السلام عليكم .. كيفكن يا بنات؟؟
اليوم حاتبلكن قصة ولادتي ببنوتي (لو انو متاخرة شوي)
الحمد الله كانت ولادتي سهلة وماتعذبت كتير , الثلاثاء ب 9/12 فقت الساعة 3 الصبح على طلق ما كان قوي ونزلت شوية مي انا كنت من قبل بيوم حاسة بطلق خفيف كل نص ساعة لمدة ساعتين بس....
وبعدين نمت وما كان فيني شي ابدا
صحيت جوزي فورا وانا كنت خايفةلاني خفت كتير دخت و ما اقدر امشي , قلي جوزي ما فيكي شي يعني اذا شفتي نقطتين مي معناتا حتولدي اليوم ..!!
قلتلو خلينا نتصل بالمشفى . قال لا ما فيكي شي ارجعي نامي!!!!!!!!!!!!!!!!
صارت الساعة 4 وانا اعدة ما اقدرت نام موجوعة كتير لانو صار الوجع كل ربع ساعة
كتبت بالمنتدى انو نزلت مي الجنين استنى شوي ولا روح عالمشفى وكانت الردود انو روح فوراااااا عالمشفى
مع انو انا قرات كتيير عن أعراض الولادة مع هيك نسيت وسالت البنات, المهم يا بنات تحممت و جهزت حالي لروحة المشفى ليش و طلعنا كانت الساعة بين 6/6:30 الصبح
وصار الطلق يجي كل 5 دقايق ما عاد فيني اتحمل , وصلت المشفى و فورا فوتوني عغرفة الولادة .. كان في مشكلة صغيرة
حاولو يسمعو دقات قلب الجنين وقالو انو في مشكلة حتى انو 4 دكاترة اجو ليتاكدو انو كل شي تماموكان في ممرضين ودكاترة كتار طلبت من الدكتور يلي ولدني (دكتور مصري) قلتلو نادو لجوزي بدي ياه يجي يحضر الولادة ....
كان جوزي هربان مشان ما يفوت معي ودورو عليه وما كانو يلاقو و ولدت وبدن يعطو البنوتة وما كانو يلاقو حتى انو صارو يضحكو قالو جوزا خاف وهرب...!!!!!!!
انا وعم اولد قلتلو للدكتور (بدي قيصرية ماعاد فيني اتحمل..) قلي (انت فاكرة القيصرية سهلة ) والف الحمد والشكر لله عالساعة 9 ولدت وكانت بنوتي على بطني.. والاهم انو ما احتجت لابرة الضهر بس اخدت غاز لتخفيف الوجع
امانة يا بنات تدعو لبنتي لانو يمكن يكون في معها فتحة بالقلب بدن يصورو القلب بالشهر الاول ليتاكدو.. وانشا الله ما يكون فيها شي
طولت عليكن.. لاني وعدتكن انو اكتب ولادتي يالتفصيلللللل
رد مع الاستدلال
كتبت بواسطة دلوعة زمانهاااا
الروابط المفضلة