السلام عليكم
ومبروك عليكم وصول رمضانا
والله يجعل كل اعمالنا فيه مقبوله

حبيباتي

أنا خايفه ومرعوبه من قلب من الولاده
ومو عارفه شنو اسوي عشان اخفف على نفسي شوي

تمنيت اني ماحملت ( استغفر الله )
بس من اللي اسمعه حولي
كل ماجتمعت انا وأهلي وفتحنا سالفة الحمل والولاده .. عاد كل وحده تحكي قصة حياتها مع الولاده وكأنهم يتحدون بينهم منو اللي عانت اكثر ,, حريم وماصدقوا
ولما اسمع سوالفهم اقعد اصيح وابكي وهم يضحكون
يقولون لا عادج بجيبين الثاني والثالث وبتنسين

ادري بنسى بس الولاده مو هينه .... يكفي ان الرسول عليه الصلاة والسلام اعتبر ولادة المرأه زفره من زفرات الموت

انا كنت مقرره اولد قيصري .. قلت اهون واحسن اقوم من العمليه احصل اولدي جنبي لا عوار ولا الام ولاصياح ولا أمشع بشعري ولا أقطع الشرشف بسنوني
وعاد بنت عمتي انصحتي بالعمليه مع انها ماجلربتها اهي جابت اربعه طبيعي
بس تقول ان القيصري اهون وفي نفس الوقت ان المره ماتتوسع من تحت يعني فايده

انا قلت حق زوجي لاكن طبعا عيا رفض وقاللي اذكري الله بتولدين طبيعي وبتقومين بالسلامه ومافي الا الخير انشاء الله
انا ماقتنعت منه ولو انا مصممه ماعلي من كلامه مو هو شهامه ماراح يحس باللي راح احسه
بس شفت محد يقرر انه يبي قيصري الكل يتمنى طبيعي
فقلت طبيعي على سنة الكون احسن .. بس قررت أخذ أبرة ظهر .. شرايكم ؟

والله احاتي من اول شهر وتعبت افكر .. حتى انه معي نزول مشيمه خفيف وبفحص على اخر الشهر شصار عليه

صديقتي تقول الولاده هينه والشق هين وكل شي سهل الا الخياطه ( الأبره والخيط ) هذا اللي موت

بصراحه رعبتني ...

ولما شفت لميس بالمسلسل تولد زادت همي هم

المشكله اللي محطم معنوياتي اكثر انه في قطر مافي مستشفيات زي الناس
عندنا مستشفى حمد كبير وقمه من الأهتمام بس اطباء زي العالم والناس مافيه
على قولة حد الموظفين فيه ( هون عاملين متل المطبخ بكامل عدته بس مافيه طباخ )
يعني الحكومه ماقصرت المستشفى كامل بس ناقصه أطباء بشاهادات ( غير مزوره )
فتحوا عندنا المستشفى الأهلي فرحنا ... قاموا شلوا اطباء مستشفى حمد وحطوهم بالأهلي .. وعيادات الدوحه ماتفرق عنهم ..؟

قلت لزوجي ابي اولد بمستشفى سعد الطبي يمدحونه اللي بالخبر بالسعوديه
بس رفض بحجة انه مافي حد ينفسني احس اناي مو هاممته باااااااارد ونا محترهليته يحس بجزء من اللي بحسه
بس ماله عذر هلي هناك اقدر انفس اسبوع وارد قطر
بس كلش رافض الفكره

انا اعااااااااااااااااني نفسيا ارجوكم افيدوني ولاتقصرون ولاتهونو الموضوع علي
انا صج خوافه بس ابي اعرف كل شي .. مابي انصدم

حبيبتى هدى نفسك نفسك كل شئ بقدر ان شاء الله تولدى وتقومى بالف سلامة واللى مقدره الله هيكون ربنا معاكى وتكون ساعة ولادتك من اسهل الولادات
ربنا معاكى حبيبتى

حبيبتي انا نفسك اخاف
بس الاحسن متسمعين عن كلام الولادة من اي احد لان هذا يزيدج رعب
خليها على الله ولسة كدامج 5شهور
حاولي تنسي الي سمعتيي والله يسهلج ويسهلنا اجمعين

