بس شو قصة ولادة ما حصلت
هيدا انا صحيت على وجع خفيف عند الفجر امبارحة
قلت قصة كل يوم رح طنش
زاد الوجع و صار منتظم يعني كل خمس دقايق طلقة بس طلق مستحملاه
انا فيقت زوجي و قلتله موجوعة
هو ما صدق يسمع هالحكي و كان رح يتصل على الطبيبة تبعي
قلتله خليها شوية لنتاكد
رحت اخدت دوش دافي الا الوجع كلع راح
فقلت الحمد لله ما بهدلنا حالنا و رحنا مستشفى و نمت
الصبح الساعة 7 فقت على وجع خفيف صار يزيد و ينتظم كل 20 دقيقة
قلت اكيد كذب بس استمر رحت الحمام الله يكرمكن لقيت العلامة فقلت هاي عن جد مو كذب
المهم بقيت بالبيت و رتبت اغراضي و البيت و بعتت ابني لبيت جده و قعدت نتحاكى انا و زوجي و نحسب الطلقات
وقت اللي صاروا كل خمس دقايق اتصلت على الدكتورة الساعة واحدة الضهر حكتلي خليني شوفك بالعيادة
رحت لعندها انا و زوجي الساعة اتنين كشفت علي و حكتلي حالة ولادة و كنت متوسعة 6 سم
طبعا نحن ما خبرنا حدا ركبت لالي المحلول و بدا الوجع يزيد و زوجي الله يحفظه طول الوقت جنبي ماسك ايدي
لعند ما بلش الراس ينزل و ما عدت اتحمل
اعطتني ابرة بالوريد و حكتلي ادفعي
بعدين فقت لقيت حالي حاضنة البيبي و على سرير تاني
بس شو صار معي ما بعرف
شكلي نمت
يلا باركولي
و يشهد الله اني دعيت لالكن بالجمع
طولت عليكن سامحوني
الروابط المفضلة