بسم الله الرحمن الرحيم
مرحبا صبايا رح أدخل بالموضوع فورا بس بدي من اللي عندها فكرة عن هدا الموضوع رجاء لا تتراجع في انها تساعدنا
انا الي صديقة وهي كمان جارتي حامل كمان زينا بس المسكينة بتعاني من مشكلة عندها وهي انها بتتعرض لنوبات إختلاج اي(صرع ) الله بيعدكم عنو
هدي النوبات بتجيها كل سنة تقريبا وهلأ صرلها سنتين ما إجتها لكن هلأ من يومين المسكينة تعبت مع انها بتاخد ادوية وكل إشي بس يمكن السبب الحمل الله أعلم؟؟
المهم هي هلأ خايفة وبتسأل ياترى ممكن ييسير معها هيك إشي اثناء الولادة
انشالله لأ يارب ""
مع انو هدا المرض ما منعها من انها تتدرس وتشتغل كمان هي هلأ مهندسة مدينة ماشالله عنها وزي القمر بس هي خايفة انو هدا المرض ينتقل للجنين اللي ببطنها
ادعولها صبايا ارجوكم واللي عندها اي فكرة عن هدا الموضوع تساعدها
الأطباء قلولها ان بالولادة تاخد هدي اللإبرة ابرة الظهر بس هي خايفة منها تأثر على أعصابها
المهم هي هي قصة صديقتي وهي حامل هلأ بالشهر الخامس وهدا اول بيبي انشالله سلامة كل أم يارب
سلام
الروابط المفضلة