انا حبيت افضفض لاخواتي الحوامل اللي حيكونوا امهات جدد ان شاء الله
انا مش حابة حد يغلط غلطتي ويرضع ابنه صناعى لانه شئ مؤلم جدا بجد
انا لماكنت حامل كنت بقرأ كتير عن الرضاعة الطبيعية وكان نفسي اوي ارضع طبيعي لفوائدها العظيمة بس للاسف مكنتش بقرأ المشاكل اللي ممكن تواجه اللي بترضع
اول نصيحة ليكم لازم وانتم في الشهر السادس من الحمل تدهنوا الحلمة وتشدوها الي اعلى برفق بزيت زيتون او زبدة كاكاو او مرهم بانتينول
تاني حاجة اول ماتولدي لازم ترضعي ابنك على طول وطبعا الواحد بيكون مرهق بس ممكن ترضعي طفلك وانتي نايمة على جمبك وهو نايم على جمبه وهو وضع مريح جدا
اول اسبوع ده بيكون اللبن قليل علشان كده لازم ترضعي طفلك كل ساعتين ولاتعطيه اي شئ بجانب الرضاعة علشان ميشبعش ويسحب لبن من صدرك كتير لأن ده اللي بيدر اللبن وطبعا شرب السوايل كمان واهم حاجة الحالة النفسية
انا طبعا مكنتش اعرف ده وجيت على خامس يوم ابني كان على طول بيعيط ولقيت مفيش لبن في صدري خالص واستعجلت واديته صناعي
وكنت في الاول بديله صدري الاول وبعد كده بكمل صناعي
المشكلة اللي جاتلي بعد كده بئه صدري كان بيوجعني وكان بينزل دم وانكسفت اروح للدكتورة وقعدت بس ادهن في كريمات ومكنش فيه فايدة ولقيت طفلي مرة بيرجع دم مع اللبن
حالتي النفسية ساءت اكتر وبطلت شوية الرضاعة الطبيعية وكنت بديله صناعي بس لمدة يومين وبعد كده تقريبا بئه بياخد صدري زي التيتينة بس
وده شئ مؤلم اوي بالنسبة للأم
مش عاوزة حد يغلط غلطتي ومش عاوزة حد يستعجل واستحملوا واصبروا واكثروا من الدعاء ولو فيه اي مشكلة في ثديكم اعرضوا نفسكم على دكتورة وحتلاقوا ان شاء الله الحل
انا ابني عنده دلوقتي شهرين ادعولي انه يرجع يرضع من صدري تاني او ربنا يعوضني في اطفالي القادمين ان شاء الله وارضعهم طبيعي باذن الله
واسفة للاطالة

جزاكى الله خيرا يا ام باسل لمحاولتك افاده الجميع جعله الله فى ميزان حسناتك ان شاء الله
وفعلا الرضاعه الطبيعيه مهمه جداا للطفل ويجب على كل ام ان لاترحم طفلها منها ابداا
والرضاعه الطبيعيه فن ومحتاج الى تدريب من الام والبيبى وطبعا الى صبر

وفعلا االحليب لا ينزل بقوه الى على اليوم الثالث او كثر بعد الولاده فلا يجب التسرع واعطاء الطفل حليب صناعى لانه بيبكى

ومن الطبيعى ان يحدث تشققات فى الحلمه وهذا يسبب نزول الدم ومن السهل علاجها باذن الله
ولكن فعلا من الافضل البدء بالعنايه من الحلمه من الشهر الثامن او حتى قبل ذللك بتدليكها بمرطب او كريم خاص

ربنا يكرمنا جميعا ويرزقنا بالذريه الصالحه ونرضعهم طبيعيا ان شاء الله
وان شاء الله يا ام باسل ترضعى اولادك القادمين طبيعيا اللهم اميين

ديه كانت نصيحة لأخت لنا هنا في المنتدى ليا حبيت اني افيدكم بها
nonatmohra
من المفضل ان تتم التحضيرات من السادس
ولكن عليكى اولا ان تتعرفى على نوع الحلمه

الصوره الاولى من اليمين : الحلمه المقلوبه للداخل تحتاج 10مرات مساج يوميا

الصوره الثانيه من اليمين: الحلمه المسطحه تحتاج مساج 6مرات يوميا

الصوره الثالثه من اليمين: الحلمه العاديه تحتاج مساج 3مرات يوميا

ويتم عمل المساج بزيت زيتون او
بانثينول كريم Panthenol cream
فى حركه دائريه مع الشد بخفه للخارج

شكررا حبيبتي ام ياس على المعلومه والصورر انشالله احمل واجرب

ادعيلي بالحمل القريب

عفوا على الغلط بأسمك بس غلط كتابي حبيبتي ام باسل

بارك الله فيكي و جزاكى كل الخير عللى المعلومات المفيدة الله يرزق اطفالنا جميعا بالرضاعة الطبيعيه

تسلمى انا كنت مستهونه بحكايه التشققات دى و مهتمتش بس بعد كده ندمت
لانى تعبت خالص
نصيحتك كويسه جدا ربنا يجعلها فى ميزان حسناتك

يسلمو انا كمان ندمانة لاعطاء ابني الحليب الصناعي
ان شاء الله البيبيات الجاي ارضعهم طبيعي

اشكركم لمروركم الكريم جميعا
ويارب يااريس يرزقك بالحمل القريب
ويارب جميعا نرضع ابنائنا رضاعة طبيعية يارب

جزاك الله خير على النصيحة