السلام عليكم بغيتكم خواتي تساعدوني في الحساب لان باقي شوي واستخف من كلام الدكاترة كل دكتورة تحسب لي حساب أنا أراجع في مستشفى حكومي وكل زيارة يدخلوني عند دكتورة غير وكل وحدة حاسبه لي حساب فيه دكتورة تقول انتي تاريخ4 من كل شهر تدخلي بشهر جديد والثانية قالت تاريخ10من كل شهر والاستشا رية قالت تاريخ15من كل شهر بس اللي قهرني اني البارح كان عندي مراجعة وكالعادة دخلت عند دكتورة غير واللي قهرني وجاب لي الظغط انها قالت لي تاريخ20من كل شهر تدخلي شهر جديد وانتي الحين في الاسبوع الثلاثين وبعدج ماخلصتي الشهر السابع والله حاسه اني بنفجرمن كلامهم خاصة الاخيرة دخليكم اللي تعرف تحسب تساعدني وتحسب معاي لاني صدق بستخف من كلامهن تاريخ آخر دورة لي كانت تاريخ11/3/2008والله يجزاها الجنة اللي تريحني وآسفة عالاطالة

انا بطيئه في الحساب بس أختصري على نفسك واحسبي اول شهر بعد 15 يوم من بدايه الدوره أنا كذا حسبت لي الدكتوره وطلع كلامها صح ,,,,,,,


والله يستر بعد ما تحسبي ردي عليه قد أيش بيطلع ...........

انا ياقلبي حسبت لحملي ببنتي ملك وولدت بالضبط على اخر شهري التاسع
وحتى بنت حماي كلمتني وكانت تقولي انا متاخرة بالولادة حسب حسابات الدكتورة وحسبتلها انا بهالطريقة والله العظيم قلتلها باقيلك اسبوع وبتولدي يوم الجمعة انشاء الله ويوم الجمعة فعلا راحت وولدت نفس حساباتي
بداية اخر دورة 11/03/2008
التبويض كان 24/03/2008
21/04/2008 تدخلي الشهر الثاني ويستمر 4 أسابيع
19/05/2008 تدخلي الشهر الثالث ويستمر 4 أسابيع
16/06/2008 تدخلي الشهر الرابع ويستمر 4 اسابيع
14/07/2008 تدخلي الشهر الخامس ويستمر 5 اسابيع
18/08/2008 تدخلي الشهر السادس ويستمر 4 اسابيع
15/09/2008 تدخلي الشهر السابع ويستمر 4 اسابيع
13/10/2008 تدخلي الشهر الثامن ويستمر 4 اسابيع
10/11/2008 تدخلي الشهر التاسع ويستمر 5 اسابيع
15/12/2008 يوم الإثنين تكملي الشهر التاسع ويكون موعد الولادة بإذن الله
وطبعا البكر مثل مايقولون ممكن تتأخر اسبوعين أو ممكن تولد قبل أسبوعين

يمكن الدكاترة بيحكولنا نحسب تاريخ معين كل شهر عشا مايتعبو حالهم ويفهمونا ان الشهر الخامس والتاسع بتكون5 اسابيع
انا حسابات دكتورتي كان اني اولد بتاريخ 03/06/2008
وولدت 31/05/2008 حسب حساباتي

مشكورات خواتي وجزاكن الله الف الف خير. المشكلة اني مب بكرية عندي اربعة من قبل بس هالمرة انا حامل بتوام وتعرفون اللي شايلة واحد غير اللي شايلة اثنين بغيت الايام تمر بسرعة وافتك لاني خلاص تعبانه من الثقل والآم الي فيني الله يهون عليكن ويحفظكن آمين يارب

والله ماعندي فكره بس حبيت اقولج انشالله تولدين بالسلامه

ان شاء الله تقومي بالسلامه انتي والبيبيهات

الله يقومك بالسلامه انتي الحين بالسابع

اختى زهرة
انت ميعاد ولادتك 18/3/2008 يعنى يوم 18 من كل شهر تدخلى شهر جديد

اشكركن خواتي عالمرور والدعاء والله يحميكن ويحفظكن ويهون على كل حامل ويرزق كل محروم آمين يارب.