حبيباتى انا والحمد لله على وش ولادة وبولد قيصريه

ولادتى الماضيه كنت جلست عند والدى حتى 20 يوم وبعدها رجعت البيت والحمد لله

وكنت اقوم بخدمة نفسى وزوجى وبنتى

لكن هذه المرة لن استطيع الجلوس عند والدى لظروف خاصه وكمان محدش هيجى من اهلى يجلس معى

اخواتى متزوجات ووالدتى لن تستطيع المجىء للجلوس معى فى البيت عندى

يعنى هبقى لوحدى تفتكروا سهل انى ارجع من العمليه للبيت واخدم نفسى وبيتى وزوجى وبنتى والبيبى والا صعب

وانتوا اكيد جربتوا وخاصة اللى فى الغربه

يا ترى سهل والا صعب طمنونى

مع العلم زوجى لا يعرف يعمل الا اشياء بسيطه يعنى هيساعدنى بس بسيط

والوضع ده مينفعش يتغير يعنى لا ينفع لظروف عنل زوجى ولا تقدر والدتى تجلس معى


اعمل ايه

وايه اللى اعمله قبل الولاده عشان يبقى سهل عليا خدمة نفسى


منتظرة ردكم

الله يكون في عونك يااااااااارب الصراحه صعبه.. اسبوعين لين يبرى الجرح...
المفروض في احد يساعدك... البيبي وتنظيفه سبوحه وتغير ملابسه... الافضل تقعدين بالمستشفى على الاقل عشر ايام...

الله يعينك وييسر امرك


بصراحه وضعك صعب

لازم يكون معك امك ولا اختك

والله يابنتى انا كنت لوحدي بس انتى هتتعبي اول اسبوعين من الم الجرح وكل يوم بيقل الالم عن اليوم اللى قبله طبعا مش هتقدري تتحركى من سريرك الا بسيط جدا اول اسبوع وتانى اسبوع هتبدأي تتحركى خفيف

نصيحتى ليكى قبل الولاده حاولى ترتبي البيت كويس اوى وتحاولى تعملى كام اكله كدا وحطيهم في الفريزر علشان بعد الولاده تقدري تطلعى تسخنى علطول ليكى انتى وزوجك وبنتك وده هيسهل عليكي كتير لانك اول اسبوعين مش هتقدري تقفي كتير في المطبخ وكمان حاولى تظبطى ملابسك وملابس زوجك وبنتك غسيل وكوي قبل الولاده تكفيهم مدة اسبوعين علشان تقدري ترتاحى وتاخدى راحتك


وعليكى بشرب السوائل كتير وربنا يقومك بالسلامه يارب

نصيحتى ليكى قبل الولاده حاولى ترتبي البيت كويس اوى وتحاولى تعملى كام اكله كدا وحطيهم في الفريزر علشان بعد الولاده تقدري تطلعى تسخنى علطول ليكى انتى وزوجك وبنتك وده هيسهل عليكي كتير لانك اول اسبوعين مش هتقدري تقفي كتير في المطبخ وكمان حاولى تظبطى ملابسك وملابس زوجك وبنتك غسيل وكوي قبل الولاده تكفيهم مدة اسبوعين علشان تقدري ترتاحى وتاخدى راحتك

هذا اللي كنت حقوله لك والله ييسر لك

السلام عليكم ورحمه الله وبركاته
اختي الغاليه
اولا : هونيها تهون وتاكدي ان ربنا سبحانه وتعالى هو اللي بيساعد الواحده فينا مش البشر

ثانيا : استعيني بالله تعالى وقومي بالتالي :

قومي بعمل كميه من الفراخ البانيه والبفتيك تبليها واعمليها بالبيض والبقسماط وشيليها في الفريزر جاهزه على القلي وان شاء الله زوجك يقليها او ربنا يديكي القوه تقليها بنفسك مع بطاطس محمره وعيش وهتتقضى

وبالنسبه للشقه حاولي تكوني قبل ما تروحي تولدي تكوني مخلصه كل حاجه من غسيل وتنظيف وتكوني مجهزه في الدولاب مجموعه غيارات لزوجك ولبنوتك وليكي علشان اول كام يوم علشان الموضوع يبقى سهل ان شاء الله

وانا شايفه ان العمليه القيصريه تعبها اول يومين تلاته بالكتير وخلي بالك ان الدكتور قالي كل لما تتحركي اكتر كل لما الجرح يلم اسرع

وافتكري دايما ان ربنا هو المعين وتكلمي مع زوجك بصراحه انه لازم يشيل معاكي شويه مسؤليه لان النونو مش بتاعك لوحدك ده بتاعكم انتم الاتنين

ربنا يقومك ويقوم النونو بالسلامه ومتنسيش تطمنينا

الله يعينك خلية يجيب لكي خادمة او يستاجر لكي وحدة تنضف البيت باليوم والله العملية تعب جربتها

افضل حل تجيبي لك خادمه لمدة شهر......على الاقل تساعد في التنظيف والغسيل
والكوي

الله يكون في عونك وحالي من حالك عمليتي الاسبوع القادم ومافي حدا معي وعندي ولدين ودورت كتير على شغالة لمدة شهر ولحد الان مالقيت بس توكلي على رب العالمين يهونها علينا وانا كنت ناوية اعمل متل ما قالت الاخت ام ندى شوية ترتيب وتنظيم للبيت وشوية مساعدة من الزوج انشاء الله بيمشي الحال لا تخافي انت بس توكلي على رب العالمين والله بيهون عليكي الله يقومك بالسلامة وييسرلك امورك

الله يعينك ويهونها عليك