بعد 9 اشهر من الانتظار وبعد ماتحملتي من اجهاد ومابذلتي خلال الحمل والولاده فأن ما حلمت به وانتظرتي وترقبتي وصوله اصبح بين يديكي صغيرا ضعيفا يحتاج منكي الى رعايه واهتمام ولكي تتعرفي عليه اكثر سوف نتصفح معا كتاب نشره المجلس القومي للطفوله والامومه ولقد أفادني كثيرا مع ابنتي وهدئ من روعي ولكي تعم الأستفاده سوف نتصفحه سويا وتستفيد منه كل سيده حامل للأول مره (لان معندهاش خبره لسه)وطبعا كل أم

فهيا بنـــــــا



اول لقاء مع طفلك

بعد انتظار 9 اشهر وبعد مابقى حقيقة ملموسه قدامك ،،،،،لا تنزعجي ان كان شكل طفلك مختلف عن تخيلاتك له ..يعني ممكن راسه تكون غير منتظمه وبشرته مجعده ومشعره ولونه مختلف وعينيه منتفخه كلها ظواهر طبيعيه جدا ناتجه عن وجوده 9 أشهر في الرحم بالأضافه لرحلة الولاده الشاقه والمنهكه له.

لا تقلقي ففي خلال ايام أو أسابيع على الأكثر ،هتزول كل الأعراض ويبقى أجمل بكثير من اللي كان في خيالك

1-البشره

بعد الولاده مباشرة يكون لون الطفل مائل للبنفسجي .وده بسبب المجهود والضغوط اللي اتعرض ليها اثناء الولاده ،،وبالطبع هتستعيد البشره لونها الطبيعي (اللي بنسميه الحمره الورديه )مع الوقت.


2-شكل الرأس

وقت الولاده بتاخد الرأس شكل قرطاسي وده لمرونه عظام الجمجمه عند الطفل هي اللي بتسهل مروره في حوض الأم الضيق اثناء الولاده ،ولكن ستستعيد الرأس شكلها الطبيعي مع الوقت.


3-ملمس الرأس

هتلاحظي وجود فراغين (يافوخين)في عظم جمجمته تحت الجلد على طول واحد فوق الجبين وده كبير نسبيا ،والثاني اصغر حجما وموجود في مؤخرة الجمجمه وطبعا دول هيختفوا تماما مع اكتمالعظام الجمجمه هختفي الخلفيه بعد الولاده بأيام والأماميه عند السنه ونصف تقريبا ودول سبحان الله بيوفروا الليونه لعظم الجمجمه وبالتالي تسهيل عملية الولاده ولازم تتعاملي معاهم بحرص شديد جدا لأنها رقيقه وما تضغطيش عليهم.


4-ثدي الطفل

• عند بعض الأطفال سواء اولاد اوبنات حديثي الولاده ممكن نلاحظ تورم الثدي وبالضعط عليه ينزل سائل شبه اللبن وده شئ طبيعي ومش هيستمر لفتره طويله وهيروح لوحده
• المهم متضغطيش عليه لغرض عصره واخراج اللبن لأن ده ممكن يدخل ميكروبات لا قدر الله واحسن حل سيبيه زي ماهو ولو حسيتي ان المنطقه وارمه زياده عن اللازم راجعي الطبيب فورا.

5-حيض كاذب

ممكن برده تلاحظي وانت بتغيري لبنتك وجود قطرات دم في منطقه الجهز التناسلي وده ماهو الا حيض كاذب وله اسبابه الطبيعيه وهيروح لوحده(وانا عن نفسي وجدت حاجه زي كده وكان عمر بنتي يومين وده مره واحده ومشفتهوش تاني فمتقلقوش).


6-السره

عند الولاده يربط الحبل السري بملاقط بلاستيك على مسافة 2 سم من السره فان كان اول طفل لكي قد يبدو المنظر مقلقا لكن لا داعي لذلك ؟لأنه ببعد 6 :14 يوم يذبل الحبل ويسقط وحده ومعه الملقاط لكن المهم تنظيف السره بالكحول الأبيض 4 مرات يوميا حتى يسقط الحبل وبعدها كمان اذا كان في افرازات بداخل السره.


7-العينين

الانتفاخات الناتجه عن الولاده بتؤدي الى الأعتقاد بان العينين بهما ميل الى الحول لا تنزعجي (ماتعمليش زيي انا كنت قلقانه اوي لحد ما سألت الدكتور وقالي اي حاجه تحصل للطفل لحدسن3شهور كلها عاديه والحمد لله الحول اللي كنت بشوفه راح )فما هي الا ايام معدوده ويختفي الأنتفاخ ويأخذ الأنف شكله النهائي ويصبح كل شئ على مايرام ..ايضا لون العينين بيكون مائل للأزرق لكن لا يمكن تخمين لونهم الحقيقي بعد كده هيبقى ايه..ومن الضروري استخدام قطره مضاد حيوي يكتبها الطبيب حمايه للعين التي من الممكن ان تكون قد تعرضت لميكروبات اثناء الولاده.


