السلام عليكم أخواتي:
الحمد لله عندي طفل عمره سنة و3 شهور وأنا الآن في الشهر السابع
بصراحة أريد الإستعداد للمرحلة القادمة فأنا مدركة بأن الأمور ستكون صعبة للغاية لأن الطفلان صغيران وأنا لوحدي وسألد لوحدي ولا يوجد بقربي أحد سوى الله وزوجي
لذلك أتمنى من الأم التي عاشت تجربة مشابهة لتجربتي بأن تخبرني عن تجربتها وما الحلول
فمثلا
كيف أنظم يومي في المرحلة الأولى مع قلة النوم ؟
هل ستتغير عادات طفلي الأكبر بعد مجيء المولود؟
هل سأستطيع التوفيق بين احتياجات طفلاي وكيف؟
علما بأنني مع ولادة طفلي الكبير عانيت بشدة لأني وحيدة

كيف أنظم أمور بيتي
هل يكون التنظيف ليلا؟
هل أقوم بإعداد أطباق قبل ولادتي ووضعها في الفريزر
وماهي هذه الأطباق؟

هل سيكون لدي الوقت للإهتمام بحالي ؟

أنا ولدت طفلي الثاني وكان عمر ابني الاول سنة و4 شهور فقط
والله الوضع بختلف حسب طبيعة المولود التاني فإذا كان هادي الطبع قليل البكاء فلن يكون هناك مشكله على الأقل الأربع خمس شهور الأولى من حياته وسيكون الاهتمام الاكبر من نصيب الطفل الأول وهذا ما حدث معي .
بالنسبة للبيت مع الوقت رح تتعودي عادة المولود الجديد كثير النوم ولما بنام أبنك الاكبر تستطيعي القيام بأمور منزلك من تنظيف وطبخ .
الموضوع ما رح اقولك انه سهل لانك رح تتعبي أكيد بس رح تدبري حالك وتتأقلمي عادي وصدقيني بعد فترة رح تنسي موضوع النوم وتتعودي على قلته هههههههه
عادات ابنك الاكبر أكيد رح تتغير ورح يتأثر بوجود الصغير وهاد رح يتطلب منك مجهود إضافي علشان ما يشعر بالغيرة بس زي ما قلتلك أول 4-5 شهور ما رح يكون في مشكله كبيرة
المشكلة لما يكبروا شوي ويصيروا الاتنين يفهموا هنا تحدث المصادمات وبتصيري كأنك مخلفة توأم والله يكون في العون هههههههه

اهم شي اختي تهتمي في الطفل الاول

حتى لايحس ان اخوه اخذ مكانه


لان هذي المرحله يكون متعلق فيك


ووجود طفل اخر راح يغيضه


اعطيه كثير من الاهتمام والرعايه

والله ييسر ولادتك ويقومك بالسلامه

حبيبتي انا كمان متلك
رح اولد وابني عمره سنة و5 شهور
بس انا متوكلة على الله
وهو ان شاء الله بيعطينا القوة لمراعاة الصغرين
والقيام بوظائف البيت

الله يكون في عونكم
والله أهم شي هدوء الاعصاب وحطي ببالك انك رح تمري بازمه تحتاج صبر منك ومن زوجك

Wallah 7abibty ana kaman metlik lama 7awlid 7atkon binty 3andha sana wi nos wana kaman mortariba wilwa7di rabi yi3inek wiy3ini allah yi2awemik bisalama

اختي الغاليه انا حالي يمكن اتعس شوي من حالك لان رح اولد وبنتي عمرها سني وشهرين وبجوز اقل وبولد قيصري وكتير حاملي هم بس الله يكون في عونا بس انا عارفي انو الموضوع مو سهل بالمرة بس حكمة رب العالمين وياريت في حدا يساعدنا اكتر بالردود

والله ياقلبي نفس الشي بس انا وضعي الاصعب بينكم
انا عندي تؤام وبولد وعمرهم سنة و5 اشهر وكمان بالغربة
الله يكون بعونا جميعا ويهدينا اطفالنا يارب

وانا بعد بنتي عندها ٩ شهور وانا والحمدلله حامل في الشهر الاول
والله يكون بالعون

السلام عليكم أخواتي العزيزات أنا مررت بنفس التجربة فقد وضعت إبني الثاني وعمر إبني الأول سنة وشهر فقط وكانت مرحلة جدا صعبة في حياتي ولكن الحمد لله وما ّإن أصبح عمر إبني التاني عامان وضعت توأم بنات وعمرهم الآن سنة وأستطيع القول أنني الآن فقط تنفست الصعداء بعد أن عملت مانع للتنظيم فقط لا لقطع النسل لأني تعبت جدا وأخيرا أخواتي العزيزات عليكم بالصبر وتنظيم الوقت قدر المستطاع وعذرا على الإطالة