سلام عليكم
ازيكم يا احلى امهات عاملين ايه؟
معلش انا لسه متجوزة جديد ولوحدى فى الغربه مش قادرة اسال حد غيركم يا ريت تساعدونى
الشهر اللى فات الدورة جاتلى بدرى على ميعادها 5 ايام وتعب والم فى الظهر فظيييييييع وكنت تعبانه جدا مش قادرة اتحرك من ظهرى ولانى كنت عملت مجهود جامد وقتها فتوقعت ان كان فيه حمل ومحصلش نصيب
الشهر ده حسيت بدوخة وان جسمي تعبان قلت اجرب اختبار الحمل المنزلى وكان لسه الدورة على ميعادها 5 ايام
جربته وطلع لى خط وردى جدا وخط احمر فشكيت انى حامل وكل شوية الخط يغمق زيادة
فى نفس اليوم بالليل قلقت ورحت عملت تحليل دم وطلعت النتيجة ايجابي الحمد لله بس كان الهرمون مش واضح اوى
انا الوقتى لسه 3 ايام على ميعاد الدورة وحاسه من يومين بالم زي الم الدورة بالضبط ووجع فى ظهرى جامد مش عارفه دا ايه
بس برضه خايفه ان ما يكونش حمل ولا كده يبقى فيه حمل
يا ريت اللى عندها خبرة ترد عليا
شكرا ومستنيه ردودكم
الروابط المفضلة