشان كمان انا باخد حبوب منع الحمل بتاعة الرضاعه وبصراحه مش عارفة اعمل ايه؟؟؟؟ وللعلم هيا مطلعتشي ولا سنه ياريت تفيدوني اعمل ايه

السلام عليكم ورحمة الله وبركاتة

والله مش عارفة افيدك ازاى ، ممكن لعل وعسى مرحلة عارضة وتلاقى البنت رجعت تانى للرضاعة
واذا بتفكرى تفطميها وحيارنة ... ياريتك تعملى صلاة استخارة
وانا بناتى كان بيفطموا نفسهم بنفسهم وبدون سبب - سبحان الله
وتذكرى ان حبوب منع الحمل الخاصة بالرضاعة بعتبر الرضاعة مساعد ليها ، فاذا كنتى مش بتفكرى فى الحمل دلوقتى حاول تحتاطى
واجتهدى انك تعصرى اللبن قدر الامكان علشان ماينشفش لغاية ماتعرفى هتعملى اية مع البنت

أنا من رأى انك تنتهزيها فرصه و تفطميها و أكلها الخارجى حاليا أهم من الرضاعه و الرضاعه مهمه جدا خلال الستة أشهر الأولى فقط و ممكن تستشيرى طبيبها أيضا

استشيرى طبيب علشان ياكد لك انها بتسنن ولا لا ويقولك فى سبب ولا هى رفضت من نفسها

اميره مصريه ازيك وازي البنوته الجميله
بوصي في تلات اسباب ممكن تخليها مش عايزه ترضع التسنين او ممكن برد او في حاجات حوليها بتلهيها او بتلفت نظرها وتجزب انتباهها
او ممكن تكوني بتاخدي علاج معين مخليها رافضه الرضاعه ؟ او تغيرات هرمونيه او ممكن تكوني غيرتي نوع البرفان آه والله الحاجات دي بتأثر فعلا هههههههههه
ومفيش مشكله لو حابه تفطميها لانها دلوقتي بتعرف تاكل كل الاكل وعوضيها بالحليب والزبادي
بس انا عن نفسي فضلت ارضع ابني سنتين و3 شهور هههههههههههه
وفطمتو في يومين اتنين
حطيت على صدري حاجه اسمها صبر طحنتها ودهنت بيها صدري
لاني جربت البن(القهوه) بس البن اللي كان عندي كان محوج وعليه حبهان ومستكه وحاجات جميله فيظهر عجبو ومنفعش معانا بس الصبر نفع الصبر دا لونه اسود بتطحنيه وتدهني بيه مكان الرضاعه عندك وهوا مر حتشوف لونو اسود وكمان مر حتقرف ومترضاش ترضع هههههههههههه
ربنا يعينك يا قمر على تربيتها وتفرحي بيها احلا عروسه
ابقي طمنينا حصل ايه معاها
في على فكره مسكن للتسنين
تقريبا اسمو تمبرا ؟ مش فاكره والله اسألي الدكتور افضل
حيكتبلها على مسكن
هوا بيكون مسكن وخافض للحراره في نفس الوقت علشان متقريفش

http://www.health.qld.gov.au/ph/????...abic/28789.pdf
بوصي الرابط دا بتاع موقع طبي ميه في الميه وحتلاقي كتبينلك المعلومات اللي انا كتباهالك
لان في ناس ممكن تشكك في الكلام اللي انا كتباه ويحوروه بدون وعي
انا اقصد واحده معينه هههههههههههههه وكنت متأكده انها حتدخول تغلط وجهت النظر دي حتى لو كانت صواب لان دي شخصيات
فحبيت اثبت صحة الكلام من الناحيه الطبيه ودا المهم

شكرا ليكم كلكم

وليكي يا ندى بالاخص هيا بنتي خلاص رفضت الرضاعه نهائي وعلى فكرة انا سالت الدكتور بتاعها قالي طالما كملت سنه خلاص ممكن تفطميها وانا خلاص اخدت الخطوة حتى يلاقي فطام بالساهل كده وميفطمش ههههههههههههههههههههههههههههههههههههههه وانا بتكلم مع الدكتورة بتاعتي اهو دلوقتي وحشوف حتقولي ايه