السلام عليكم ورحمة الله
ازيكوا يا حبيبي يا خوتى بجد الواحد مش هيلقى احلى منكوا اخوت تساعدوانى وتقفوا جنبي
انا طبعا ده اول حمل لية وتعبانة في جدا ( الحمدلله )
انا حامل في اخر الشهر الخامس ولسة لحد دلوقتى فية ترجيع (قيئ) وباخد حقن منع الترجيع بس مفيش فيدة وبقيت بحس انى جاعنة ومش عارفة اكل أى حاجة بسبب القئ وخصوصا كمان انى مش عارفة اكل اى خضار ولا اى فاكهة ولا اشرب لبن لانهم اكتر حاجة بتزود الترجيع بس بحاول اعوض بالبرشام بس برضوا مش كافى لان نسبة الانيمية عندى نقصة جدا جدا
والكالسيوم كمان نسبتة قليلة جدا وبقا عندى ألم شديد في عظام رجلى لدرجة انى بابكى من شددة الم وباخد حقن قولتارين مسكن ومش بيعمل حاجة خالص
وبعديين كمان كل مرة بعد القئ بلقى نقط في وشى دم محبوس تحت الجلد وبردوا مش عارفة ده من أية
وكمان بقالى 4 ايام عندى صداع مش بيروح خالص ومأثر على عينى والصداع موجود وانا نايمة ومش بيخلينى انام كويس شوفت الضغط كويس وعملت كشف نظر كويس
وباخد برضوا مسكنات قوية وحقن فولتارين وبرضوا مش بيتسكن وانا ابتديت اخاف على البيبي من كتر المسكنات
اخر مرة من 4 ايام عملت سونار والدكتور قالى المية زيادة على البيبي وكده مش كويس ولازم انام ومتحركش
بجد يا جماعة انا تعبانة اوى اللى يعرف أى حاجة تخفف عنى الالم دى يقولى
واللى ميعرفش يدعيلى
وربنا يخليكوا ليا
الروابط المفضلة