السلام عليكم
كيفكم اخواتي العزيزات كل عام وانتوا بخير رمضان كريم
انا عندي بنتين بنتي الكبيرة عمرها 5 سنوات والصغيرة عمرها 8 شهور وانا برضع وماتخيلت اني حكون حامل بس سبحان الله لما رب العالمين يشاء انا الدورة بتجيني كل شهرين مرة بسبب الرضاعه وفجأه صار ثلاث شهور وما اجت بديت احس باعراض غريبه دوخه ولعبان نفس والعياذ بالله قيء احكي لاء مش معقول يجوز من الحر حكيت لزوجي بحكيلي بتهيئلك وبديت اروح للحمام كثير وخصوصا بالليل وبطني حستها كبراني مش زي الاول بحكي لجوزي بحكيلي عادي تاخير دورة وشي يوم حكيت لجوزي خلص جيبلي اختبار الحمل حكالي طيب مع اني متاكد انك مش حامل وعملت الاختبار وبين عندي دغري خطين وطلعت حامل حكيت لجوزي بحكيلي اي مكتوب بالنشرة انو ممكن يكون فيه خطاء بنروح للدكتور وبنشوف ورحنا وشفنا بالسونار وطلعت حامل بال11 اسبوع وشفنا البيبي والحمد لله واخيرا زوجي سدء وفرح كتير يابنات بالله عليكم ادعولي انو الله يرزقني الولد الصالح سليم ومعافى افرح زوجي حبيب ئلبي مع انو عمروا محكى بهل الموضوع بس انا حاسي فيه انو نفسه بولد وخصوصا انو عنا بنتين يارب يرزقني الولد الصالح ويرزق كل محروم ومشتهي يارب يارب سليم معافى كامل الخلقه يارب العالمين اسفي ازا طولت عليكم وشكرا ازا بتدعولي
الحمد لله رب العالمين والصلاه والسلام على سيدنا وحبيبنا ونبينا محمد صلى الله عليه وسلم
رد مع الاستدلال
] بَيْنَ يَدَيْكْ 
الروابط المفضلة