8-الوزن

طفلك هيفقد شويه من وزنه اول كام يوم من حياته وده وضع متوقع وطبيعي
اولا:
لأنه بعد ولادته بيخرج مع البراز كميه من السوائل اللزجه اللي كانت معه طول فترة الحمل ومبقاش لها اي احتياج دلوقتي .

ثانيا:
المجهود اللي بيبذله في عملية الرضاعه مابيقدرش يعوضه بكميه لبن كافيه توازي المجهود ده وهنا بيجي دورك انك تساعديه في الحصول على اللبن الكافي وده عن طريق تعليم نفسك وطفلك كيفيه الرضاعه الصحيحه علشان يستعيد وزنه وينمو بصحه وده هنشرحه بعدين

9- انكماش اليدين والرجلين

• ممكن يحتفظ المولود الجديد بوضعية منقبضه مع عدم القدره غلى مد يديه ورجليه وده طبعا ناتج الوضعيه التي تعود عليه داخل الرحم وعمليه مد الأعضاء هي عمليه متواصله بتدوم من 5 :6 أشهر.

يتبع،،،،،

مشكوووورة قلبي ،، جزيت كل الخير ..

في انتظار الباقي من المشاركة بشوق ..

ربي يسعدك و يكرمك أختي بسنت ابوزيد ..

كتبت بواسطة دلعُ طفلة

مشكوووورة قلبي ،، جزيت كل الخير ..

في انتظار الباقي من المشاركة بشوق ..

ربي يسعدك و يكرمك أختي بسنت ابوزيد ..

مرسي لمرورك ويارب نحقق الأستفاده المرجوه ..ولك مثل دعائك ربنا يسعدك ويكرمك ان شاء الله

10- اصفرار اللون

معظم الأطفال بيظهر عليهم لون أصفر على الجلد أو في بياض العين ودي اسمها صفراء فسيولوجيه (يعني أمر طبيعي)وله أسبابه العلميه ،المهم لاتنزعجي وكل المطلوب قياس نسبة الصفراء في دم طفلك ومن الطبيب تعرفي إذا كانت النسبه دي تحتاج لتدخل طبي أو أنها في الحدود الطبيعيه،وفي حالة التدخل الطبي برضه متقلقيش لأن ده بيستوجب وضع الطفل تحت ضوء أزرق في الحضانه بضع ساعات ولازم تعرفي إن نور الأباجوره الفلورسنت لا تفيد


11- الختان

يتم ختان للذكور أول يوم بعد الولاده وإذ لم يتم بعد الولاده لأي سبب فيكون بعد 40 يوم من الولاده


12-فطريات على لسان طفلك

يمكن تلاحظي وجود بعض النقاط البيضاء على لسان طفلك أو على سقف الحلق هذا أمر طبيعي وساعات يكون بسبب اللبن ،ولا تقلقي لكن استشيري الطبيب حتى يصف لك العلاج المناسب،لأن وجود هذه الفطريات قد يزعجه اثناء الرضاعه

13-طبيعة الطفل

ممكن الطفل يتبرز أكثر من 5 مرات يوميا وده انعكاس طبيعي جدا انه بعد كل وجبه يتبرز ،يعني لا تعتبريه أصيب بالأسهال ،كمان ممكن يكون بيعاني من امساك وده لو عدى على الطفل 24 ساعه بدون ان يتبرز ،في الحاله دي أحسن تستشيري الطبيب لأن الأمساك يتسبب له في مغص(وطبعا بنتي قامت معايا بالواجب ولكن الحمد لله الأطفال تعبهم حلو فهم زينة الحياة الدنيا)

14-المغص

طبيعي ان الطفل في أيامه الأولى يصاب بمغص وده نتيجه انه مش متعود على عملية الهضم التي تبدأ مع اول يوم رضاعه له وهناك مهدءات للمغص بانواع مختلفه لكن استشيري الطبيب

15-تحليل الغده الدرقيه

لازم تروحي مكتب الصحه في خلال أسبوع من الولاده علشان يتم اختبار للطفل هو اختبار لنسبة هرمونات الغده الدرقيه وده بيتعمل بشكه بسيطه في كعب قدمه يعني أوعي تترددي في انك تعملي التحليل ده لأنه مهم جدا

كود بي اتش بي:

اطمئني لأن من ضمن الأجراءت الروتينيه لأي عملية ولاده ان يقوم الطبيب بفحص المولود فور ولادته ومراجعة كل الأحتمالات علشان تطمني ان ابنك سليم معافى ان شاء الله 


ولنـــــــــــا لقــــــاء...يتبع،،،،،

الله يعطيكـ العافيه

موضوع رائع

اختي ام باسل اسعدني مرورك ومرسي لذوقك ..وربنا يرزقنا التوفيق والسداد

اختي ام باسل اسعدني مرورك ومرسي لذوقك ..وربنا يرزقنا التوفيق والسداد

جميل موضوعك يا بسنت و جزاك الله كل خير
وفي إنتظار باقي الموضوع
رنا يحفظ لك بنوتك

كتبت بواسطة دموع الليل 2008

الله يعطيكـ العافيه

مرسي يادموع الليل وتسلمي يا حبيبتي آسفه لتأخير الرد
اسعدني مرورك