بنات الله يخليكم جاوبوني ولا تهملوا موضوعي
أنا حامل في الأسبوع الأخير من الشهر الرابع أو الأول من الخامس وأمس رحت لمستوصف عادي عشان أشوف بنت ولا ولد دخلت على الدكتوره على نهاية الدوام وسوت لي سونار وهي واقفه وتضحك مع الممرضه بصوت عالي سألتني قبلها هل عندي أولاد وبنات قلت لها أيوه عشان ماتراعي مشاعري وفي الحقيقه عندي أربع بنات وقبل ما أحمل سويت النظام الغذائي لأنجاب الذكر والغسول المهبلي القاعدي وفي أقل من (3) دقايق قالت لي بنت وراحت على طول تلم أغراضها أنا طلعت من عندها متأثره ومستغربه من سرعتها خاصة أن أول يوم أحس حركة الجنين هو نفس اليوم اللي رحت لها فيه بعدين أخذت رقم المستوصف وسألت عنها قال: لي توها جايه (يعني جديده) وسألت عن الجهاز هل هو جديد أو قديم قال: لي قديم
وسؤالـــــــــــــــــــي
هل يبان جنس الجنين بالسرعه هذي ؟ وهل عادي الجهاز القديم والجديد ؟
هل ممكن تكون الدكتوره متأكده من كلامها ولا (تصرفني )؟
هل حصل مع أحد زي ما حصل معي ؟
أعتــــــــــــــــــــــذر
على الإطاله ولكن والله أني متأثره والحمد لله على ما رزقنا والسر في الصلاح والعافيه ولكن كل ما تذكرت البرنامج الغذائي وتعبه لمدة 4 أشهر ندمت وقلت ليتني ما سويته وبناتي دايم يقولون كل الناس عندهم أخوان إلا أحنا الله يفرحنا جميعاً
أسأل الله العظيم أن يحقق منى من ترد علي
الروابط المفضلة