انا متجوزة من 5 شهور والشهر ده عملت تحليل انا وزوجى الحمدلله زوجى تحليله كويس بس اخد علاج عشان اللزوجه عاليه بسيط وانا حللت هرمون التبويض يوم 21 وكان نسبته 29.2 ng/ml
من اكتر من 10 ايام احس بالم اسفل البطن متقطع وخصوصا لو عملت حركه مفاجأة وصدرى حجمه كبر والم فيه كل ما المسه ووزنى زايد شوية وشهيتى مفتوحه وطبعا ارهاق وعدد مرات التبول اكتر والنوم بقى اكتر قبل معاد البيريود بكام يوم لقيت افرزات قليله لونها بنى زى اللى بتيجى مع البيريود والدورة اتاخرت يومين دلوقت بس الم اسفل البطن لسه بيجى كل فترة وبينزل منى افرازات لونها ابيض
انا طبعا شاكه انه حمل لان دى اول مرة احس بكل الاعراض دى وكل الظواهر بتقول حمل بس مستنيه شوية عشان اتاكد بالتحليل هل دى اعراض حمل حقيقى فعلا ؟؟
بس تنصحونى بايه وخصوصا الالم اللى بيجيلى اسفل البطن كل فترة ده بيكون فعلا غريب وصعب وبيستمر نص دقيقه ويروح لما ارتاح هل ده طبيعى فى اول الحمل ولا لا؟ ؟؟
الروابط المفضلة