انا ايضا اخاف بس قررت مااسمع من اي احد

والله ياقلبي حزنتيني وضحكتيني بنفس الوقت ترى والله الولادة ماهي بذيك الصعوبة ومع ذلك ترى والله حلوة وبكرة إذا ولدتي بالسلامة راح تفتكري هاذي الأيام وتضحكي على نفسك ..
أقول خليك بنت رجااااال وقوي قلبك وخليك ألحين في اللي أنتي فيه أهتمي بصحتك وبنفسك
ولا تخلي الولادة شغلك الشاغل مصيرك تذوقي حلاوتها وصدقيني مجرد ماتولدي راح تنسي كل التعب ..وكلام الحريم أرميه وراء ظهرك تراهم يبالغووووا !!!!
بس أنتي أسألي عن دكتورة شاطرة وأكيد راح تلاقي وإذا قدرتي تقنعي زوجك إنك تولدي عند أهلك ولو هالمرة بس عشانها أول ولادة يكون أحسن عشان تطمني بوجود أمك بجنبك
بس هاه الله الله بالأسلوب الطيب مو تقعدي تتمشكلي معاه ترى هو حاس فيكي بس مو عارف كيف يطمنك !!
وبالنسبة أنك تفكرين بالقيصري اعقلي وبطلي هالتفكير الأعوج صحيح في القيصري ماتحسي بشيء وقتها لكن التعب كله يجي بعدها ..آلام ..كررررشة..و و و و و ..
وإبرة الظهر نا بصراحة ماجربتها بس ترى مو أي دكتورة تعرف لها لازم دكتورة شااااااااااااااااااااطرة لأنها في الظهر.. وترى لها مضاعفات بعدين ..
يعني ياقلبي خلي كل شيء طبيعي وتوكلي على ربك واستغفري كثييييييير وكلي تمر قد ماتقدري خصوصاً في الشهر التاسع لأنه يسهل الولادة وهذا أنا جربته بنفسي..
ويارب تولدي بالسلامة أسهل ولادة في الدنيا ... وتبشرينا عنك..

ولك حبي وتحياتي..

انا عن نفسي ما بفكر بالموضوع مع انو ولادتي قربت كتيير
بس خلي ببالك انو كل الناس عم تولد هيك ليش حتى اخاف
البنات اللي اصغر مني واكبر مني هيك
القوية والضعيفة .. والغنية والفقيرة ...........الخ

وبعدين انتي لازم تتذكري الجنة تحت اقدام الامهات وانك لو ما حسيت بالالم كيف رح يصير في رابط بينك وبين ابنك وانا متاكدة انك لما رح توصلي للحظة الولادة رح تقولي باي طريقة تعال با ابني ...قيصري ولا طبيعي ما يهم بس تعال بصحة وعافية

تمنياتي لك بالولادة السهلة والصحة والعافية لك ولجنينك

ياعمري الله يهونها عليك بس توك والله لاتفكرين كثير الهي نفسك باي شي اذا عندك هوايه نميها اطلعي تمشي روحي لا تقعدين للوسواس اكثري قراءة قران واذكار

وان شاء الله على وقتها يحلها حلال ربي يسير لك ويقوي عزمك

لا تخافي عزيزتي
صدقيني ساعتها ربنا بيعطيكي قوة مو طبيعية
و كترة التوتر رح يصعب ولادتك
كوني ريلاكس و لا تسمعي كلام اي حدا
وربنا يقومك بالسلامة حبيبتي
تحياتي

حبيبتى لا تقلقى ان شاء الله تكون ولادتك اسهل ولادة و تجيبلنا احلى بنوته و طبيعى انك تقلقى لانها شئ جديد عليكى

الله يعينك انا نفسي احمل والله اخاف من الولاده وكل ماافتكر الاطفال افتكر انه لازم ولاده والله يسهل عليك وعلينا المهم انا اشوف من قرايبي الي يولد طبيعي الى تشتكى من التوسع او من الضيق من زيادة الخياطه اوخروج هواء وبعضهم الحمدلله يقولوا عمرهم مايتمنوا قيصري.انا بنت عمي ولدت قيصري 4 مرات ماشاء الله يالم بعده الولاده والطبيعي نفس الوقت كله مثل بعض كله تاخذي ابره الظهر والاثنين فيهم خياطه الانادر مايكون فيه والاثنين يحتاج اهتمام ونظافه.بس انا عندي سوال هل انت تحددي اذا تبغي طبيعي ولاقيصري.

ليش الخوف اهم شئ ايمان الانسان بربه وفي اشياء وايد تسهل الولاده باذن الله منها الاستغفار والادعيه والصراحه عندنا في البحرين البكريه يراعونها وايد تولد بدونخوف لانهم يراعون ويحاولون يسهلون الولاده باذن الله...............لازم ماسمعين كلام اي حد لانه الولاده تفرق من وحده لي وحده ....................الله يسهل ولادتج ان شاء الله تقومين بسلامه وان شاء الله راح تكتبين عنوان اسهل من ولادتي مافي عن قريب.....................وراح تضحكين لما تخلص الولاده لانه باذن الله راح يكون كل شئ سهل لما تدخلين التاسع امشي وحولي تشربين القرفه واشياء تسهل الولاده ........قليلي من الوسواس لانه يعقد الموضوع وغيري اي سالفه تخص الولاده وروحي السوق واخذي كل شئ حق البيبي وفرحي...............