السلام عليكم ورحمة الله اخواتي الحبيبات
كل عام وانتم بخير ورمضان كريم الله يتقبل منكن الصيام والقيام
ولدت الحمد لله من حوالي اسبوعين وكانت الولادة الحمد لله عذاب, والله المستعان.... المهم حصللي تمزق في عنق الرحم واتخيطت غرز من الداخل دا غيرا لغرز الكتير اللي من برة طبعا..
بعد حوالي 3 او 4 ايام لقيت غرزتين انفكوا من ناحية الاسفل قرب الشرج اعزكم الله...يوم كمان وكان الجرح التهب وزاد عدد الغرز المفوحة لكن ما وصلش للمكان دا
يعني في حوالي 3 غرز كويسين بعد المهبل...طبعا انا شغالة اخد مضاد حيوي وادوية ومسكن ومراهم مضاد حيوي وغيره...ولسه الى الان ما التئم الجرح..بس هوا افضل من الاول لكن المنطقة بقى منظرها سيء جدا هل ممكن يلتئم الجرح بدون اعادة الخياطة؟؟؟ ولا هيفضل مشقوق كدا؟
وقريب نزل خيوط من جوا معاها بعض الصديد (عفوا والله انا اسفة) هل ممكن يكون في غرز جوا ما التئمتش وملتهبة...ولو في ايه تأثيرها وهل بتخف وتلتئم ولا لا؟
والله يا بنات الدوا منشف اللبن وانا تعبانة جدا معرفش اجلس كويس عشان ارضع ابني ونفسيتي في التراب....والدكتورة حسبي الله ونعم الوكيل بصت على الجرح في ربع ثانية وقالتلي ايوة ايوة خدي المرهم دا.
ارجوكم ردوا عليا انا محتاجة حد يطمني او ينصحني
وادعولي الله يبارك فيكم وافتكروني على الفطار ارجوكم بالدعاء ليا ولعمر ابني ان الله يفك كربنا لعل احداكن تكون اهلا للاجابة ان شاء الله
الروابط المفضلة