السلام عليكم
أنا تأخرت عليكم بس دحين بدأت أقدر أجلس على النت عشان أكتب، وياريت كل وحده تقرا قصتي تقول ما شاء الله وربنا بسهلها لكل حامل
كان يوم خميس وكنت في الأسبوع 39 من الحمل ونزل علي شي بنيما هتميت ومالي حاسه بشي وكان عندي زواج في مكه لازم أحضره صرت خايفه أتصلت على الدكتوره العصر قلتلها قالت مو شرط ولاده ممكن تولدي اليوم وممكن بعد أسبوع قلتلها بطلع مكه قالتلي خلاص أطلعي وأنزلي من مكه للمستشفى أطمن عليكي قلت لو حسيت بشي بجي
وطلعت مكه وحضرت الزواج وانبسطت ورجعت جده الساعه 5 الفجرو جلست لما الساعه 7 نزل عليا نقطة دم ما أهتميت ونمت على 8 وجات 8,30 إلا احس شي حار نزل وبكميه كبيره خفت وحسبتها موية الجنين قمت لقيتها دم بكميه غزيره وقمت وكل ما مشيت ينزل الدم وقطع خفت وكلمت الدكتوره قالت تعالي أنا في المستشفى وصلت على 9 قالت الرحم مفتوح 4،30 قالت أفك المويه وتولدي بسرعه قلت لها لا خليها تنفك لوحدها قالت ممكن تجلسي لما الأسبوع التاني لأنك مافيك طلق زوجي قلي خلاص خليها تفكها وهذا كله مافيني أي الم
فكت المويه الساعه 10 يوم الجمعه بدأ الألم والإسهال والغثيان بدأ يشتد الألم طلبت بنج أعطتني إبره في العضل وأنا الألم يشد معايا خرجت الممرضه صرخت أقولها حولد راحت الممرضه تجري تنادي الدكتوره جات الدكتوره أقولها حولد خلاص قالت طيب أكشف كم مفتوح راحت خرجت على طول والحمدلله قبل الساعه11،30
وجبت وتين زي القمر الله يحفظها ليا ولأبوها
وعذرا على الإطاله وربنا يسهلها لكل حامل زي ما سهلها ليا لما كنت في مكه أي وحده تشوفيني تقولي الله يفرجها عليك وأنا أقولها إن شاء الله أولد قبل صلاة الجمعه وربنا استجاب دعائي
الروابط المفضلة