السلام عليكم و رحمة الله
اخواتى انا فطمت بنوتى من اول امبارح
هى عذبتنى شوية و لسه مش بتعرف تنام كويس و لا انا طبعا
بس الى تاعبنى جدا صدرى من اللبن المتجمع فيه
مش عارفة انام منه و حاسة ان جسمى كله بيوجعنى
حد يعرف حل للحكاية دى ؟ و اعمل ايه عشان اخفف الالم
و مشكورين مقدما

معلش يا حبيبتي هو اصل تجع اللبن بيخلي الجسم كدة والواحدة ممكن تسخن كمان، انت ممكن تضغطي بالراحة على صدرك يفضي شوية منه، والاحسن انك تستعيني بأقراص للفطام اسألي الصيدلي عليها، شريط واحد فقط ابدأي يومين مرتين في اليوم نص قرص وبعدين قرص كامل مرتين في اليوم، عشان هو هرمونات، معلش هو كمان هيتعبك شوية ويخليكي حاسة بغثيان واجهاد فظيع، بس ربنا يصبرك، واهم حاجة انك ما تصفيش صدرك عشان كل ما بتاخدي منه بيملى تاني، وان شاء الله بعد اليوم التالت للبرشام هتلاقي ان صدرك بدأ يفضي لوحده، ويقل اللبن فيه وينشف

انا شربت حبوب علشان يجف الحليب بصدري بس تعبت حيييييييييييل وسخنت

وانتفخ صدري طبيعي لانه الحليب يجمع ويجف..

الله يكون في عونك يارب..

انا كمان لسه فاطمه بنتى من اسبوع وحصل معايا كده على تالت يوم مقدرتش استحمل الالم لما زجى راح للصيدليه رفض يديله دوا قاله لازم تروح لدكتوره هى تكتبلها على دوا لان دى هرمونات وفعلا رحت وقالتلى انتى كنتى المفروض من وقت ما قررتى الفطام تاخدى دوا كده ممكن يحصلك التهاب وادتنى دوا مضاد للالتهاب ودوا لتنشيف اللبن والحمدلله انا احسن بكتير
انتى لازم تروحى لدكتوره افضل وبسرعه لان كده غلط عليكى

جزاكن الله خيرا حبيباتى على ردودكم الى طمنتنى
النهارده الحمد لله انا احسن من امبارح بس اخدت مسكن لانى مكنتش عارفة انام
و عملت كمادات دافية عليه و الحمد لله ارتاحت شوية